ប្រធានគជប៖ ព្រះសង្ឃគួរតែកុំធ្វើជាអ្នកអង្កេតការណ៍ចុះឈ្មោះបោះឆ្នោត
ទោះបីជាព្រះសង្ឃមានសិទ្ធិដើម្បីធ្វើជាអ្នកអង្កេតការណ៍ ក្នុងការចុះឈ្មោះបោះឆ្នោតក៏ដោយ ក៏ លោកស៊ិក ប៊ុនហុក ស្នើសុំថាព្រះអង្គមិនគួរចូលរួមអង្កេតការណ៍ នោះទេដើម្បីរក្សាសេចក្ដីថ្លៃថ្នូររបស់ព្រះពុទ្ធសាសនា។ ការលើកឡើងនេះបានធ្វើឡើង ក្នុងពិធីដាក់អោយដំណើរការជាផ្លូវការ ការចុះឈ្មោះឆ្នោតតាមប្រព័ន្ធកំព្យូទ័រឆ្នាំ ២០១៦ និងកិច្ចសហប្រតិបត្តិការរវាង គណៈកម្មាធិការជាតិរៀបចំការបោះឆ្នោតជាមួយសហភាព អឺរ៉ុប និងជប៉ុន កាលពីថ្ងៃ ម្សិលមិញ។អត្តបទដោយ ប៉ោ គីមហុក៖
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៨
លោក សឹក ប៊ុនហុក ប្រធានគណៈកម្មាធិការជាតិរៀបចំការបោះឆ្នោត បានប្រាប់អ្នកសារព័ត៌មានថា ព្រះសង្ឃអាចធ្វើជាអ្នកអង្កេតការណ៍ក្នុងការបោះឆ្នោតបាន តែព្រះសង្ឃមិនគួរចូលរួមក្នុងតួនាទីនេះទេក្រោមហេតុផលថាវាអាចប៉ះពាល់ដល់វិស័យព្រះពុទ្ធសាសនា បើសិនជាមានការប្រព្រឹទ្ធខុសអ្វីមួយ។ ដើម្បីការពារភាពថ្លៃថ្នូរ និងជាការគោរពដល់ព្រះពុទ្ធសាសនា ព្រះសង្ឃគួរតែមិនចូលរួមក្នុងយុទ្ធនាការមួយនេះទេ នេះបើតាមការលើកឡើងរបស់លោក ស៊ិក ប៊ុនហុក។
ជុំវិញនឹងការលើកឡើងនេះ លោក សម គុណធាមី នាយកប្រតិបត្តិអង្គការ និកហ្វិក ដែលធ្វើការពាក់ព័ន្ធនឹងការបោះឆ្នោត បានអះអាងថា ព្រះសង្ឃគួរតែចូលរួមធ្វើជាអ្នកអង្កេតការណ៍ព្រោះថាព្រះសង្ឃក៏ជាប្រជាពលរដ្ឋផងដែរ ហើយលើសពីនេះវា គឺជាការប្រសើរសម្រាប់លិទ្ធិប្រជាធិបតេយ្យ ជាពិសេសដើម្បីធានាបានដំណើរការបោះឆ្នោតដោយសេរី និងយុត្តិធ៌ម។
គួរបញ្ជាក់ប្រាប់ថា មកទល់នឹងពេលនេះ គជប មិនទាន់ទទួលបានការដាក់ពាក្យស្នើសុំ ធ្វើជាអ្នកអង្កេតការណ៍ក្នុងដំណើរការចុះឈ្មោះបោះឆ្នោតនៅឡើយទេ នេះបើតាមការលើកឡើងរបស់លោក ហង្ស ពុទ្ធា អ្នកនាំពាក្យគជប។ ការបរិច្ឆេទនៃការដាក់ពាក្យជាអ្នកអង្កេតការណ៍ជាតិនេះ និងបន្តរហូតដល់ថ្ងៃទី ០២ កុម្ភៈ ឆ្នាំ ២០១៧។ ហើយដំណើរការនៃការចុះបញ្ជីឈ្មោះបោះឆ្នោតនេះ នឹងចាប់ផ្ដើមជាផ្លូវការនៅថ្ងៃ ទី ០១កញ្ញា ដល់ថ្ងៃទី ២៩ ខែវិច្ឆិកា ឆ្នាំ ២០១៦ នៅតាមសាលាឃុំ សង្កាត់ និងនៅតាមភូមិមួយចំនួនក្នុងឃុំងងសង្កាត់ ដែលធ្វើការជារៀងរាល់ថ្ងៃ ដោយគិតទាំងថ្ងៃ សៅរ៍ និងថ្ងៃ អាទិត្យ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ