យុវជនវ័យជំទង់កាណាដាពី៣ទៅ៦នាក់ទំនងជាទៅចូលរួមជាមួយអង្គការរដ្ឋអ៊ីស្លាម
យោងតាមសេចក្តីរាយការរបស់សារពត៌មានក្នុងស្រុកកាលពីថ្ងៃព្រហស្បតិ៍ បានឲ្យដឹងថា យុវជននៃក្រុង ម៉ុងរ៉េអាល់និងនៃជាយក្រុងម៉ុងរ៉េអាល់ចំនួនពី៣ទៅ៦នាក់ បានចាកចេញពីប្រទេសកាណាដាអំឡុងពាក់កណ្តាលខែមករាទៅកាន់ប្រទេសតួគឺក្នុងគោលដៅទៅចូលរួមជាមួយនឹងពួកជីហាតក្នុងប្រទេសស៊ីរី។
ចុះផ្សាយនៅថ្ងៃ៖
ស្តាប់ - ០២:១៤
យុវជនទាំងនោះ មានអាយុក្រោម២០ឆ្នាំ ដែលក្នុងនោះមាននារីពីរនាក់មកពីក្រុងឡាវ៉ាល់ ជាក្រុងនៅជាប់នឹងក្រុងម៉ុរ៉េអាល់។យុវជននោះកាលពីឆ្នាំកន្លងទៅជានិស្សិតកំពុងបន្តការសិក្សាជាមួយគ្នានៅគ្រឹះស្ថានសិក្សាថ្នាក់ឧត្តម CEGEP Maisonneuve នៅឡើយ។
តាមសារពត៌មានប្រចាំថ្ងៃ La Presse យុវជនទាំងនោះបានធ្វើដំណើរតាមយន្តហោះកាលពីថ្ងៃទី ១៦ មករាសំដៅទៅប្រទេសតួគី ដែលជាទីសំចតនៃបេក្ខជននានាដែលមានបំណង ចូលរួមជាមួយនឹងពួកយុទ្ធជននៃអង្គការរដ្ឋអ៊ីស្លាមនៅក្នុងប្រទេសស៊ីរី។ ក្រោយមក ក្រុម គ្រួសារអ្នកស្និទស្នាលនិងអជ្ញាធរ កាណាដាបានបាត់ដានអំពីពួកគេទាំងនោះ ហើយក៏មិនអាចដឹងថាក្រោយមកពួកគេបានទៅដល់ទឹកដីប្រទេសស៊ីរីឬក៏អត់នោះទេ។
ឪពុករបស់យុវជនម្នាក់ចំណោមយុវជនទាំងនោះធ្លាប់បានព្រួយបារម្ភអំពីការដើរខុសគន្លងរបស់កូនប្រុសរបស់ខ្លួនបន្ទាប់ពីបានដឹងថាកូនបានទៅរៀនគួពីសាសានានិងភាសាអារ៉ាប់ ហើយក៏បានដកហូតលិខិតឆ្លងដែនពីកូនប្រុសនោះ។ ប៉ុន្តែក្រោយមក ក្មេងប្រុសអាយុ១៨ឆ្នាំនេះបានធ្វើដំណើរទៅកាន់ស្នងការដ្ឋានអន្តោប្រវេសន៍នៅព្រំដែនដើម្បីប្រកាសថាខ្លួនបានបាត់លិខិតឆ្លងដែនដើម្បីឲ្យស្នងការដ្ឋានផ្តល់នូវឯកសារសម្រាប់ការធ្វើដំណើរឆ្លងដែនថ្មីមួយទៀត។
បើតាមសេចក្តីបញ្ជាក់របស់ Radio-Canada យ៉ាងហោចណាស់មានយុវវ័យ៣រូប ក្នុងនោះនារីពីរនាក់ដែលកំពុងសិក្សានៅឡើយនៅ CEGEP Maisonneuve ក្នុងក្រុងម៉ុងរ៉េអាល់។ តែបើតាមសារព័ត៌មាន La Presse វិញ សរុបមាន៦នាក់អាយុខ្ទង់១៨និង១៩ឆ្នាំ ដែលបានធ្វើដំណើរទៅកាន់ប្រទេសតួគី។
អ្នកនាំពាក្យនៃគ្រិះស្ថានសិក្សា CEGEP Maisonneuve នេះបានបញ្ជាក់ទៅកាន់ Radio-Canada ថាគ្រឹះស្ថានមាននិស្សិតសរុបជាង៥០០០នាក់ហើយគេមិនប្រាកដថាយុវជនទាំងនេះស្គាល់គ្នា ឬមានទំនាក់ទំនងគ្នានោះទេ។ តែអ្នកនាំពាក្យនោះបានបញ្ជាក់ថាយុវជនទាំងអស់នោះសុទ្ធសឹងតែជាក្មេង ដែលចេញមកពីគ្រួសារអន្តោប្រវេសន៍ប្រភពពីអាហ្រ្វិកខាងជើងឬពីមជ្ឈឹមបូព៌ាមិនមានអ្នកដែលមានឬសគល់គ្រួសារពីអ្នកនៅគេប៊ិចនេះនោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ