លោកត្រាំ តែងតាំង កូនប្រសារជាទីប្រឹក្សាជាន់ខ្ពស់នៅសេតវិមាន
ក្នុងខណៈដែលសភានិងព្រឹទ្ធសភាអាមេរិក កំពុងផ្តើមត្រួតពិនិត្យដើម្បីសម្រេចអនុម័តផ្តល់ទំនុកចិត្តដល់សមាសភាពសំខាន់ៗក្នុងរដ្ឋាភិបាលថ្មី លោក ដូណាល់ ត្រាំ ប្រធានាធិបតីជាប់ឆ្នោតថ្មី បានធ្វើសេចក្តីប្រកាស ដ៏ចម្រូងចម្រាសមួួយ តែងតែង លោក Jared Kushner កូនប្រសារច្បង ជាទីប្រឹក្សាជាន់ខ្ពស់នៅសេតវិមាន។ តើតែងតាំងកូនប្រសារឯងឱ្យមានតួនាទីក្នុងរដ្ឋាភិបាលជាទង្វើខុសច្បាប់ ? និងគ្រួសារនិយមជ្រុលឬ ?
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៥
“Kushner មានគុណសម្បត្តិដ៏ប្រពៃ ជាទីប្រឹក្សាដ៏គួរឱ្យទុកចិត្ត ក្នុងពេលឃោសនា និងក្នុងពេលអន្តរកាល ទើបខ្ញុំមានមោទនភាពផ្តល់តួនាទីដ៏សំខាន់ក្នុងរដ្ឋាបាលឱ្យកាន់”។ នេះបើតាមសេចក្តីថ្លែងការណ៍របស់លោកដូណាល់ ត្រាំ។
អាយុ៣៦ឆ្នាំ គ្មានបទពិសោធន៍នយោបាយសោះ មុនការចូលប្រលូកក្នុងយុទ្ធនាការឃោសនាបោះឆ្នោត លោក Kushner នឹងក្លាយជាទីប្រឹក្សាជាន់ខ្ពស់ របស់ឪពុកក្មេក និង មានឥទ្ធិពល ខ្លាំងលើសទីប្រឹក្សាពីររូបផ្សេងទៀតរបស់អនាគតប្រធានាធិបតីផង។ ជាធម្មតា គ្រប់ប្រធានាធិបតីត្រូវមានមនុស្សជំនិតម្នាក់ឬពីរនាក់ ម្នាក់នោះទំនងជាលោក Jared Kusher នេះឯង។
លោក Jared Kushner បានជួយឪពុកក្មេកច្រើនក្នុងពេលឃោសនា មិនសូវចេញមុខ ចេញសំដីអ្វីទាំងអស់ តែជាបុគ្គលមិនអាចខ្វះបានរបស់លោក ដូណាល់ ត្រាំ ជាពិសេសក្នុងសំណុំរឿងធំៗជាច្រើនមានជាអាទិ៍នយោបាយការបរទេស។
ជាងនេះទៅទៀត លោក Kushner មិនបាច់ឆ្លងកាត់ការសុំសេចក្តីទំនុកចិត្តពីព្រឹទ្ធសភា ដើម្បីចូលកាន់តំណែងនេះឡើយ ដូចសមាជិករដ្ឋាភិបាលផ្សេងៗទៀតឡើយ។ តើ ជាទង្វើខុសច្បាប់ឬ ?
ការតែងតាំងកូនប្រសារ ជាកំពូលមហាសេដ្ឋី មានក្រុមហ៊ុនអចលនទ្រព្យ ពិតជាបង្កបង្កើតឱ្យមានការរិះគន់ដោយចៀសមិនបានទេ។ ប៉ុន្តែបើតាមមេធាវីរបស់លោក Kushner ច្បាប់អាមេរិកហាមឃាត់មិនឱ្យដាក់គ្រួសារក្នុងជួររដ្ឋាភិបាល តែករណីមិនខុសច្បាប់ឡើយ ព្រោះលោកKushner ត្រូវបានតែងតាំងជាទីប្រឹក្សារបស់ប្រធានាធិបតី នៅសេតវិមាន មិនមែនស្ថាប័នក្រោមបង្គាប់រដ្ឋាភិបាលទេ។ ម្យ៉ាងវិញទៀត ដើម្បីកុំឱ្យមានជម្លោះផលប្រយោជន៍ជាតិ និងឯកជនលោក Kushner បានប្រកាសមិនយកប្រាក់ខែពេលនៅសេតវិមាន និងលាលែងចេញពីក្រុមហ៊ុន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ