លោកចូ បៃដិន៖អាមេរិកត្រូវរស់នៅជាមួយនឹងអត្រាអតិផរណាខ្ពស់ក្នុងមួយរយៈពេល
សង្រ្គាមរុស្ស៊ីឈ្លានពានអ៊ុយក្រែនបាននិងកំពុងធ្វើឲ្យប្រទេសជាច្រើនក្នុងលោកប្រឈមនឹងសន្ទុះកំណើនអតិផរណា។ តម្លៃទំនិញសឹងគ្រប់មុខ ពិសេសប្រេងសាំង និងម្ហូបអាហារបានឡើងថ្លៃខ្លាំង។ នៅសហរដ្ឋអាមេរិក ក្រសួងការងារបានប្រកាសឲ្យដឹងក្នុងថ្ងៃសុក្រ ទី១០ មិថុនាពីតម្លៃទំនិញឡើងថ្លៃបន្ថែមចំនួន ១% ក្នុងខែឧសភា ក្រោយពីបានឡើងចំនួន ០,៣% ក្នុងខែមេសា។ បើគិតពេញមួយឆ្នាំ តម្លៃទំនិញនៅអាមេរិកក្នុងខែឧសភាកន្លងទៅបានហក់ឡើង ៨,៦%។ នេះជាតួលេខមួយមិនល្អទាល់តែសោះសម្រាប់ពលរដ្ឋអាមេរិក និងដែលប្រធានាធិបតីអាមេរិកលោកចូ បៃដិនមិនអាចមើលរំលងបានទេ។ លោកបៃដិនបានទទួលស្គាល់ថា អាមេរិកនឹងត្រូវរស់នៅជាមួយនឹងកម្រិតអតិផរណានេះក្នុងមួយរយៈពេល។ តែទន្ទឹមគ្នានេះ លោកមិនភ្លេចនិយាយពីចំនួនការងារដែលបានបង្កើតឡើង និងកំណើនសេដ្ឋកិច្ចដែលអាមេរិកទទួលបានតាំងពីលោកឡើងកាន់តំណែង។
ចុះផ្សាយនៅថ្ងៃ៖
ស្តាប់ - ០១:១៩
« ដោយសារតែភាពរីកចម្រើននេះ ពលរដ្ឋអាមេរិកមានសមត្ថភាពខ្លាំងក្លាក្នុងការប្រយុទ្ធប្រឆាំងនឹងអតិផរណាដែលគ្មានប្រទេសណាមួយលើលោកអាចធ្វើបានទេ។ គ្រប់ប្រទេសទាំងអស់លើលោកកំពុងទទួលរងនូវផលវិបាកពីកំណើនអតិផរណាខ្ពស់។ គឺខ្ពស់ជាងយើងទៅទៀតសម្រាប់ប្រទេសភាគច្រើនក្នុងលោក។ តែចូរអស់លោកកុំមានការភាន់ច្រឡំឲ្យសោះ។ ខ្ញុំយល់ថា អតិផរណាជាបញ្ហាប្រឈមពិតប្រាកដសម្រាប់ក្រុមគ្រួសារអាមេរិក។
តួលេខនៃអត្រាអតិផរណាប្រចាំថ្ងៃបញ្ជាក់ពីអ្វីដែលអាមេរិកដឹងរួចហើយ។ តម្លៃទំនិញឡើងថ្លៃបង្កឡើងដោយប្រធានាធិបតីរុស្ស៊ីពូទីនកំពុងជះផលវិបាកធ្ងន់ធ្ងរលើអាមេរិក។ តម្លៃប្រេង តម្លៃថាមពល និងតម្លៃម្ហូបអាហារបានឡើងថ្លៃខ្ពស់តាំងពីខែឧសភា។ តែក្រៅពីអតិផរណានៃថាមពល និងម្ហូបអាហារ អតិផរណាដែលក្រុមសេដ្ឋវិទូហៅថាអតិផរណាទូទៅបានថយចុះតាំងពី ២ខែ។ ការថយចុះនេះនៅមិនទាន់គ្រប់គ្រាន់ទេ តែវាពិតជាបានធ្លាក់ចុះមែន។ ហើយយើងត្រូវការឲ្យវាធ្លាក់ចុះឲ្យបានលឿនបន្ថែមទៀត »៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ