លោក ឈាង វណ្ណារិទ្ធិ៖ សេចក្ដីសម្រេចរបស់ IPU ជាសម្ពាធការទូត តែមិនអាចចាប់បង្ខំឲ្យកម្ពុជាអនុវត្តតាមទេ
សហភាពអន្ដរសភា IPU នៅថ្ងៃទី១៨តុលា បានចេញសេចក្ដីសម្រេចមួយស្ដីពីកម្ពុជា ដោយបានទាមទារឲ្យអាជ្ញាធរកម្ពុជា ដោះលែងលោក កឹម សុខា ប្រធានអតីតគណបក្សសង្គ្រោះជាតិ និងស្ដារលទ្ធិប្រជាធិបតេយ្យនៅកម្ពុជាឡើងវិញ។ ទាក់ទងនឹងសេចក្ដីសម្រេចរបស់ IPU នេះ លោក ឈាង វណ្ណារិទ្ធិ ប្រធានវិទ្យាស្ថានកម្ពុជាសម្រាប់ការសិក្សាពីគោលនយោបាយ ពន្យល់ថា សេចក្ដីសម្រេចនេះ មិនមានន័យចាប់បង្ខំឲ្យកម្ពុជាអនុវត្តតាមទេ។ បើតាមលោក ឈាង វណ្ណារិទ្ធិ IPU គ្រាន់តែជាវេទិកាមួយសម្រាប់បញ្ចេញមតិរបស់សមាជិករដ្ឋសភាមកពីប្រទេសនានានៅលើពិភពលោកតែប៉ុណ្ណោះ។ បើទោះបីជាវាមិនមានអំណាចចាប់បង្ខំឲ្យរដ្ឋាភិបាលខ្មែរធ្វើតាមក៏ពិតមែន ប៉ុន្តែបើតាមលោក ឈាង វណ្ណារិទ្ធិ វាអាចជាសម្ពាធការទូតមួយ ដែលធ្វើឲ្យកម្ពុជាបាក់មុខបាក់មាត់នៅលើឆាកអន្ដរជាតិ។
ចុះផ្សាយនៅថ្ងៃ៖ កែប្រែថ្ងៃទី៖
ប្រសាសន៍លោក ឈាង វណ្ណារិទ្ធិ អំពីឥទ្ធិពលនៃសេចក្ដីសម្រេចរបស់សហភាពអន្ដរសភា ថ្ងៃទី១៩ តុលា ២០១៨
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ