លោកហោ ណាំហុង៖ លោកកឹម សុខាដកចេញពីតំណែងអនុប្រធានទី១ ដោយសារដើរមួលបង្កាច់រដ្ឋាភិបាល
លោកកឹម សុខា ត្រូវបានសមាជិកសភាពគណបក្សប្រជាជនកម្ពុជាទាំង៦៨រូបបោះឆ្នោតដកចេញពីតំណែងអនុប្រធានទី១ រដ្ឋសភាកម្ពុជា ដោយសារតែលោកដើរមួលបង្កាច់រដ្ឋាភិបាលនៅគ្រប់ទីកន្លែង។ នេះគឺជាការបញ្ជាក់របស់លោកហោ ណាំហុង រដ្ឋមន្ត្រីការបរទេសកម្ពុជា បន្ទាប់ពីបញ្ចប់កិច្ចប្រជុំស្តីពីការជំរាបជូនអំពីស្ថានភាពនយោបាយកម្ពុជាបច្ចុប្បន្នដល់ប្រធានបេសកម្មការទូត និងការិយាល័យតំណាងអង្គការសហប្រជាជាតិប្រចាំនៅកម្ពុជា នៅទីស្តីការក្រសួងការបរទេសនៅព្រឹកថ្ងៃព្រហស្បតិ៍ ទី១៩ វិច្ឆិកានេះ។ សូមស្តាប់ប្រសាសន៍របស់លោកហោ ណាំហុង៖
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥២
បន្ទាប់ពីបញ្ចប់កិច្ចប្រជុំជាមួយប្រធានបេសកម្មការទូត និងការិយាល័យតំណាងអង្គការសហប្រជាជាតិប្រចាំកម្ពុជា ស្តីពីការជំរាបជូនស្ថានភាពនយោបាយបច្ចុប្បន្ននៅកម្ពុជា លោករដ្ឋមន្ត្រីការបរទេសកម្ពុជា ហោ ណាំហុង បានថ្លែងបានប្រាប់អ្នកសារព័ត៌ពីមូលហេតុចំណងដែលលោកកឹម សុខា ត្រូវបានដកចេញពីតំណែងអនុប្រធានទី១ រដ្ឋសភា។
សំលេងលោកហោ ណាំហុង៖
ក្រៅពីរឿងដកតំណែងលោកកឹម សុខានេះ លោកហោ ណាំហុង ក៏បានពន្យល់ដល់មន្ត្រីអង្គទូតនានាផងដែរថា លោកនាយករដ្ឋមន្ត្រីក៏បានអំពាវនាវដល់អ្នកកាសែត និងអ្នកបង្ហោះរូបភាពតាមហ្វេសប៊ុក អោយសហការជាមួយអាជ្ញាធរមានសមត្ថកិច្ច ក្នុងការស្វែងរកចាប់ខ្លួនជនដៃដល់ ដែលបានវាយទៅលើអ្នកតំណាងរាស្រ្តបក្សប្រឆាំង នៅខាងមុខបរិវេណរដ្ឋសភា កន្លងទៅថ្មីៗនេះ។
លោកហោ ណាំហុង ក៏បានបន្តដែរថា ក្រសួងមហាផ្ទៃ បានកំណត់មុខសញ្ញាជនសង្ស័យ ហើយបន្ទាប់មកមានមនុស្ស៣នាក់បានចូលខ្លួន មកសារភាពចំពោះក្រសួងមហាផ្ទៃ ដោយពួកគេដឹងថាក្រសួងមហាផ្ទៃបានស្គាល់ពួកគេរួចហើយ។ បច្ចុប្បន្នជនដៃដល់ទាំង៣នាក់ កំពុងតែជាប់ពន្ធនាគារ។
សូមបញ្ជាក់ផងដែរថា ខណៈពេលនេះ លោកកឹម សុខា កំពុងតែមានវត្តមាននៅក្រៅប្រទេស ហើយការវិលត្រឡប់ចូលមកម្ពុជាវិញនោះ នៅមិនទាន់ បញ្ជាក់ពីកាលបរិច្ឆេទច្បាស់លាស់នោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ