លោក ហ៊ុន សែន អរគុណប្រទេសម៉ាឡេស៊ី ឥណ្ឌូនេស៊ី និងថៃ ដែលបានសហការ បន្ទាប់ពីលោកធ្វើការជាមួយដៃគូទាំងអស់នៅពេលប្រជុំអាស៊ាន
នៅក្នុងពិធីផ្សព្វផ្សាយ និងប្រកាសដាក់ឱ្យប្រើប្រាស់ជាផ្លូវការ «ផែនការយុទ្ធសាស្ដ្រអភិវឌ្ឍន៍ជាតិ ២០១៩-២០២៣» នាព្រឹកថ្ងៃព្រហស្បតិ៍នេះ នៅសណ្ឋាគារសុខាភ្នំពេញ លោកនាយករដ្ឋមន្ត្រី ហ៊ុន សែន បានបញ្ជាក់ប្រាប់អាណាព្យាបាល កម្មករ កម្មការិនី ដែលមានការព្រួយបារម្ភពីកូនរបស់ខ្លួន ដែលចល័តមកធ្វើការនៅទីក្រុងភ្នំពេញថា សូមកំព្រួយបារម្ភ ពីការវាយប្រយុទ្ធគ្នា។ លោក ហ៊ុន សែន បញ្ជាក់ថា គេនឹងមិនវ៉ៃគ្នានៅកណ្តាលទីក្រុងភ្នំពេញទេ គឺ គេធ្វើសកម្មភាពតែចំពោះមុខសញ្ញាមនុស្ស៩នាក់ប៉ុណ្ណោះ ជាមេដឹកនាំរបស់អតីតគណបក្សសង្គ្រោះជាតិ ដោយលោកបរិយាយថា ពួកគេនឹងមិនត្រលប់មកទេ។ លោក ហ៊ុន សែន ក៏បានអំពាវនាវឲ្យអ្នកពាក់ព័ន្ធនឹងការគាំទ្រសកម្មភាពលោក សម រង្ស៊ី ចេញសារភាពផងដែរ ដោយមិនមានការយកទោសពៃរ៍។ លើសពីនេះ លោកនាយករដ្ឋមន្ត្រី បានថ្លែងអំណរគុណប្រទេសថៃ ឥណ្ឌូនេស៊ី និងម៉ាឡេស៊ី ដែលបានធ្វើកិច្ចសហប្រតិបត្តិការជាមួយកម្ពុជា បន្ទាប់ពី លោកបានធ្វើការ ជាមួយភាគីអាស៊ានទាំងអស់ នៅពេលដែលលោកចូលរួមប្រជុំអាស៊ាន កាលពីពេលថ្មីៗនេះ នៅប្រទេសថៃ។
ចុះផ្សាយនៅថ្ងៃ៖
សូមស្ដាប់ប្រសាសន៍របស់ លោកនាយករដ្ឋមន្ត្រី ហ៊ុន សែន ដែលរៀបចំដោយ ញឹម សុផល៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ