សាលារាជធានីភ្នំពេញហាមរថយន្តដឹកជញ្ជូនទំនិញធុនធ្ងន់ មិនអោយធ្វើចរាចរក្នុងរាជធានីនៅពេលថ្ងៃ ចាប់ពីថ្ងៃទី១វិច្ឆិកាតទៅ
ចាប់ពីថ្ងៃទី១ខែវិច្ឆិកាខាងមុខនេះទៅ រថយន្តដឹកជញ្ជូនទំនិញធុនធ្ងន់គ្រប់ប្រភេទ ទាំងរបស់រដ្ឋ និងឯកជន ពិសេសរថយន្តកុងតឺន័រ នឹងមិនត្រូវអនុញ្ញាតអោយធ្វើចរាចរនៅក្នុងរាជធានីភ្នំពេញ ចាប់ពីម៉ោង៥ព្រឹក ដល់ម៉ោង៩យប់នោះឡើយ។ សេចក្តីសម្រេចនេះ ត្រូវបានប្រកាសជាផ្លូវការនៅក្នុងសេចក្តីជូនដំណឹងរបស់សាលារាជធានីភ្នំពេញនៅថ្ងៃពុធម្សិលមិញនេះ។ ការសម្រេចយ៉ាងនេះត្រូវបានសាលារាជធានីពន្យល់ថា គឺដើម្បីពង្រឹង និងរក្សាសណ្តាប់ធ្នាប់ សុវត្ថិភាពចរាចរណ៍ក្នុងរាជធានីអោយកាន់តែប្រសើរឡើង។ ដើម្បីសម្រួលដល់ម្ចាស់យានយន្ត និងក្រុមហ៊ុនដឹកជញ្ជូន សាលារាជធានីភ្នំពេញនឹងកែលំអឡើងវិញ នូវចំណតរថយន្តដែលមានស្រាប់ នៅគ្រប់ផ្លូវជាតិ តាមច្រកចេញចូលក្នុងរាជធានីភ្នំពេញ ដើម្បីរថយន្តដឹកជញ្ជូនទាំងនោះអាច ចតជាបណ្តោះអាសន្ន។
ចុះផ្សាយនៅថ្ងៃ៖ កែប្រែថ្ងៃទី៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ