រដ្ឋាភិបាលកម្ពុជាមិនទាន់អនុញ្ញាតឲ្យមានការផលិតថាមពលអគ្គិសនីដើរដោយថាមពលនុយក្លេអ៊ែរ
លោកនាយករដ្ឋមន្ត្រី ហ៊ុន សែន នៅព្រឹកថ្ងៃចន្ទ ទី ២៩ តុលាបានប្រកាសថា មកដល់ពេលនេះ រដ្ឋាភិបាល មិនទាន់បានអនុញ្ញាតឲ្យមានការផលិតអគ្គិសនី ដើរដោយថាមពលនុយក្លេអ៊ែរនៅឡើយទេ។ ក៏ប៉ុន្តែ នៅខេត្តកោះកុង ជាប់ព្រំដែនថៃ ពិតជាមានក្រុមហ៊ុនឯកជន ស្នើសុំចង់សិក្សា ដើម្បីឈានទៅវិនិយោគលើគម្រោងដ៏ធំនោះ។
ចុះផ្សាយនៅថ្ងៃ៖
សេចក្តីប្រកាសយ៉ាងដូច្នេះ ត្រូវបានលោកនាយករដ្ឋមន្ត្រី ឆ្លើយតបនឹងការលើកឡើងរបស់ប្រទេសជិតខាងមួយចំនួន ដែលបានបង្ហាញពីកង្វល់ លើគម្រោងផលិតអគ្គិសនី ដើរដោយនុយក្លេអ៊ែរ នៅក្នុងខេត្តកោះកុង។ ក៏ប៉ុន្តែ លោកនាយករដ្ឋមន្ត្រីបានបញ្ជាក់ថា ក្នុងកាលៈទេសៈពេលនេះ កម្ពុជាមិនទាន់មានសមត្ថភាពទេ។
ជាមួយគ្នានោះ លោកនាយករដ្ឋមន្ត្រី ហ៊ុន សែន ក៏បានគូសបញ្ជាក់ថា ទៅថ្ងៃមុខ កម្ពុជា នឹងអាចឈានដល់ការផលិតអគ្គិសនី ដើរដោយថាមពលនុយក្លេអ៊ែរ ហើយបច្ចុប្បន្ននេះ នៅសាកលវិទ្យាល័យបាត់ដំបង គេក៏កំពុងសិក្សាអំពីផ្នែកវិស្វកម្មនុយក្លេអ៊ែរនេះផងដែ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ