តុលាការព្រហ្មទណ្ឌអន្តរជាតិបើកការស៊ើបអង្កេតបឋមស្តីពីអំពើហិង្សានានានៅប៊ូរុនឌី
លោកស្រីFatou Bensouda រដ្ឋអាជ្ញាតុលាការព្រហ្មទណ្ឌអន្តរជាតិ(CPI) បានជូនដំណឹងនៅថ្ងៃចន្ទ២៥មេសា អំពីចាប់បើក ការស៊ើបអង្កេតបឋមមួយ ស្តីពី អំពើហិង្សានានាដែលបានកើតឡើងនៅប្រទេសប៊ូរុនឌី ចាប់តាំងពីខែមេសា២០១៥។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៧
បន្ទាប់ពីបានធ្វើការពិនិត្យរបាយការណ៍នានាដែលរៀបរាប់អំពី”ការប្រព្រឹត្តអំពើឃាតកម្ម ការចាប់ឃុំឃាំង សកម្មភាពធ្វើទារុណកម្ម ការចាប់រំលោភបំពានរាងកាយស្រ្តីភេទនិងទម្រង់ផ្សេងៗទៀតនៃអំពើហិង្សាផ្លូវភេទ” លោកស្រីFatou Bensouda រដ្ឋអាជ្ញាតុលាការព្រហ្មទណ្ឌអន្តរជាតិ(CPI) បានសន្និដ្ឋានថា អំពើទាំងនេះ«ត្រូវស្ថិតនៅក្រោមអំណាចសមត្ថកិច្ចរបស់តុលាការព្រហ្មទណ្ឌអន្តរជាតិ»។
នៅក្នុងសេចក្តីជូនដំណឹងមួយ លោកស្រី Fatou Bensouda បានគូសបញ្ជាក់ថា“ការស៊ើបអង្កេតបឋមនេះគឺដើម្បីកំណត់ថាតើមាន« មូលដ្ឋានសមហេតុផលឬទេ" ក្នុងការបើកការស៊ើបអង្កេតមួយ” ដែលពាក់ព័ន្ធទៅនឹងវិបត្តិហិង្សាដ៏ធ្ងន់ធ្ងរនៅក្នុងប្រទេសប៊ូរុនឌី ចាប់តាំងពីលោកប្រធានាធិបតីប៊ូរុនឌី Pierre Nkurunziza បានជូនដំណឹងពីការដាក់បេក្ខភាពប្រធានាធិបតីជាថ្មីសំរាប់អាណត្តិទី៣របស់លោកនៅខែមេសាឆ្នាំ២០១៥និងបានឈ្នះឆ្នោតនៅថ្ងៃទី១កក្កដាបន្ទាប់ពីលទ្ធផលបោះឆ្នោតមួយដែលពោរពេញទៅដោយភាពដ៏ចម្រូងចម្រាស។
អំពើហិង្សានៅប៊ូរុនឌី នាពេលនោះ បានបណ្តាលឲ្យមនុស្សស្លាប់ប្រមាណ ៥០០នាក់និងជម្រុញឲ្យប្រជាជនជាង២៧ម៉ឺននាក់ចាកចេញពីប្រទេស។
រីឯលោកប្រធានាធិបតីប៊ូរុនឌីវិញ ត្រូវបានបក្សប្រឆាំង សង្គមស៊ីវីលនិងបក្សព័ន្ធរបស់លោកមួយផ្នែក ចោទប្រកាន់ពីបទរំលោភ រដ្ឋធម្មនុញ្ញនិងកិច្ចព្រមព្រៀង Arusha ដែលបានបញ្ចប់សង្រ្គាមស៊ីវិលបាននៅចន្លោះឆ្នាំ ១៩៩៣និងឆ្នាំ ២០០៦។ សង្គ្រាមស៊ីវិលនៅប៊ូរុនឌីដែលបានសម្លាប់មនុស្សប្រមាណជា៣០ម៊ឺននាក់។
រដ្ឋអាជ្ញាតុលាការព្រហ្មទណ្ឌអន្តរជាតិ(CPI) បានថ្លែងថា: «ចាប់តាំងពីខែមេសា ឆ្នាំ ២០១៥មក លោកស្រីបានតាមដានយ៉ាងដិតដល់ពីស្ថានការណ៍នៅក្នុងប្រទេស Burundi និងបានក្រើនរំលឹកដល់គ្រប់ភាគីប៊ូរុនឌីជាច្រើនសារកុំឲ្យផុងខ្លួនទៅក្នុងអពើហិង្សា"។
មិនតែប៉ុណ្ណោះ លោកស្រីធ្លាប់បានព្រមានផងដែរថា ពួកអ្នកដែលបានប្រព្រឹត្តអំពើឧក្រិដ្ឋកម្ម នឹងត្រូវស្ថិតនៅក្រោមអំណាចសម្ថត្តកិច្ចរបស់តុលាការឧក្រិដ្ឋកម្មអន្តរជាតិនិងក៏ត្រូវទទួលខុសត្រូវដោយផ្ទាល់ខ្លួនដែរ"៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ