បក្សប្រជាធិបតេយ្យចង់បង្កើតច្បាប់ដើម្បីហាមឃាត់ការកាន់កាប់កាំភ្លើងវែង
ក្រោយពីព្រឹត្តការណ៍បាញ់សម្លាប់មនុស្សយ៉ាងរង្គាលនៅសាលាSandy Hollk ក្នុងក្រុង Newtown នៃរដ្ឋ Connecticut កាលពីថ្ងៃសុក្រមុនដែលបណ្តាលឲ្យស្លាប់គ្រូនិងសិស្ស២៦នាក់មក គណបក្សប្រជាធិបតេយ្យអាមេរិ ចង់បង្កើតច្បាប់ ស្តីពីការហាមឃាត់ការកាន់កាប់កាំភ្លើងវែង ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៤
ការលក់ ការផ្ទេរ ការផលិតអាវុធនិងការនាំអាវុធចូលក្នុងប្រទេស នូវ កាំភ្លើងវែងជាង១០០ ធុនប្រហែលជានឹងត្រូវហាមឃាត់-នេះយើងយោងតាមសំណើរច្បាប់របស់លោកស្រី Dianne Feinstein សមាជិកព្រឹទ្ធសភាម្នាក់នៃគណបក្សប្រជាធិបតេយ្យអាមេរិកដែលបានជូនដំណឹងកាលពីថ្ងៃចន្ទ១៧ធ្នូម្សិលមិញ ៣ថ្ងៃ ក្រោយពីការបាញ់សម្លាប់រង្គាលនៅសាលារៀនSandy Hollk ក្រុងNewtownមក។
យោងតាមសំណើរច្បាប់ កាំភ្លើងធុនណាដែលប្រើគ្រាប់លើសពី១០គ្រាប់ឡើងទៅក្នុងមួយបង់នឹងត្រូវហាមប្រាម។ គម្រោងច្បាប់នេះនឹងត្រូវដាក់ជូនសភាពិនិត្យមើលនៅថ្ងៃទីមួយ នៃអង្គប្រជុំសភាដែលនឹងត្រូវប្រព្រឹត្តទៅនៅថ្ងៃទី៣មករាខាងមុខ។
យ៉ាងណាក៏ដោយ គម្រោងច្បាប់ខាងលើរបស់លោកស្រី Dianne Feinstein អាចនឹងអនុម័ទចេញរួចឬក៏ពុំរួចនោះ គឺវាស្រ័យទៅលើ អ្នកគាំទ្រ ថាតើមានអ្នកគាំទ្រពង្រាងច្បាប់នេះ ប៉ុន្មាននាក់ ជាពិសេពីខាងក្រុមអ្នកតំណាងរាស្រ្តដែល ជិតដិតនឹងក្រុមអ្នកLobby ដ៏មានឥទ្ធិពលនៅក្នុងសភាដែលជាអ្នកការពារសិទ្ធិកាន់អាវុធ។
ក៏ប៉ុន្តែពង្រាងច្បាប់ខាងលើនេះ ក៏លើកលែងផងដែរ ក្នុងករណី អាវុធប្រមាណ៩០០ធុន ដូចយ៉ាងអាវុធដែលប្រើសម្រាប់ការបរបាញ់សត្វឬ ក៏ប្រើសម្រាប់ កីឡា ក៏ព្រមទាំងអាវុធហួសសម័យនិងកាំភ្លើងប្រើដៃ។
ចំណែក សមាជិកព្រឹទ្ធសភាម្នាក់ទៀតឈ្មោះ លោកFrank Lautenberg បានជូនដំណឹងម្សិលមិញនេះដែរ អំពីពង្រាងច្បាប់មួយទៀត ដែលសំដៅហាមប្រាម នូវការផលិតអាវុធនិងការលក់បង់គ្រាប់កាំភ្លើងណាដែលផ្ទុកគា្រប់កាំភ្លើងលើសពី១០គ្រាប់ឡើងទៅដូចនៅក្នុងករណីជំនាន់រវាងឆ្នាំ ១៩៩៤ និង ២០០៤៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ