លោកប្រធានាធិបតីអូបាម៉ាជំរុញវិស័យអ៊ីនធ័រនែតល្បឿនលឿននៅទូទាំងប្រទេស
នៅប៉ុន្មានម៉ោងមុននេះ ថ្លែងចេញពីក្រុង Cedar Falls នៃរដ្ឋ Iowa លោកប្រធានាធិបតី អូបាម៉ា បានប្រកាសពីដំណាក់កាលថ្មីនៃការបង្កើនលទ្ធភាពទទួលបាននូវអ៊ីនធ័នែតល្បឿនលឿនក្នុងតម្លៃសមរម្យនៅទូទាំងសហរដ្ឋអាមេរិក។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:២៨
ក្នុងកាលៈទេសៈថ្មីនៃការបង្កើនការប្រកួតប្រជែងសេដ្ឋកិច្ចព័ត៌មាន សន្តិសុខព័ត៌មានវិទ្យា និងស្របតាម គោលនយោបាយនៃការលើកតម្កើងនូវគោលការណ៍អព្យាក្រឹត្យភាពនៃអ៊ីនធ័រនែត លោកប្រធានាធិបតីបានថ្លែងដូច្នេះថា ៖
«នាពេលបច្ចប្បន្ននេះអ៊ីនធ័រនែតល្បឿនលឿនមិនមែនជាគ្រឿងប្រណិតនោះទេតែវាជាតម្រូវការចាំបាច់។ វាមិនចាំបាច់សំរាប់តែការមើលវីដេអូលើអ៊ីនធ័រនែតតាម Netflix ឬក៏ប្រើប្រាស់ Facebook ក្នុងល្បឿនលឿនប៉ុណ្ណោះទេ តែអ៊ីនធ័រនែតល្បឿនវាជាការចំាបាច់សម្រាប់ជួយឲ្យអាជីវកម្មក្នុងស្រុកអាចរីកចំរើន មានការថ្កុំថ្កើងនិងមានការប្រកួតប្រជែងក្នុងសេដ្ឋកិច្ចតំបន់និងពិភពលោកនិងក៏ជាការចំាបាច់សម្រាប់សិក្សានុស្សិសអាចរៀនកួរតាមអនឡាញនិងមានកាលានុវត្តភាពស្វែងរកការងារតាមក្តីស្រមៃរបស់គេ"។
លោកបានរំលឹកពីសមិទ្ធិផលដែលសម្រេចបានក្នុងអាណត្តិរបស់លោកដែលបង្ហាញពីការយកចិត្តទុកដាក់ខ្ពស់របស់លោកលើការលើកតម្កើងការប្រើប្រាស់អ៊ីនធ័រនែតនេះទាំងក្នុង វិស័យសក្សាធិការ បណ្ណាល័យ សុខភាព សហគមន៍នានា ព្រមទាំងវិស័យឯកជនដើម្បីឲ្យទទួលបាននូវអ៊ីនធឺណិតល្បឿនលឿន។
ក៏ប៉ុន្តែមកទល់នឹងពេលនេះ៩៨%នៃប្រជាជនអាមេរិកអាចទទួលបាននូវសេវាកម្មអ៊ីនធឺណិតមូលដ្ឋានដែលមានល្បឿនយឺតនៅឡើយដែលមិនស្របទៅនឹងតម្រូវការប្រចាំថ្ងៃក្នុងការដោនឡូតបញ្ជូននិងផ្ទេរទិន្នន័យ។ នាពេលបច្ចុប្បន្នប្រជាជនអាមេរិកប្រហែលជា៤៥លាននាក់មិនទាន់មានលទ្ធភាពដើម្បីជាវសេវាកម្មអ៊ីនធ័រនែតល្បឿនលឿនជំនាន់ក្រោយនេះនៅឡើយហើយដែលអ៊ីនធ័រនែតល្បឿនលឿនជំនាន់ក្រោយនេះ មានល្បឿន៦ទៅ៧ដង លឿនជាងសេវាកម្មមូលដ្ឋានដែលគេប្រើសព្វថ្ងៃ។
លោកបានធ្វើការប្រៀបធៀបក្រុងនានារបស់អាមេរិកជាមួយនឹងក្រុងដ៏ទៃលើពិភពលោក ដោយរៀបរាប់ថាទីក្រុងដែលមានប្រើនូវសេវាកម្មដ៏លឿនជាងគេដល់ទៅ១ជីកាបៃត៍សំរាប់ដោនឡូតក្នុងមួយវិនាទីមានសេអ៊ូល ហុងកុង តូក្យូ ប៉ារីស និង Cedar Falls នៃរដ្ឋ Iowa ក្រុងដែលលោកកំពុងឋិតនៅ។ លោកបាន កោតសសើរនិងលើកក្រុង Cedar Falls នៃរដ្ឋ Iowa ជាគំរូ សម្រាប់ក្រុងដ៏ទៃទៀតរបស់សហរដ្ឋអាមេរិកនិងក៏បានសន្យាថារដ្ឋបាលរបស់លោកនឹងចាត់វិធានការជម្រុញធ្វើវិសោធនកម្មនិងអនុម័តច្បាប់ សំដៅសម្រួលនិងបង្កើនការប្រើប្រាស់អ៊ីនធ័រនែតល្បឿនលឿនក្នុងតម្លៃសមរម្យក្នុងក្រុងនានាទូទាំងប្រទេស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ