រដ្ឋការវ៉ាស៊ិនតោនបោះបង់ល័ក្ខខ័ណ្ឌដំបូងសុំឱ្យផ្អាកអាណានិគមកិច្ចសិនមុននឹងចរចាគ្នា
ការចរចាគ្នាជាថ្មីដោយប្រយោលរវាងអ៊ីស្រាអែល និងប៉ាលេស្ទីននឹងប្រព្រឹត្តទៅ នៅសប្តាហ៍ក្រោយនៅទីក្រុងវ៉ាស៊ិនតោន។ ដំណឹងនេះត្រូវបានអ្នកនាំពាក្យនៃក្រសួងការបរទេសអាមេរិកាំងបញ្ជាក់ អះអាង នៅថ្ងៃអង្គារ៧ធ្នូម្សិលមិញ។ ដូច្នេះ នឹងគ្មានការផ្អាកអាណានិគមកិច្ចរបស់អ៊ីស្រាអែលជាថ្មីម្តងទៀត នៅតំបន់Cisjordanieនោះទេ។ សហរដ្ឋអាមេរិកបានបោះបង់គំនិតយកការផ្អាកនេះធ្វើជាល័ក្ខខ័ណ្ឌ ដំបូង ដើម្បីផ្តល់សន្ទុះថ្មីឱ្យដល់ការចរចាសន្តិភាពរវាងអ៊ីស្រាអែល និងប៉ាលេស្ទីន។
ចុះផ្សាយនៅថ្ងៃ៖
សេចក្តីរាយការណ៍របស់Raphaël Reynesពីទីក្រុង Washingtonប្រែសម្រួលដោយវីនស្តុន រតនា
គឺពុំមែនជាការផ្លាស់ប្តូរយុទ្ធសាស្ត្រទេ ប៉ុន្តែប្រហែលជាការផ្លាស់ប្តូរយុទ្ធវិធីទេតើ។ជាសម្បទានធ្វើដោយលោកPhilip Crowley នៅថ្ងៃអង្គារ៧ធ្នូនៅវ៉ាស៊ិនតោន។អ្នកនាំពាក្យនៃក្រសួងការបរទេសអាមេរិកាំងបានបញ្ជាក់អះអាងដំណឹងចុះផ្សាយនៅក្នុងសារព័ត៌មានអ៊ីស្រាអែល ក្នុងប៉ុន្មានថ្ងៃចុងក្រោយនេះ។ សហរដ្ឋអាមេរិកពុំបានសម្រេចក្នុងការទទួលពី អ៊ីស្រាអែលនូវការផ្អាកអាណានិគមកិច្ច នៅតំបន់Cisjordanie។
បីខែបន្ទាប់ពីបានផ្តល់សន្ទុះថ្មីយ៉ាងឱឡារិកខ្លាំងណាស់ ដល់ការចរចាគ្នា ដោយចំពោះ រវាងលោកBenyamin Netanyahu និងលោកMahmoud Abbas។ រដ្ឋការវ៉ាស៊ិនតោនបដិសេធពុំព្រមនិយាយអំពីបរាជ័យ តែបែរជានិយាយអំពី “ការផ្លាស់ប្តូរយុទ្ធវិធី” អំពី “មាគ៌ាផ្សេងមួយទៀត” ទៅវិញ។
ចុះទន់ខ្សោយខាងនយោបាយចាប់តាំងពីបរាជ័យដ៏ជូរចត់របស់ខ្លួន នៅឱកាសបោះឆ្នោតពាក់កណ្តាលអាណត្តិមក រដ្ឋការលោកអូបាម៉ានៅតែរក្សាដំណៅទិសនៃដំណោះស្រាយឲ្យមានរដ្ឋពីរ -នេះជាការអះអាងរបស់អ្នកទទួលខុសត្រូវម្នាក់នៅសេតវិមាន ប៉ុន្តែដោយផ្តោតស្មារតីទៅលើ ”បញ្ហាជាក់ស្តែង” គឺគំនូសខ្សែព្រំដែន បញ្ហាអ្នកភៀសខ្លួន លក្ខន្តិកៈនៃទីក្រុងJérusalum និងសន្តិសុខនៃបណ្តាជនស៊ីវិល។
“មាគ៌ាផ្សេងមួយទៀត” ដែលបេសកជនអ៊ីស្រាអែល និងប៉ាលេស្ទីន នឹងត្រូវរកឲ្យឃើញនៅសប្តាហ៍ក្រោយ ប្រសិនបើភាគីប៉ាលេស្ទីន បញ្ជាក់អះអាងថា ខ្លួននឹងទៅកាន់ទីក្រុងវ៉ាស៊ិនតោន។ ក្នុងខណៈនេះ ភាគីប៉ាលេស្ទីនពុំបានធ្វើការបញ្ជាក់អះអាងការនេះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ