នៅអ៊ុយក្រែន កាណាល់ ទូរទស្សន៍មួយបានបញ្ចាំងផែនទីប្រទេសដោយគ្មានទឹកដីគ្រីមេ
យប់មិញកាណាល់ទូរទស្សន៍មួយនៅអ៊ុយក្រែនផ្ទាល់គឺកាណាល់ MTV+បានបញ្ចាំងបទពណ៌នាជាទីដែលផែនទីរដ្ឋអ៊ុយក្រែនស្រាប់តែត្រូវបានបង្ហាញឲ្យទូរទស្សនិកជនឃើញ ដោយគ្មានទៀបកោះគ្រីមេទេទៀបកោះដែលក្រុងគៀវនៅតែបន្តចាត់ទុកជារបស់អ៊ុយក្រែនដដែលទោះបីពីរឆ្នាំមុនវាបានភ្ជាប់ខ្លួនមកនឹងសហព័ន្ធរុស្ស៊ីក្តី។ អាជ្ញាធរអ៊ុយក្រែនទាមទារការពន្យល់បំភ្លឺពីថ្នាក់ដឹកនាំកាណាល់ទូទស្សន៍នោះ។ ទើបក្នុងខែមករាកន្លងទៅសោះលោកប្រធានាធិបតីអ៊ុយក្រែន ប៉ូរ៉ូឆេនកូ បានប្រកាសឆ្នាំ២០១៦នេះជាឆ្នាំបង្វែរទឹកដីគ្រីមេ មកក្នុងរដ្ឋអ៊ុយក្រែនវិញ។
ចុះផ្សាយនៅថ្ងៃ៖
ស្តាប់ - ០២:០០
ស្របនឹងប្រព័ន្ធផ្សព្វផ្សាយអ៊ុយក្រែន ក្នុងដំណាក់ឥឡូវ គឺមានប្រតិកម្មជាក់លាក់ពីខាងក្រសួងនយោបាយព័ត៌មានអ៊ុយក្រែន។ ថ្ងៃ២៤កុម្ភៈនេះតែម្តង ក្រសួងផ្ញើលិខិតផ្លូវការ ទៅកាន់ទីចាត់ការនិពន្ធនៃកាណាល់ទូរទស្សន៍អ៊ុយក្រែន MTV+ ប្រកបដោយសំណូមពរសុំឲ្យ ពន្យល់បំភ្លឺ តើហេតុដូចម្តេច បានជារដ្ឋអ៊ុយក្រែនស្រាប់តែត្រូវបានបង្ហាញឲ្យប្រជាពលរដ្ឋឃើញក្នុងទម្រង់ផែនទីបែបនេះ។
លោកស្រី Emine Jeppar ជាទីប្រឹក្សារបស់រដ្ឋមន្ត្រីក្រសួងនយោបាយព័ត៌មានអ៊ុយក្រែន ទទួលបន្ទុកបញ្ហាគ្រីមេ សង្កត់ធ្ងន់ថា លិខិតនោះ ទាមទារពីកាណាល់ទូរទស្សន៍អ៊ុយក្រែន MTV+ ឲ្យបង្វែរគ្រីមេមកក្នុងផែនទីអ៊ុយក្រែនវិញ។
ជាការរំលឹក ក្រុងគៀវធ្លាប់បានសំដែងទៅហើយ នូវការមិនសប្បាយចិត្តចំពោះផែនទីណា ជាទីដែលទឹកដីគ្រីមេ មិនរាប់បញ្ចូលថាជារបស់អ៊ុយក្រែន។ ឧទាហរណ៍ក្នុងខែមុនទស្សនាវដ្តី អ៊ីតាលី ឈ្មោះ Limes បានចុះផ្សាយផែនទីអ៊ុយក្រែន អមទៅដោយទឹកដីគ្រីមេថាជារបស់រុស្ស៊ី ហេតុដែលញ៉ាំងឲ្យផ្ទុះឡើងជារឿងអាស្រូវការទូត លុះទាល់តែអគ្គរដ្ឋទូតអ៊ុយក្រែន ប្រចាំនៅអ៊ីតាលី បានសុំទស្សនាវដ្តីនោះឲ្យកែកំហុសនោះទៅ។
មុនពេលនេះ ក្រុមហ៊ុនអាមេរិកាំង Coca Cola ក្នុងការផ្សាយពាណិជ្ជកម្មរបស់ខ្លួន បានបង្ហាញផែនទីប្រទេសរុស្ស៊ីដោយក្តោបទាំងទឹកដីគ្រីមេ។ ជាប្រតិកម្ម ស្ថានទូតអ៊ុយក្រែននៅ ក្រុង វ៉ាស៊ីនតោន បានសំដែងការតវ៉ាទៅកាន់ ក្រុមហ៊ុនភេសជ្ជះនោះនិងទៅកាន់ក្រសួង ការ បរទេស ស.រ.អា.។
កំណត់ទូតតវ៉ានោះចែងថា ទង្វើក្រុមហ៊ុន Coca Cola គឺបញ្ច្រាសនឹងនយោបាយស.រ.អា. បញ្ច្រាសនិងនយោបាយសហគមន៍ពិភពលោកតែម្តង ហើយមិនអាចបណ្តោយឲ្យមានទៅកើតឡើយ។ ក្រោយមក ក្រុមហ៊ុន Coca Cola បានលុបទឹកដីគ្រីមេចេញពីផែនទីប្រទេសរុស្ស៊ីទៅនិងបាន សុំការអភ័យទោសពី ក្រុងគៀវ។
កាលពីថ្ងៃ១៤មករា ដោយថ្លែងក្នុងសន្និសីទកាសែតនៅក្រុងគៀវ លោកប្រធានាធិបតីអ៊ុយក្រែន ប៉េត្រូ ប៉ូរ៉ូឆេនកូ បានលើកឡើងថា៖គឺការបង្វែរទឹកដីគ្រីមេឲ្យ វិលត្រឡប់មកក្នុងរដ្ឋអ៊ុយក្រែនវិញ ដែលជាអាទិភាព នៃនយោបាយអ៊ុយក្រែន សម្រាប់ឆ្នាំ២០១៦នេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ