ប្រធានាធិបតីបារាំង “ទប់ស្កាត់ការឡើងកម្តៅអាកាសធាតុនិងកាត់បន្ថយភាពក្រីក្រ ត្រូវដើរទន្ទឹមគ្នា
ក្នុងបទសម្ភាសន៍ដោយផ្តាច់មុខជាមួយវិទ្យុបារាំងអន្តរជាតិRFI ទូរទស្សន៍France 24 និងវិទ្យុជាតិ FranceInfo នាឱកាសជំនួបកំពូលស្តីពីប្រព័ន្ធហិរញ្ញវត្ថុពិភពលោកថ្មី លោកប្រធានាធិបតីបារាំងអេម៉ានុយអែលម៉ាក្រុង បានអះអាងថា គ្មានប្រទេសណាមួយត្រូវជ្រើសរើសរវាង ការការពារផែនដី និងការកាត់បន្ថយភាពក្រីក្រឡើយ។ គេត្រូវគិតគូរទប់ស្កាត់ការឡើងកម្តៅ នៃភពផែនដី ទន្ទឹមនឹងការប្រយុទ្ធប្រឆាំងនឹងភាពក្រីក្រ។
ចុះផ្សាយនៅថ្ងៃ៖
ស្តាប់ - ០១:២៦
“ជួយផែនដី គឺ ជាការសាកល្បងរកឱ្យឃើញការផ្សះផ្សា រវាងការប្រយុទ្ធប្រឆាំងនឹងភាពក្រីក្រ ប្រយុទ្ធប្រឆាំងដើម្បីជីវចម្រុះនិងការប្រយុទ្ធប្រឆាំងនឹងការប្រែប្រួលអាកាសធាតុ។ គ្មាននរណាទទួលជោគជ័យទេ ប្រសិនបើមិនគិតគូរទប់ស្កាត់ការឡើងកម្តៅអាកាសធាតុទន្ទឹមនឹងការយកកាត់បន្ថយលើភាពក្រីក្រ ក្នុងពេលតែមួយនោះ។
ខ្ញុំគិតថា មិនមែនជាការជ្រើសរើសរវាងអាកាសធាតុនិងការអភិវឌ្ឍទេ។ ប្រទេសក្រីក្រជាឃ្លាំងអភិរក្សធម្មជាតិជីវចម្រុះ និងជាសួតរបស់ផែនដី ជាពិសេសគឺព្រៃឈើ។ ហេតុដូច្នេះហើយបានជាយើងមានមូលនិធិពិសេសសម្រាប់ព្រៃឈើ។
ត្រូវតែធ្វើទន្ទឹមគ្នា ! ទីមួយត្រូវសើរើមើលរចនាសម្ព័ន្ធបំណុលឡើងវិញ ឱ្យច្បាស់លាស់ ដើម្បីចាប់ផ្តើមថ្មី។ ទីពីរ ត្រូវបង់ប្រាក់ថ្លៃជីវចម្រុះឱ្យបានប្រសើរជាងមុន ដល់អាហ្វ្រិក អាមេរិកឡាទីន អាមេរិកខាងត្បូង អាស៊ីអាគ្នេយ៍ ដើម្បីរក្សាព្រៃត្រូពិក តាមរយៈ មូលនិធិព្រៃនិងធម្មជាតិ ដោយមានការចុះកិច្ចសន្យា ជាមួយប្រទេសមួយៗដាច់ដោយឡែកពីគ្នា។
បន្ទាប់មក យើងត្រូវតែព្រមចំណាយច្រើនជាងមុន និងប្រសើរជាងមុន។ នេះជាការសន្និដ្ឋានចុងក្រោយរបស់ជំនួបកំពូល។ ធនាគារពិភពលោក និងមូលនិធិរូបិយវត្ថុ បានប្តូរផ្លាស់ទាំងស្រុងហើយ។ ស្ថាប័នពីរនេះនឹងផ្តល់ហិរញ្ញប្បទានច្រើនជាងមុន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ