អំពើពុករលួយ នៅតែបន្ត ស៊ីរូងផ្ទៃក្នុង នៅបណ្តាប្រទេសចាយលុយ អឺរ៉ូ
នៅថ្ងៃពុធទី៥ធ្នូនេះ អង្គការ ដើម្បីតំលាភាពអន្តរជាតិTransparency International បានចេញ របាយការណ៍ប្រចាំឆ្នាំ របស់ខ្លួន ស្តីអំពី អំពើពុករលួយ ដែលនៅតែមានវត្តមាន នៅក្នុងពិភពលោក។ យោងតាមរបាយការណ៍របស់ អង្គការ Transparency International អំពើពុករលួយ បានប៉ះពាល់ ដល់បណ្តាប្រទេស ដែលត្រូវរងគ្រោះដោយវិបត្តិសេដ្ឋកិច្ច និងហិរញ្ញវត្ថុ ធ្ងន់ធ្ងរខ្លាំងជាងគេនៅក្នុងតំបន់អឺរ៉ូ ជាអាទិ៍ គឺប្រទេសក្រិកនិង ប្រទេសអ៊ីតាលី។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០០
ក្នុងរបាយការណ៍របស់ខ្លួន ស្តីអំពី អំពើពុករលួយ អង្គការដើម្បីតំលាភាពអន្តរជាតិ បានដាក់ ពិន្ទុសំរាប់វាយតំលៃអំពើពុករលួយ ដល់ប្រទេស ចំនួន ១៧៦ ប្រទេស ដោយបានដាក់ ពី សូន្យ ដល់លេខ ១០០។
ពិន្ទុសូន្យ សំរាប់ប្រទេសពុករលួយខ្លាំងជាងគេ និង ១០០ សំរាប់ប្រទេស ពុករលួយតិចតួចបំផុត។
ឆ្នាំនេះ ប្រទេស អ៊ីតាលី និង ក្រិក ដែល ធ្លាប់មានបញ្ហាសេដ្ឋកិច្ច បាន ទទួលពិន្ទុខ្ពស់ ជាប់ ចំណាត់ថ្នាក់ជាបន្តបន្ទាប់គ្នា លេខ ៧២ និង ៩៤។ អ៊ីតាលី ទទួលពិន្ទុ ៤២ពិន្ទុ ថយចំណាត់ថ្នាក់ បី ដង រីឯ ក្រិកទទួល ៣៦ ពិន្ទុ ថយចំណាត់ថ្នាក់ ១៤ដង នេះ បើប្រៀបទៅនឹង ឆ្នាំ ២០១១។
ចំពោះ បណ្តាប្រទេស ដែលជំពាក់បំណុលធ្ងន់ធ្ងរ និង រងនូវវិបត្តិសេដ្ឋកិច្ច នាពេលថ្មីៗកន្លងមក ក៏ទទួល ចំណាត់ថ្នាក់ យ៉ាប់យ៉ឺន ដែរ ដូចជា ប្រទេស អៀរឡង់ ទទួលបានចំណាត់ថ្នាក់ លេខ ២៥ អេស្ប៉ាញ លេខ ៣០ និង ព័រទុយហ្គាល់ លេខ ៣៣។ ប្រទេសទាំងបី នេះមាន ពិន្ទុខ្ពស់ជាង ៦០។
ប្រទេសដែល មិនសូវជួបវិបត្តិ ដូចជា អាល្លឺម៉ង់ និង បារាំង ទទួលពិន្ទុខ្ពស់ជាង ៧០ពិន្ទុ ហើយមាន ចំណាត់ថ្នាក់ បន្តបន្ទាប់គ្នា លេខ ១៣និង ២២។
ប្រទេសរុស្ស៊ី នៅតែមានឈ្មោះក្នុងចំណោមបណ្តាប្រទេសដែល ពុករលួយ ខ្លាំងក្លា ដោយបាន ទទួលចំណាត់ថ្នាក់លេខ ១៣៣ និង បាន២៨ពិន្ទុ។ ប៉ុន្តែ មានស្ថានភាពប្រសើរជាងឆ្នាំមុន ដោយសារ អំពើពុករលួយ ថយចុះមួយកំរិត។ រុស្ស៊ី បានចំណាត់ថ្នាក់ ល្អជាងមុន ១០ដង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ