ជនជាតិស៊ីរីដែលជាប់សង្ស័យគ្រោងបង្កភេរវកម្មត្រូវបានប៉ូលីសចាប់ខ្លួនកាលពីយប់អាធ្រាតថ្ងៃអាទិត្យ
ន្ទាប់ពីបានតាមដានអស់រយៈពេលពីរថ្ងៃកន្លងមក ប៉ូលីសអាល្លឺម៉ង់ ទើបបានជូនដំណឹងអំពីការចាប់បានជនជាតិស៊ីរីមួយរូបដែលជាប់សង្ស័យមានគម្រោងភេរវកម្មនៅលើទឹកដីអាល្លឺម៉ង់។ ជនជាប់សង្ស័យភេរវកម្មនេះ ធ្លាប់បានទទួលសិទិ្ធជាជនភៀសខ្លួនតាំងពីឆ្នាំ២០១៥និងត្រូវបានប៉ូលីសអាល្លឺម៉ង់ចាប់ខ្លួននៅពេលយប់អាធ្រាតថ្ងៃអាទិត្យឆ្លងមកព្រឹកថ្ងៃចន្ទនេះ។
ចុះផ្សាយនៅថ្ងៃ៖
ស្តាប់ - ០២:០៩
នៅប្រទេសអាល្លឺម៉ង់ ប៉ូលីសនៅLand de Saxe ក្នុងភាគខាងកើតប្រទេស ទើបបានជូនដំណឹងតាមបណ្តាញសង្គមTwitter ថា ប៉ូលីស ទើបចាប់បានជនជាតិស៊ីរីម្នាក់កាលពីយប់អាធ្រាតថ្ងៃអាទិត្យដែលជាប់សង្ស័យគ្រោងភេរវកម្មមួយនៅលើទឹកដីអាល្លឺម៉ង់។
ភេរវជនដែលជាប់សង្ស័យនោះ ឈ្មោះ Djaber Albakr អាយុ២២ឆ្នាំ ត្រូវបានប៉ូលីសប្រតិបត្តិការតាមដានបន្ទាប់ពីការឆែកឆេរនៅក្នុងផ្ទះល្វែងមួយខ្នងដែលស្ថិតនៅក្រុងChemnitz កាលពីថ្ងៃសៅរ៍មុនដោយបានរកឃើញគ្រឿងផ្ទុះជាច្រើនរយក្រាមផង។ យោងតាមកាសែតអាល្លឺម៉ង់ ការចាប់ខ្លួន Albakr នេះបាន គឹដោយសារតែមានការរាយការណ៍ដោយសម្ងាត់ពីជនជាតិស៊ីរីម្នាក់ទៀត ដល់ប៉ូលីសអាល្លឺម៉ង់ ថា"ជនសង្ស័យ ស្ថិតនៅចំណតអាយស្ម័យាន្តនៅក្រុង Leipzig និងបានសុំផ្ទះគាត់ដើម្បីសំណាក់នៅទៀតផង"។
នៅទីបំផុតប៉ូលីសអាល្លឺម៉ង់ បានព័ទ្ធចាប់ភេរវជននៅយប់អាធ្រាតម្សិលមិញក្នុងផ្ទះរបស់ជនស៊ីរីដែលជាអ្នករាយការណ៍ឲ្យដល់ប៉ូលីសអាល្លឺម៉ង់។
យោងតាមការិយាល័យរដ្ឋអាជ្ញាសហព័ន្ធអាល្លឺម៉ង់វិញ ជនដែលជាប់សង្ស័យភេរវកម្មនេះ ពិតជាមានគម្រោងវាយប្រហារពិតមែនដើម្បីលើកស្ទួយអ៊ីស្លាមនិយម ដោយផ្អែកទៅលើការរកឃើញគ្រឿងផ្ទុះក្នុងបរិមាណដ៏សម្បើម ក៏ព្រមទាំងផ្អែកទៅលើទិដ្ឋភាពទូទៅដែរ។
ចំណែកទិន្នានុប្បវត្តិ Zeitungវិញ បានអះអាងដែរថា ផ្ទាំងស៊ីបនៃវាយប្រហាររបស់ភេរវជន គឺព្រលានយន្តហោះមួយនិងមណ្ឌលដឹកជញ្ជូននៅSaxe តំបន់ម្តុំជុំវិញក្រុងChemnitz ដែលស្ថិតនៅចម្ងាយ២៦០គមភាគខាងត្បូងនៃទីក្រុង Berlin។
គួររំលឹកថា Albakr នេះ បានមកដល់អាល្លឺម៉ង់ដោយខុសច្បាប់នៅខែកុម្ភៈ ២០១៥និងបានទទួលសិទ្ធជាជនភៀសខ្លួនដែរនៅខែមិថុនាឆ្នាំ២០១៥។
ម្យ៉ាងទៀតកាលពីខែកក្កដាមុននេះ អង្គការរដ្ឋអ៊ីស្លាមជីហាត ធ្លាប់បានប្រកាសទទួលស្គាល់លើការវាយប្រហារនានានៅតាមរថភ្លើងមួយខ្សែជិតតំបន់ Würtzbourg និងនៅឱកាសមហោស្រពតន្ត្រីមួយនៅAnsbachថា ជាសា្នដៃរបស់ពួកខ្លួន។ ការវាយប្រហារកាលនោះ បានបណ្តាលឲ្យមានអ្នករងរបួសចំនួន២០នាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ