កូឡុមប៊ី និងវេណេហ្ស៊ុយអេឡាចង់បើកទំព័រថ្មីនៃទំនាក់ទំនងរវាងគ្នា
លោកប្រធានាធិបតីកូឡុមប៊ី និងវេណេហ្ស៊ុយអេឡាបានប្រកាស នៅថ្ងៃពុធ១១សីហានេះអំពីការភ្ជាប់ទំនាក់ទំនងទូត និងពាណិជ្ជកម្មឡើងវិញរវាងគ្នា នៅឱកាសជំនួបកំពូល នៅទីក្រុង Santa Martaនៃប្រទេសកូឡុមប៊ី។ ជំនួបកំពូលសម្រេចបានការសម្របសម្រួល ជាអាទិ៍ ស្តីពីចលនាតស៊ូរបស់ពួកឩទ្ទាមបដិវត្តម៉ាក្សនិយមហៅកាត់ថា ពួកFARC ដែលបំពុលទំនាក់ទំនងរវាងប្រទេសទាំងពីរតាំងពីជាច្រើនឆ្នាំមកហើយ។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់Zoé Berriពីទីក្រុងBogota ប្រែសម្រួលដោយវីនស្តុន រតនា
“បើកទំព័រថ្មី” -នេះហើយជាសំនួនវោហារប្រើដោយលោកប្រធានាធិបតីទាំងពីរប្រទេស។ ឩប្បត្តិហេតុកើតមាន នៅថ្ងៃ២២កក្កដាមុន នៅពេលដែលBogotaបានចោទVenezuelaថា បានអនុញ្ញាតឱ្យពួកឩទ្ទាមបដិវត្តកូឡុមប៊ី ម៉ាក្សនិយមហៅកាត់ថា ពួកFARCចូលមកក្នុងដែនដីខ្លួនត្រូវបានបិទជាផ្លូវការហើយ។
ជាលើកចុងក្រោយ លោកប្រធានាធិបតីVenezuela Hugo Chavez បានឆ្លៀតឱកាសនេះ ដើម្បីប្រកាសអំពីភាពគ្មានបំណងអាក្រក់របស់ខ្លូនស្តីពីសំណុំរឿងដ៏ចម្រូងចម្រាសនេះដែលតាំងពីជាច្រើនឆ្នាំមកហើយ បានបំពុលទំនាក់ទំនងរវាងប្រទេសទាំងពីរ៖” ខ្ញុំសូមរំលឹកឡើងវិញថា រដ្ឋាភិបាលVenezuelaដែលខ្ញុំដឹកនាំ មិនដែលបានគាំទ្រចលនាតស៊ូរបស់ពួកឩទ្ទាមFARCទេ -នេះជាការថ្លែងរបស់លោកHugo Chavez។ រដ្ឋាភិបាលVenezuelaមិនដែលអនុញ្ញាតទោះជានៅពេលណាៗក៏ដោយឱ្យពួកឩទ្ទាមតស៊ូ ឬពួកភេរវជន ឬក៏ពួកអ្នកជួញដូរគ្រឿងញៀនមកជាន់ទឹកដីខ្លួនជាដាច់ខាត។ ទោះជានរណាក៏ដោយដែលនិយាយថា ខ្ញុំជួយពួកឩទ្ទាមតស៊ូ ឬពួកភេរវជន គឺជាសំដីថោកទាប។ ប៉ុន្តែ ការដែលពួកនេះលួចចូលមកក្នុងទឹកដីយើង គឺពុំមែនជារឿងថ្មី រឿងប្លែកទេ។
កូឡុមប៊ី និងវេណេហ្ស៊ុយអេឡាបានសន្យាថា នឹងត្រួតពិនិត្យឃ្លាំមើលរួមជាមួយគ្នា ព្រំដែនរួមរបស់ខ្លួន។ រដ្ឋមន្រ្តីក្រសួងការបរទេសនៃប្រទេសទាំងពីរ ក៏នឹងខំប្រឹងប្រែងផងដែរ ក្នុងការស្តារឡើងវិញ ទំនាក់ទំនងពាណិជ្ជកម្មរវាងប្រទេសទាំងពីរ និងក្នុងការសងប្រាក់បំណុល៨០០លានដុល្លារ ដែល វេណេហ្ស៊ុយអេឡាជំពាក់ក្រុមហ៊ុននាំចេញ កូឡុមប៊ី។
សេចក្តីថ្លែងការណ៍ខាងគោលការណ៍នេះត្រូវតែសម្តែងចេញជាការខំប្រឹងប្រែងយ៉ាងខ្លាំងដើម្បីធ្វើឲ្យមានទំនុកទុកចិត្តឡើងវិញ-នេះជាការអះអាងរបស់ប្រមុខរដ្ឋទាំងពីរ។ ទោះជាស្តីពីរបៀបដឹកនាំ ទោះជាស្តីពីគំនិតស្មារតី នៅតែមានភាពខុសគ្នាខ្លាំងណាស់ រវាងលោកChavezជាអ្នកសង្គមនិយម និងលោកអតីតរដ្ឋមន្រ្តីក្រសួងការពារជាតិ របស់លោកអតីតប្រធានាធិបតី កូឡុមប៊ីAlvaro Uribe៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ