អង្គការសហប្រជាជាតិមិនអនុម័តលើសេចក្តីព្រាងដំណោះស្រាយសន្តិភាពអ៊ីស្រាអែល-ប៉ាឡេស្ទីន
ក្រុមប្រឹក្សាសន្តិសុខអង្គការសហប្រជាជាតិត្រូវបានអំពាវនាវឱ្យមានការបោះឆ្នោតលើពង្រាងដំណោះស្រាយសន្តិភាពរវាងប៉ាលេស្ទីននិងអ៊ីស្រាអែល នៅថ្ងៃអង្គារម៉ោង៥ល្ងាចម៉ោងនៅទីក្រុងញ៉ូវយ៉ក ត្រូវនឹងថ្ងៃពុធម៉ោង៥ព្រឹកម៉ោងនៅភ្នំពេញ។ ទីបំផុតទៅនៅម៉ោង៥និង១៨នាទីល្ងាច ពោលគឺកាលពីពីរម៉ោងមុននេះ ពង្រាងនេះមិនត្រូវបានអនុម័តនោះទេ ដោយសារតែបានទទួលសំេលងឆ្នោតគាំទ្រត្រឹមតែ៨សំលេងលើ១៥ប៉ុណ្ណោះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៧
លទ្ធផលនេះអាចមិនគួរឲ្យភ្ញាក់ផ្អើលព្រោះគេបានដឹងពីប្រតិកម្មរបស់សហគមអន្តរជាតិជំុវិញការទទូចដោយអន្ទះសាររបស់ប៉ាឡេស្ទីនដើម្បីឲ្យក្រុមប្រឹក្សាសន្តិសុខអនុម័តលើពង្រាងដំណោះស្រាយសន្តិភាពនេះ។
អ្នកការទូតនៃបច្ចឹមប្រទេសជាច្រើនរូបបាននិយាយទៅកាន់អ្នកយកពត៌មាន Reuters ដោយងឿងឆ្ងល់ ពីភាពតក់ក្រហល់របស់ប៉ាឡេស្ទីនក្នុងការដាក់ពង្រាងដំណោះស្រាយទៅឲ្យក្រុមប្រឹក្សាសន្តិសុខ អនុម័ត។ ព្រោះប៉ាឡេស្ទីនបានជ្រើសរើសផ្លូវនេះដោយមិនអើពើពីការផ្តល់យោបល់នានាពីខាងក្រៅដែល ភាគច្រើនយល់ថាគេគួរផ្តល់នូវពេលវេលាបន្ថែមទៀតសម្រាប់ការចរចា។ ពិសេសយោបល់របស់បច្ចឹម ប្រទេសដែលបានដាក់ក្តីសង្ឃឹមយ៉ាងច្រើននៅក្នុងដំណោះស្រាយមួយឲ្យសមរម្យជាងនេះ។ ចំណែក លោកស្រី Dina Kawar អគ្គរដ្ឋទូតនៃប្រទេសហ្ស៊កដានីប្រចាំការនៅអង្គការសហប្រជាជាតិ បានមាន ប្រសាន៍ថា បើទោះជាក្រុមប្រទេសអារ៉ាប់គាំទ្រប៉ាលេស្ទីន ប៉ុន្តែប្រទេសហ្ស៊កដានីវិញមិនចង់ឲ្យអ្វីៗ ធ្វើឡើងដោយប្រញាប់ប្រញាល់បែបនេះទេ ព្រោះហ្ស៊កដានីចង់ឲ្យមានការពិក្សាឲ្យបានច្រើនជាងនេះ ដើម្បីស្នើនូវដំណោះស្រាយមួយដែលសមាជិកទាំងដប់ប្រាំនៃក្រុមប្រឹក្សាសន្តិសុខអាចយល់ព្រម និង គាំទ្រ។ ព្រោះនេះក៏ជាគំនិតដែលប្រទេសនៅអឺុរ៉ុបជាច្រើនបានយល់ស្របដែរ។
ម៉្យាងទៀតគេក៏អាចដឹងដែរថាអាមេរិច ប្រាកដជានឹងប្រើសិទ្ធិវេតូរបស់ខ្លួនមិនយល់ព្រមលើដំណោះ ស្រាយដែលស្នើនេះ។ ព្រោះអ្នកនាំពាក្យរបស់ក្រសួងការបរទេសអាមេរិកក៏ធ្លាប់បានលើកឡើងថា អាមេរិចមិនជឿថាដំណោះស្រាយនេះមានលក្ខណៈស្ថាបនានោះទេ ហើយថាការរឹតត្បិតពេល វេលាដែលបានកំណត់នោះទំនងជាការរំខាន់ដល់ការចរចា ជាជាងនាំទៅរកភាពជោគជ័យ។ ព្រោះ ពង្រាងដំណោះស្រាយនោះ មិនបានយកចិត្តទុកដាក់ពីតម្រូវការស្របច្បាប់របស់អ៊ីស្រាអែលស្តីពីបញ្ហា សុវត្ថិភាព និងការពេញចិត្តរបស់អ៊ីស្រាអែលពីតម្រូវការទាំងនេះ ដែលជាផ្នែកដ៏សំខាន់ដើម្បី ភាពយូរអង្វែងនៃកិច្ចព្រមព្រៀង។
ជាលទ្ធផលពង្រាងនេះទទួលបានត្រឹមតែ៨សំលេងគាំទ្រ មិនគ្រប់ចំនួន៩សំលេង ដែលជាចំនួនចាំបាច់ សំរាប់ការអនុម័តយល់ព្រមរបស់ក្រុមប្រឹក្សាសន្តិសុខ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ