ជំនួបForumសេដ្ឋកិច្ចពិភពលោកទី៤១នៅទីក្រុងដាវ៉ូស
ចាប់ពីថ្ងៃពុធទី២៦មករានេះទៅ ទីក្រុងដាវ៉ូសត្រូវរៀបចំទទួលជំនួបForumសេដ្ឋកិច្ចពិភពលោកទី៤១។ ជំនួបForumសេដ្ឋកិច្ចពិភពលោកនេះត្រូវបើកសម្ពោធដោយលោកប្រធានាធិបតី រុស្ស៊ីម៉េដវ៉េដេវ។ ជំនួបForumនេះ ជាជំនួបប្រជុំប្រចាំឆ្នាំនៃអ្នកដឹកនាំសេដ្ឋកិច្ចនិងនយោបាយទូទាំង ពិភពលោកដើម្បីដោះដូរយោបល់និងដើម្បីពិនិត្យមើលស្ថានការណ៍សេដ្ឋកិច្ច និងនយោបាយ។ ជំនួបForumសេដ្ឋកិច្ចពិភពលោកទី៤១នៅទីក្រុងដាវ៉ូសនេះ មានអ្នកមកចូលរួមប្រជុំជាងពីរពាន់នាក់ ហើយពួកគេនឹងខិតខំរិះរកដំណោះស្រាយធ្វើយ៉ាងណាដើម្បីចៀសវាងកុំឲ្យ ជួបនឹងវិបត្តិសេដ្ឋកិច្ចនិងហិរញ្ញវត្ថុដូចនៅឆ្នាំ២០០៨ទៀត។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ សៀក សារិន
ការបើកសម្ពោធជាផ្លូវការនៃជំនួបForumសេដ្ឋកិច្ចពិភពលោកទី៤១នៅទីក្រុងដាវ៉ូសនឹងត្រូវប្រព្រឹត្តទៅនៅល្ងាចថ្ងៃពុធនេះ ដោយលោកប្រធានាធិបតីរុស្ស៊ីឌ្មីទ្រីម៉េដវ៉េដេវ។ លោកឌ្មីទ្រីម៉េដវ៉េដេវដែលកាលដើមឡើយគ្រោងថាពុំអាចមកចូលរួមជំនួបForumសេដ្ឋកិច្ចនៅទីក្រុងដាវ៉ូសឡើយ ដោយហេតុតែមានអំពើភេរវកម្មដ៏ឃោរឃៅនៅព្រលានយន្តហោះនៃទីក្រុងម៉ូស្គូកាលពីប៉ុន្មានថ្ងៃមុននេះ។
សម្រាប់អ្នកជំនាញការ២ ៥០០នាក់ដែលមកចូលរួមជំនួបForumសេដ្ឋកិច្ចពិភពលោកទី៤១នៅទីក្រុងដាវ៉ូសវិញ បានចាប់ធ្វើការតាំងពីព្រឹកថ្ងៃពុធទី២៦មករានេះទៅហើយ។ ពួកគេត្រូវដោះដូរយោបល់និងការពិសោធន៍ ហើយត្រូវរិះរកដំណោះស្រាយធ្វើយ៉ាងណាឲ្យសេដ្ឋកិច្ចទីផ្សារទទួលបានជោគជ័យ។
ជំនួបForumសេដ្ឋកិច្ចពិភពលោកទី៤១នៅទីក្រុងដាវ៉ូសនេះមានគោលបំណងនឹងខិតខំធ្វើកុំឲ្យពិភពលោកអាចជួបនឹងវិបត្តិសេដ្ឋកិច្ចនិងវិបត្តិហិរញ្ញវត្ថុដូចកាលនៅឆ្នាំ២០០៨ទៀត។
បន្ថែមពីលើនេះ អ្នកជំនាញការដែលមកចូលរួមជំនួបForumសេដ្ឋកិច្ចពិភពលោកទី៤១នៅទីក្រុងដាវ៉ូសក៏នឹងត្រូវពិភាក្សាគ្នាពីប្រធានបទមួយចំនួនពាក់ព័ន្ធនឹងជំនួបG20 មានដូចជា៖
-បញ្ហាសង្គ្រាមរូបិយវត្ថុ។
-បញ្ហាគ្រប់គ្រងទ្រព្យសម្បត្តិធម្មជាតិ។
-បញ្ហាពាក់ព័ន្ធនឹងភាពតានតឹងពាណិជ្ជកម្មរវាងប្រទេសចិននិងសហរដ្ឋអាមេរិក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ