អាកាសចរស៊ីវិលហាមផ្តាច់មិនឱ្យក្រុមហ៊ុនហោះហើរណាដឹកលោកសម រង្ស៊ីមកកម្ពុជានៅថ្ងៃទី០៩ វិច្ឆិកា
លោកម៉ៅ ហាវណ្ណាល់ រដ្ឋមន្ត្រីទទួលបន្ទុកអាកាសចរស៊ីវិល បានអះអាងថា ការវិលមកកាន់ប្រទេសកម្ពុជារបស់លោកសម រង្ស៊ី នៅថ្ងៃទី០៩ វិច្ឆិកានេះ គឺមកដើម្បីផ្តួលរំលំរដ្ឋាភិបាលកម្ពុជា។ ដូច្នេះហើយ លោកមិនអនុញ្ញាតឱ្យក្រុមហ៊ុនហោះហើរណាមួយដឹកលោកសម រង្ស៊ីមកកម្ពុជាឡើយ។ លោកម៉ៅ ហាវណ្ណាល់ បានអះអាងដូច្នេះនៅក្នុងកិច្ចប្រជុំលេខាធិការដ្ឋាននៃគណៈកម្មាធិការគ្រប់គ្រងអាកាសយានដ្ឋានអន្តរជាតិ និង គណៈកម្មាធិការជាតិសន្តិសុខអាកាសចរស៊ីវិលកាលពីថ្ងៃទី៣១ វិច្ឆិកា ដែលស្រង់សម្តីដោយទូរទស្សន៍បាយ័នកាលពីម្សិលមិញ។ លោកម៉ៅ ហាវណ្ណាល់ ក៏បានព្រមានផងដែរថា បើសិនជាក្រុមហ៊ុនហោះហើរ ឫ អ្នកបើកយន្តហោះដែលហ៊ានដឹកលោកសម រង្ស៊ីមកនោះ នឹងត្រូវមានទោសពីបទរួមគំនិតក្បត់ជាមួយលោកសម រង្ស៊ី។
ចុះផ្សាយនៅថ្ងៃ៖
ស្តាប់ - ០១:០៦
ចំណែក លោកជា អូន ដែលជាអ្នកនាំពាក្យរដ្ឋលេខាធិការដ្ឋាននៃអាកាសចរស៊ីវិល បានគូសបញ្ជាក់ថា អាជ្ញាធរនៃលេខាធិការដ្ឋាននៃអាកាសចរស៊ីវិលបានត្រៀមលក្ខណៈរួចរាល់អស់ហើយ ដើម្បីឃ្លាំមើលដំណើររបស់លោកសម រង្ស៊ី តាមផ្លូវអាកាស។ បើតាមលោកជា អូន អាជ្ញាធរអាកាសចរស៊ីវិលបានបំពាក់នូវប្រព័ន្ធបច្ចេកវិទ្យាទំនើបដែលអាចចាប់បានភ្លាម ប្រសិនបើមានឈ្មោះលោកសម រង្ស៊ី គ្រោងហោះហើរមកកាន់ប្រទេសកម្ពុជា។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ