អាមេរិក៖សភាបានយល់ព្រមដំឡើងកម្រិតអតិបរមានៃបំណុលសាធារណៈដល់ឆ្នំា ២០១៥
នៅទីបំផុត នាយប់ថ្ងៃពុធ ទី១២ កុម្ភៈ សភាអាមេរិកបានបោះឆ្នោតអនុម័តដំឡើងកម្រិតអតិបរមានៃបំណុលសាធារណៈរហូតដល់ខែមីនា ឆ្នំា ២០១៥។ បន្ទាប់ពីក្រុមតំណាងរាស្រ្ត ក្រុមសមាជិកព្រឹទ្ធសភាក៏បានផ្តល់ការយល់ព្រមរបស់ខ្លួនដែរ។ តាមរយៈកិច្ចព្រមព្រៀងដំឡើងកម្រិតអតិបរមានៃបំណុលសាធារណៈនេះ នឹងធ្វើឲ្យអាមេរិកបានរួចផុតពីវិបត្តិថវិកាដែលបានជួបប្រទះយ៉ាងខ្លំាងនារយៈពេលចុងក្រោយនេះ ពិសេសគឺការប្រទាញប្រទង់គ្នារវាងក្រុមតំណាងរាស្រ្តរបស់គណបក្សប្រជាធិបតេយ្យរបស់លោកប្រធានាធិបតីអូបាម៉ា និងគណបក្សសាធារណរដ្ឋដែលជាបក្សប្រឆំាង និងមានសម្លេងច្រើននៅក្នុងរដ្ឋសភា។
ចុះផ្សាយនៅថ្ងៃ៖
ស្តាប់ - ០១:៤០
នៅលើកនេះ និងខុសពីលើកមុនៗ ក្រុមតំណាងរាស្រ្តរបស់គណបក្សសាធារណរដ្ឋមិនបានបោះឆ្នោតជំទាស់ទេ។ មួយវិញទៀត និងជាលើកទីមួយគិតតំាងពី ៣ឆ្នំាកន្លងទៅ ដែលគណបក្សសាធារណរដ្ឋបានបោះឆ្នោតយល់ព្រមឲ្យដំឡើងកម្រិតអតិបរមានៃបំណុលសាធារណៈ ដោយគ្មានដាក់លក្ខខណ្ឌ។ នេះស បញ្ជាក់ឲ្យឃើញពីជោគជ័យរបស់លោកប្រធានាធិបតីអូបាម៉ាដែលបានជំរុញឲ្យសភាចេញមុខទទួលខុសត្រូវនៅក្នុងករណីណាដែលអាមេរិកត្រូវផុងខ្លួនក្នុងវិបត្តិថវិកាជាថ្មីនោះ។
រហូតមកដល់ពេលនេះ ក្រុមអ្នកអភិរក្សនិយមតែងតែទទួលបានសម្បទាននៅគ្រប់ការបោះឆ្នោតទំាងអស់ តែនៅក្នុងឆ្នំា ២០១១ ការត ថ្លៃគ្នាផ្នែកនយោបាយបានបង្កឲ្យមានវិបត្តិមិនទុកចិត្តគ្នា រហូតដល់ធ្វើឲ្យចំណាត់ថ្នាក់របស់អាមេរិកមានការធ្លាក់ចុះយ៉ាងខ្លំាង។ តែតំាងពីពេលនោះមក លោកអូបាម៉ាបានផ្លាស់ប្តូរយុទ្ធសាស្រ្ត ដោយបិទគ្រប់ការចរចា តាមតែការញាក់ពីក្រោយរបស់ក្រុមប្រឆំាងទៀតឡើយ។ លោកអូបាម៉ាធ្លាប់បានបញ្ជាក់រួចហើយថា ការដំឡើងកម្រិតអតិបរមានៃបំណុលសាធារណៈនឹងត្រូវធ្វើឡើងដោយគ្មានលក្ខខណ្ឌ។ ដូច្នេះអ្វីដែលលោកអូបាម៉ាបានទទួលនូវពេលនេះ ជាសក្ខីកម្មមួយដែលបញ្ជាក់ពីការបែកខ្ញែកគ្នានៅផ្ទៃក្នុងរបស់គណបក្សសាធារណរដ្ឋ។
តាមពិតទៅ គឺគណបក្សជ្រុលនិយម Tea Party ទេដែលតែងតែយកជើងរាទឹកចង់ឲ្យអាមេរិកធ្លាក់ក្នុងវិបត្តិថវិកា។ គណបក្សមួយនេះតែងតែញុះញង់ឲ្យគណបក្សសាធារណរដ្ឋបោះឆ្នោតបដិសេធការដំឡើងកម្រិតអតិបរមានៃបំណុលសាធារណៈដែលស្នើឡើងដោយគណបក្សប្រជាធិបតេយ្យរបស់លោកអូបាម៉ា។ តែសព្វថ្ងៃ ជម្លោះប្រឈមមុខគ្នាកំពុងកើតមានឡើងរវាងប្រមុខដឹកនំាគណបក្ស Tea Party និងគណបក្សសាធារណរដ្ឋ។ ជម្លោះដែលបាន និងកំពុងផ្តល់ចំណេញឲ្យគណបក្សប្រជាធិបតេយ្យឯណោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ