ប្រមុខការទូតរុស្ស៊ីខឹងច្រលោត ក្រោយគេហាមឃាត់មិនឲ្យជិះយន្តហោះឆ្លងកាត់ ឆ្ពោះទៅកាន់ស៊ែរប៊ី
ដំណើរទស្សនកិច្ចរបស់លោក ស៊ែរហ្កី ឡាវរ៉ូវ រដ្ឋមន្ត្រីការបរទេសរុស្ស៊ី ទៅប្រទេសស៊ែរប៊ី កាលពីថ្ងៃចន្ទ ទី៦មិថុនា ត្រូវបានលុបចោលវិញ។ ការខកខាននេះ គឺបន្ទាប់ពី ប្រទេស៣ស្ថិតនៅជុំវិញស៊ែរប៊ី គឺប៊ុលហ្ការី ម៉ុងតេណេហ្រ្កូ និង ម៉ាសេដ្វាន់ខាងជើង បានហាមឃាត់យន្តហោះរបស់លោករដ្ឋមន្ត្រីការបរទេសរុស្ស៊ី មិនឲ្យហោះកាត់។ ប្រទេសទាំង៣ ដែលជាសមាជិកអូតង់នេះ បានអះអាងថា ខ្លួនធ្វើនេះ គឺដោយអនុឡោមទៅតាមទណ្ឌកម្ម ដែលសហភាពអឺរ៉ុប បានដាក់ទៅលើរូបលោក រដ្ឋមន្ត្រីការបរទេសរុស្ស៊ី បន្ទាប់ពីរុស្ស៊ីបានលើកទ័ពឈ្លានពានអ៊ុយក្រែន។
ចុះផ្សាយនៅថ្ងៃ៖
ស្តាប់ - ០១:០២
គួររំលឹកថា កាលពីចុងខែកុម្ភៈ យន្តហោះរបស់លោក ស៊ែរហ្កី ឡាវរ៉ូវ ដែលគ្រោងហោះ ទៅកាន់ទីក្រុងហ្សឺណែវប្រទេសស្វ៊ីស ដើម្បីប្រជុំក្រុមប្រឹក្សាសិទ្ធិមនុស្ស ក៏ត្រូវបានគេហាមឃាត់ម្តងហើយ ដោយអនុឡោមទៅតាមទណ្ឌកម្មរបស់សហភាពអឺរ៉ុប ដែលហាមមិនឲ្យលោក ស៊ែរហ្កី ឡាវរ៉ូវ ជាន់ដី ឬឆ្លងកាត់ដែនអាកាសអឺរ៉ុប។
ក្រោយការហាមឃាត់ថ្មីនេះ លោករដ្ឋមន្ត្រីការបរទេសរុស្ស៊ី បានបង្ហាញកំហឹងច្រលោតយ៉ាងខ្លាំង និងបានចាត់ទុក អូតង់ និងអឺរ៉ុប ថាបានរារាំងសិទ្ធិអធិបតេយ្យរបស់រុស្ស៊ី ក្នុងការអនុវត្តគោលនយោបាយការបរទេស។
តទៅនេះ សូមស្តាប់សម្រង់ប្រសាសន៍ របស់លោក ស៊ែរហ្កី ឡាវរ៉ូវ ដែលបានឆ្លើយទៅកាន់អ្នកកាសែត កាលពីរសៀលថ្ងៃចន្ទ ទី៦មិថុនា ៖
សម្រង់សំដីលោកប្រមុខការទូតរុស្ស៊ី ស៊ែរហ្កី ឡាវរ៉ូវ
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ