លោកប្រធានាធិបតីអូបាម៉ាគាំទ្រពង្រាងច្បាប់ស្តីពីការត្រួតត្រាលក់អាវុធ
នៅសហរដ្ឋអាមេរិកក្រោយពីការបាញ់សម្លាប់យ៉ាងរង្គាលលើកូនសិស្សនិងគ្រូបង្រៀននៅសាលាមួយនៅNewtownក្នុងរដ្ឋ Connecticut ៥ថ្ងៃកន្លងមកមតិសាធារណៈអាមេរិកកំពុងតែជជែកយ៉ាងផុសផុលដើម្បីរកការពង្រឹងច្បាប់ស្តីពីការត្រួតត្រាលក់អាវុធ។
ចុះផ្សាយនៅថ្ងៃ៖ កែប្រែថ្ងៃទី៖
យោងតាមការស្ទង់មតិមួយកាលពីម្សិលមិញរបស់បណ្តាញទូរទស្សន៍អាមេរិក CBS ប្រជាជនអាមេរិកចំនួន ៥៧% បានប្រកាសថា ពួកគេគាំទ្រចំពោះការពង្រឹងច្បាប់ស្តីពីការត្រួតត្រាលក់អាវុធ។
ចំណែកសេតវិមានវិញ បានជូនដំណឹងនៅថ្ងៃអង្គារម្សិលមិញដែរថា "លោកប្រធានាធិបតីអាមេរិក បារ៉ាកអូបាម៉ា គាំទ្រចំពោះពង្រាងច្បាប់ក្នុងន័យខាងលើនេះ ពង្រាងដែលបានស្នើឡើងដោយលោកស្រី Dianne Feinstein សមាជិកព្រឹទ្ធសភាម្នាក់នៃគណបក្សប្រជាធិបតេយ្យកាលពីថ្ងៃចន្ទទី១៧ធ្នូមុន ដែល ហាមឃាត់ ការលក់ ការផ្ទេរ ការផលិតអាវុធ និងការនាំចូលអាវុធក្នុងប្រទេស នូវកាំភ្លើងវែងជាង១០០ ធុន ។
សូមបញ្ជាក់ថា ពង្រាងច្បាប់របស់លោកស្រី Dianne Feinstein នឹងត្រូវដាក់ជូនសភាអាមេរិកពិនិត្យមើលនៅថ្ងៃទី៣មករាខាងមុខនេះ។ ប្រទេសអាមេរិក ដែលមានប្រជាជនទាំងអស់ ៣១៤ លាននាក់អាវុធដែលត្រូវបានគេប្រើប្រាស់ជារៀងរាល់ថ្ងៃមានចំនួនដល់២៨៣លានគ្រឿង គឺ ប្រជាជនអាមេរិកាំង ១០០នាក់ មានអាវុធ ៩០ ដើម ។
ចំណែក ពង្រាងច្បាប់មួយទៀតដែលជាសំណើរ របស់លោកFrank Lautenberg - សមាជិកព្រឹទ្ធសភាអាមេរិកាំងម្នាក់ទៀត-សំដៅទៅលើការហាមប្រាមការផលិតអាវុធនិងការលក់ បង់ដាក់គ្រាប់កាំភ្លើងណាដែលមានចំណុះលើកសពី១០គ្រាប់ឡើងទៅ។
ទន្ទឹមនេះដែរ ក្រុមហ៊ុនផលិត កាំភ្លើងវែង Bushmaster ដែលឃាតករ- បានប្រើសំរាប់វាយ ប្រហារទៅលើកូនសិស្សនិងគ្រូបង្រៀននៅ Newtown នោះ ត្រូវបានបណ្តាអ្នកវិនិយោគទុនសម្រចចិត្តបោះបង់ចោល បានដាក់លក់ចោល។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ