ប្រទេសកូរ៉េខាងត្បូងឈប់ផ្តល់ទិដ្ឋាការឲ្យដល់គ្រូបង្រៀនជាតិចិន
កូរ៉េខាងត្បូង ឈប់ផ្តល់ទិដ្ឋាការថ្មីៗ ឬក៏ពន្យាទិដ្ឋាការឲ្យដល់គ្រូបង្រៀនជនជាតិចិនដែលកំពុងបំរើការងារនៅវិទ្យាស្ថានខុងជឺនៅក្នុងប្រទេសខ្លួនទៀតឡើយ។ ការសម្រេចចិត្តរបស់កូរ៉េខាងត្បូងនេះ ត្រូវបានប្រព្រឹត្តទៅនៅក្នុងបរិបថដ៏តានតឹងមួយរវាងប្រទេសចិននិងកូរ៉េខាងត្បូង។ ប្រទេសចិនដែលប្រឆាំងទល់នឹងគម្រោងដំឡើងប្រព័ន្ធខែលការពារមីស៊ីលអាមេរិកនៅក្នុងទឹកដីកូរ៉ខាងត្បូង-នេះបើយោងតាមសាព័ត៌មាននិងអ្នកទទួលខុសត្រូវរបស់កូរ៉េខាងត្បូង។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៨
យោងតាមទីភ្នាក់ងារព័ត៌មានកូរ៉េខាងត្បូង Yonhap ការិយាល័យអន្តោប្រវេស្តន៍កូរ៉េខាងត្បូង បានបញ្ឈប់ការផ្តល់ទិដ្ឋាការថ្មីៗឬក៏ការពន្យាទិដ្ឋាការឲ្យដល់គ្រូបង្រៀនចិនដែលកំពុងបំរើការងារនៅវិទ្យាស្ថានខុងជឺ ក្នុងប្រទេសកូរ៉េខាងត្បូងទៀតឡើយ។
វិទ្យាស្ថានខុងជី(Confuscius)របស់ចិននេះ ដែលមានទីតាំងចំនួនរាប់រយកន្លែងនៅលើពិភពលោក មានគោលដៅដើម្បីលើកស្ទួយវប្បធម៌ប្រពៃណីយនិងភាសាចិននៅក្នុងក្របខណ្ឌនយោបាយលាក់ការណ៍មួយក្រោមការដឹកនាំរបស់ប៉េកាំងនៅឯបរទេស។
ការសម្រេចចិត្តរបស់សេអ៊ូលក្នុងការឈប់ផ្តល់ទិដ្ឋាការឲ្យដល់គ្រូបង្រៀនជនជាតិចិនធ្វើការនៅវិទ្យាស្ថានខុងជឺនេះ ត្រូវបានប្រព្រឹត្តនៅក្នុងកាលៈទេសៈមួយដែលសេអ៊ូលនិងប៉េកាំង មានភាពតានតឹងនឹងគ្នាកាន់តែខ្លាំងឡើងៗ ដោយសារតែអាមេរិកមានគម្រោងដាក់ពង្រាយប្រព័ន្ធខែលការពារមីស៊ីលរបស់ខ្លួនហៅកាត់ថា THAAD នៅឆ្នាំ២០១៧នេះក្នុងទឹកដីកូរ៉េខាងត្បូង។ គម្រោងដាក់ពង្រាយប្រព័ន្ធខែលការពារមីស៊ីលអាមេរិកនេះ គឺដើម្បីប្រឈមទប់ទល់នឹងការគំរាមនានាពីសំណាក់កូរ៉េខាងជើង ដែលនៅឆ្នាំ ២០១៦ បានបង្កើនការបាញ់គ្រាប់មីស៊ីលនិងធ្វើការសាកល្បងនុយក្លេអ៊ែរចំនួនពីរលើក។
ប្រទេសចិនដែលខឹងច្រឡោតនឹងគម្រោងពង្រាយប្រព័ន្ធខែលការពារមីស៊ីលអាមេរិកនោះមានការព្រួយបារម្ភយ៉ាងខ្លាំង ខ្លាចប្រព័ន្ធខែលការពារមីស៊ីលអាមេរិក អាចប៉ះពាល់ទៅដល់សមត្ថភាពមីស៊ីលឆ្លងទ្វីបរបស់ខ្លួនឬក៏ប៉ះពាល់ដល់សន្តិសុខជាតិចិន។
នៅក្នុងន័យនេះហើយទើបចិន បានចាត់វិធានការមួយចំនួនប្រឆាំងទល់នឹងកូរ៉េខាងត្បូង។ វិធានាការរបស់ចិនដែលទីក្រុងសេអ៊ូលចាត់ទុកថាជាការសងសឹកទល់នឹងកូរ៉េខាងត្បូងនៅលើវិស័យសេដ្ឋកិច្ច។ វិធានការសងសឹករបស់ប៉េកាំងនោះ មានដូចជាការហាមមិនអោយតារាចំរៀងនៃក្រុមភ្លេង K-pop របស់កូរ៉េខាងត្បូង ចេញមកសម្តែងទស្សនិយភាពនៅលើទឹកដីរបស់ចិនជាដើម។លនិងល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ