កម្ពុជា
សហចៅក្រមស៊ើបអង្កេតប្រកាសពីទីតាំងស៊ើបអង្កេត ក្នុងសំណុំរឿង ០០៤
ទីបំផុតទៅ នៅរសៀលថ្ងៃទី៨សីហានេះ សហចៅក្រមស៊ើបអង្កេត របស់សាលាក្តីខ្មែរក្រហម បានថ្លែងការណ៍ជាសាធារណៈលើសំណុំរឿង០០៤ ដោយប្រកាសនូវទីតាំងជាច្រើន ដែលត្រូវដំណើរការស៊ើបអង្កេត។
ចុះផ្សាយនៅថ្ងៃ៖ កែប្រែថ្ងៃទី៖
ផ្សាយពាណិជ្ជកម្ម
តាមសេចក្តីប្រកាស ក្នុងសំណុំរឿង០០៤ រាប់បញ្ចូលនូវទីតាំងឧក្រិដ្ឋកម្ម នៅមន្ទីរសន្តិសុខ និងកន្លែងសម្លាប់មនុស្សជាច្រើន ដែលមានទាំងឈ្មោះជាក់លាក់ នៅខេត្តកំពង់ចាម ខេត្តកំពង់ធំ ខេត្តពោធិ៍សាត់ ខេត្តបាត់ដំបង ខេត្តបន្ទាយមានជ័យ និងខេត្តតាកែវ។
សេចក្តីប្រកាសធ្វើឡើងដើម្បីឲ្យជនរងគ្រោះ ដាក់ពាក្យបណ្តឹង ជាដើមបណ្តឹងរដ្ឋប្បវេណី ក្នុងសំណុំរឿង០០៤ ដ៏ចម្រូងចម្រាស។
សេចក្តីប្រកាស បានបញ្ជាក់ថា ក្នុងរយៈកាលកន្លងមក ការិយាល័យសហចៅក្រមស៊ើបអង្កេត មិនបានធ្វើការជូនដំណឹងដល់សាធារណជន អំពីតាំងឧក្រិដ្ឋកម្មនៅក្នុងសំណុំរឿង០០៤ ដោយហេតុថា សំណុំរឿង០០៤ មានវិមតិសង្ស័យជាក់ច្បាស់ថា តើជនសង្ស័យក្នុងសំណុំរឿងនេះ ស្ថិតនៅក្នុងប្រភេទនៃអ្នកទទួលខុសត្រូវខ្ពស់បំផុត ស្របតាមមាត្រា ២ ស្តីអំពីសមត្ថកិច្ចយុត្តាធិការ នៃច្បាប់ស្តីពីការបង្កើតសាលាក្តីខ្មែរក្រហមដែរ ឬយ៉ាងណា?
សហចៅក្រមស៊ើបអង្កេត បានបញ្ជាក់ថា ប្រសិនបើតុលាការមិនមានយុត្តាធិការទេ នោះវានឹងមិនមែនជារឿងសមស្របនោះឡើយ ក្នុងការដែលត្រូវជំរុញឲ្យមានការដាក់ពាក្យសុំតាំងខ្លួនជាដើមបណ្តឹងរដ្ឋប្បវេណីបន្ថែម ទៅលើពាក្យសុំតាំងខ្លួនជាដើមបណ្តឹងរដ្ឋប្បវេណី ដែលមានចំនួន ២០០ រួចមកហើយ នៅក្នុងសំណុំរឿងនេះ។ ការនេះ អាចនឹងបង្កើតឲ្យមានការរំពឹងទុក ឬក្តីសង្ឃឹមរបស់ជនរងគ្រោះ ដែលនឹងមិនអាចសម្រេចបាន នាពេលក្រោយតែប៉ុណ្ណោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ