លីប៊ី៖មេភេរវជនម៉ុកតារ បែលម៉ុកតារស្លាប់ដោយគ្រាប់បែកអាមេរិកំាង !
នៅក្នុងប្រទេសលីប៊ី រដ្ឋាភិបាលផ្លូវការបានប្រកាសឲ្យដឹងពីការស្លាប់មេភេរវជន ម៉ុកតារ បែលម៉ុកតារ (Mokhtar Belmokhtar) នៅក្រោមការវាយប្រហារផ្លូវអាកាសរបស់ទ័ពអាមេរិកំាងក្នុងទឹកដីលីប៊ីនារាត្រីយប់ថ្ងៃសៅរ៍ឆ្លងចូលថ្ងៃអាទិត្យ ទី១៤ មិថុនា។ នៅសហរដ្ឋអាមេរិកឯណោះ មន្ទីរប៉ង់តាហ្កូននៅមិនទាន់បានបញ្ជាក់ព័ត៌មាននេះជាផ្លូវការទេ តែគ្រាន់អះអាងថា មេភេរវជនរូបម៉ុកតារ បែលម៉ុកតារពិតជាផ្ទំាងស៊ីបនៃការវាយប្រហាររបស់ទ័ពអាមេកំាងនៅលីប៊ីមែន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣៩
មេភេរវជន ម៉ុកតារ បែលម៉ុកតារ (Mokhtar Belmokhtar) បានស្លាប់នៅក្រោមគ្រាប់បែកអាមេរិកំាងក្នុងទឹកដីលីប៊ីបាត់ទៅហើយ នេះជាព័ត៌មានដែលបានប្រកាសដោយរដ្ឋាភិបាលលីប៊ីទទួលស្គាល់ដោយសហគមន៍អន្តរជាតិក្នុងទីក្រុងតូព្រូគ (Tobrouk)។ តែសហរដ្ឋអាមេរិកនៅមិនទាន់ហ៊ានបញ្ជាក់ព័ត៌មាននេះជាផ្លូវការនៅឡើយទេ។ នៅក្នុងសេចក្តីជូនដំណឹងមួយ អ្នកនំាពាក្យក្រសួងការពារជាតិអាមេរិកគ្រាន់តែបានប្រាប់ឲ្យដឹងថា មេភេរវជន ម៉ុកតារ បែលម៉ុកតារពិតជាផ្ទំាងស៊ីបនៃការវាយប្រហារផ្លូវអាកាសរបស់ទ័ពអាមេរិកក្នុងទឹកដីលីប៊ីមែន និងថា អាមេរិកត្រូវរង់ចំាលទ្ធផលនៃការសិក្សា វិភាគបន្ថែមលើព័ត៌មាននេះជាមុនសិន មុននឹងធ្វើការសន្និដ្ឋានយ៉ាងណានោះ។
បើយោងតាមទីភ្នាក់ងារព័ត៌មានលីប៊ីឈ្មោះឡាណា (Lana) ឲ្យដឹងថា ទ័ពអាកាសអាមេរិកបានបើកការវាយប្រហារក្នុងនារាត្រីយប់ថ្ងៃសៅរ៍ឆ្លងចូលថ្ងៃអាទិត្យ ទី១៤ មិថុនាលើកសិដ្ឋានមួយក្នុងស្រុកអាដាប៊ីយ៉ាមានចម្ងាយប្រមាណជា ១៦០គីឡូម៉ែត្រពីទីក្រុងបេនហ្កាស៊ី (Benghazi) និងដែលនៅក្នុងការវាយប្រហារនោះ មេភេរវជន ម៉ុកតារ បែលម៉ុកតារកំពុងរៀបចំកិច្ចប្រជុំមួយជាមួយមេចលនាជ្រុលនិយមផ្សេងទៀត ដូចយ៉ាងចលនា Ansar Asharia ដែលអង្គការសហប្រជាជាតិចាត់ទុកជាអង្គការភេរវនិយម។
នៅលើបណ្តាញសង្គម ក្រុមជ្រុលនិយមបានប្រាប់ឲ្យដឹងពីការស្លាប់គ្នីគ្នាគេចំនួន ៧នាក់នៅក្នុងការវាយប្រហាររបស់ទ័ពអាមរិក ដោយដាក់បង្ហោះឈ្មោះ និងសាកសព តែមិនបាននិយាយពីរូបម៉ុកតារ បែលម៉ុកតារទេ។
តើម៉ុកតារ បែលម៉ុកតារជានរណា?
កើតក្នុងខែមិថុនា ឆ្នំា ១៩៧២ នៅប្រទេសអាល់ហ្សេរី ម៉ុកតារ បែលម៉ុកតារបានចូលប្រយុទ្ធតំាងពីវ័យក្មេងនៅក្នុងប្រទេសអាហ្វហ្កានីស្ថាននាឆ្នំា ១៩៩១ ដោយបានខ្វាក់ភ្នែកម្ខាង។ មុននឹងបង្កើតចលនាដាច់ដោយឡែករបស់ខ្លួនឈ្មោះ « Signataires par le sang » ឬអាចប្រែថា « ហត្ថលេខីដោយឈាម » ក្នុងឆ្នំា ២០១២ ម៉ុកតារ បែលម៉ុកតារបានដឹកនំាចលនា Aqmi ដែលជាសាខាអាល់កៃដាក្នុងតំបន់អាហ្រ្វិកខាងជើង។ បន្ទាប់មកក្នុងឆ្នំា ២០១៣ មានប្រសូត្រចេញនូវចលនាជីហាតថ្មីឈ្មោះ « Al-Mourabitoune » ដែលរួមបញ្ចូលគ្នារវាងចលនា « Signataires par le sang » និងចលនា « Mujao » នៅអាហ្រ្វិកខាងលិច ពិសេសក្នុងប្រទេសម៉ាលី។
មេភេរវជនម៉ុកតារ បែលម៉ុកតារត្រូវបានតុលាការអាល់ហ្សេរីកាត់ទោសប្រហារជីវិតចំនួនពីរដងពីបទសម្លាប់ជនជាតិបារំាង ៤នាក់នៅម៉ូរីតានីក្នុងខែធ្នូ ឆ្នំា ២០០៧ ការចាប់ជនជាតិកាណាដា ២នាក់ធ្វើជាថ្នូរក្នុងឆ្នំា ២០០៨ និងការចាប់ជនជាតិអេស្បាញ ៣នាក់ និងអ៊ីតាលី ២នាក់ធ្វើជាថ្នូរក្នុងឆ្នំា ២០០៩។ ក្នុងខែមករា ឆ្នំា ២០១៣ ម៉ុកតារ បែលម៉ុកតារបានរៀបចំអំពើភេរវកម្មបង្ហូរឈាមប្រឆំាងនឹងស្ថានីយ៍បូមប្រេងក្នុងប្រទេសអាល់ហ្សេរីដោយបណ្តាលឲ្យស្លាប់មនុស្ស ៣៨នាក់ ក្នុងនោះមានជនជាតិអាមរិកំាង ៣នាក់។ ក្នុងខែឧសភា ឆ្នំា ២០១៣ ដដែល ម៉ុកតារ បែលម៉ុកតារបានប្រកាសទទួលស្គាល់ពីការបង្កភេរវកម្មអត្តឃាតផ្ទួនគ្នានៅក្នុងប្រទេសនីហ្សេដោយបណ្តាលឲ្យស្លាប់មនុស្សប្រមាណជា ២០នាក់។ តំាងពីពេលនោះមក ម៉ុកតារ បែលម៉ុកតារបានក្លាយជាភេរវជនម្នាក់ដែលក្រសួងស៊ើបការណ៍សម្ងាត់អាមេរិកតាមរកចាប់ខ្លំាងជាងគេ។
តាមពិតទៅ ព័ត៌មានជុំវិញការស្លាប់មេភេរវជនម៉ុកតារ បែលម៉ុកតារធ្លាប់បានប្រកាសឲ្យដឹងជាច្រើនដងមកហើយ ពិសេសក្នុងខែមេសាកន្លងទៅដោយសារព័ត៌មានអាល់ហ្សេរី ឬមួយដោយកងទ័ពឆាកក្នុងឆ្នំា ២០១៣។ ឥឡូវនេះ ព័ត៌មានស្តីពីការស្លាប់ម៉ុកតារ បែលម៉ុកតារបានលេចជាថ្មីដោយគេនៅមិនទាន់ដឹងថា ពិត ឬមួយក៏យ៉ាងណានោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ