ជំនួយមនុស្សធម៌ត្រូវទៅដល់ស៊ីរីនៅថ្ងៃពុធនេះ
នៅថ្ងៃពុធ១៧កុម្ភៈនេះ ក្បួនជំនួយមនុស្សធម៌ត្រូវធ្វើដំណើរទៅដល់ក្រុងនានានៅស៊ីរីជាទីដែលប្រជាជនកំពុងរស់នៅយ៉ាងត្រដាបត្រដួសក្រៃលែង។ ជាមួយគ្នានេះ ការអំពាវនាវរបស់តួកគី សុំឲ្យមានអន្តរាគមទ័ពជើងគោគជាមួយកងសម្ព័ន្ធមិត្តអូតង់នៅក្នុងទឹកដីស៊ីរីនោះ អាចជំរុញឲ្យបទឈប់បាញ់ដែលសន្មត់ចូលជាធរមានក្នុងសប្តាហ៍នេះនឹងរឹតតែផុយស្រួយ។
ចុះផ្សាយនៅថ្ងៃ៖
ស្តាប់ - ០២:២៨
ឲបេសកជនពិសេសរបស់អសបសំរាប់ប្រទេសស៊ីរី លោក Staffan de Mistura នៅពេលទៅដល់ទីក្រុង Damas នៅយប់ម្សិលមិញ បានទទួលការអនុញ្ញាត្តពីរដ្ឋាភិបាលស៊ីរី ដើម្បីដឹកជំនួយមនុស្សធម៌ទៅចែកចាយប្រជាជនស៊ីវីលស៊ីរី ដែលកំពុងរស់នៅក្នុងស្ថានភាពដ៏សែនវេទនានៅតាមក្រុងស៊ីរីនានាដែលត្រូវឡោមព័ទ្ធ។
តំបន់ចំនួន៧ដែលត្រូវឡោមព័ទ្ធដោយកងទ័ពរដ្ឋាភិបាលឬដោយពួកបះបោរនឹងត្រូវផ្គត់ផ្គង់ជំនួយមនុស្សធម៌។ យោងតាមអង្គការមនុស្សធម៌ស៊ីរីឈ្មោះ Croissant rouge” នៅថ្ងៃពុធនេះ ជំនួយមនុស្សធម៌ ត្រូវដឹកទៅចែកចាយនៅតាមតំបន់នានាដែលមានប្រជាជនស៊ីរីកាន់និកាយអ៊ីស្លាម Chiite រស់នៅដូចជា នៅ Foua និង Kafraya ដែលត្រូវពួកបះបោរស៊ីរីឡោមព័ទ្ធនៅភាគខាងជើង ក៏ព្រមទាំងតំបន់ Madaya និង Zabadani ដែលត្រូវកងទ័ពស៊ីរីឡោមព័ទ្ធនៅតំបន់ Damas។
នៅខណៈពេលដែលស្ថានភាពមនុស្សធម៌ កំពុងធ្លាក់ចុះដុនដាបខ្លាំង ការប្រយុទ្ធគ្នានៅតែបន្តឥតលោះថ្ងៃ។ ដោយប្រជាជនស៊ីវីលយ៉ាងតិច ១៥នាក់ បានស្លាប់កាលពីយប់ថ្ងៃអង្គារនៅក្នុងការវាយប្រហាររបស់កងទ័ពអូតង់ដឹកនាំដោយសហរដ្ឋអាមេរិក ប្រឆាំងទៅលើក្រុងមួយដែលត្រួតត្រាដោយអង្គការរដ្ឋអ៊ីស្លាម នៅភាគឥសាន្តប្រទេសស៊ីរី។
គួររំលឹកថា បារាំង អង់គ្លេស ក៏ព្រមទាំងប្រទេសមួយចំនួនទៀតដូចជាហូឡង់និងតួកគី ដែលក៏ជាសមាជិកអូតង់ដែរនោះ បានរូមកម្លាំងគ្នាដើម្បីវាយប្រហារតាមអាកាសប្រឆាំង អង្គការរដ្ឋអ៊ីស្លាម។
ម្សិលមិញ អ្នកទទួលខុសត្រូវមា្នក់របស់តួកគី ដោយសុំមិនបញ្ចេញឈ្មោះ បានថ្លែងប្រាប់អ្នកកាសែតថា “ តួកគី អំពាវនាវសុំឲ្យមានប្រតិបត្តិការតាមជើងគោគមួយ ជាមួយទ័ពអូតង់” ហើយតួកគី នឹងមិនធ្វើប្រតិបត្តិការយោធាជាឯកតោភាគីណាមួយទៀតឡើយ” ។
អ្នកទទួលខុសត្រូវរបស់តួកគីនេះ ថែមទាំងបានសង្កត់ពាក្យទៀតថា” អន្តរាគមន៍យោធានេះ នឹងត្រូវសំដៅទៅលើ “ក្រុមភេរវនិយមទាំងអស់នៅក្នុងទឹកដីស៊ីរី ដូចជា អង្គការរដ្ឋអ៊ីស្លាម ក៏ព្រមទាំងកម្លាំងស៊ីរី និងពួកប្រដាប់អាវុធ គួដផងដែរ ។
គួររំលឹកថាកាលពីថ្ងៃសៅរ៍មុន តួកគីបានប្រកាសដែរថា” តួកគី រួមជាមួយអារ៉ាប៊ីសាអ៊ូឌីត ដែលក៏ជាសម្ព័ន្ធមិត្តដែរនោះ អាចនឹងធ្វើអន្តរាគមតាមជើងគោកដើម្បីវាយប្រហារអង្គការរដ្ឋអ៊ីស្លាមនៅក្នុងប្រទេសស៊ីរី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ