លោក កើត រិទ្ធ មានមហិច្ចតាចង់បង្កើតតុលាការនៅថ្នាក់ស្រុក
នៅក្នុងមហាសន្និបាតគណៈមេធាវីលើកទី២៨នៅព្រឹកថ្ងៃចន្ទនេះ រដ្ឋមន្ត្រីក្រសួងយុត្តិធម៌ លោក កើត រិទ្ធ បានបង្ហាញមហិច្ចតាចង់បង្កើតតុលាការនៅថ្នាក់ស្រុកទូទាំងប្រទេស ក្នុងរយៈពេល១០ទៅ២០ឆ្នាំខាងមុខ។ តាមលោក កើត រិទ្ធ ប្រព័ន្ធតុលាការ ឬ វិស័យយុត្តិធម៌នៅកម្ពុជានឹងត្រូវធ្វើកំណែទម្រង់ស៊ីជម្រៅ តាមរយៈការអនុវត្តផែនការណ៍កំណែទម្រង់យុទ្ធសាស្ត្ររយៈពេល១០ឆ្នាំ ដែលក្នុងនោះ ក្រសួងយុត្តិធម៌នឹងអនុវត្តយុទ្ធនាការសំខាន់ៗចំនួន៣ ក្នុងរយៈពេល៥ឆ្នាំខាងមុខនេះរួមមាន យន្តការដោះស្រាយវិវាទក្រៅប្រព័ន្ធតុលាការ ការជម្រុញនិងពន្លឿនល្បឿននៃការដោះស្រាយសំណុំរឿងនៅតាមតុលាការ និងការដាក់ចេញយុទ្ធនាការត្រួតពិនិត្យនិងដោះស្រាយភាពមិនប្រក្រតីនៅតុលាការ។
ចុះផ្សាយនៅថ្ងៃ៖
៣ នាទី
