អេហ្ស៊ីប៖មានមនុស្សរងរបួសជាច្រើននាក់ក្នុងការប៉ះទង្គិចគ្នារវាងអ្នកគំាទ្រ និងអ្នកប្រឆំាងលោកម័រស៊ី
នៅប្រទេសអេហ្ស៊ីប មានមនុស្សរងរបួសប្រមាណជា ២០នាក់នៅក្នុងការប៉ះទង្គិចគ្នាយ៉ាងហិង្សារវាងក្រុមសកម្មជនអ្នកគំាទ្រ និងអ្នកប្រឆំាងលោកប្រធានាធិបតីធ្លាក់ពីអំណាចម័រស៊ី។ នៅថ្ងៃសុក ទី៩សីហាម្សិលមិញ មានក្រុមអ្នកគំាទ្រលោកម័រស៊ីរាប់សិបពាន់នាក់បាននំាគ្នាធ្វើបាតុកម្មនៅតាមផ្លូវក្នុងទីក្រុង Caire ដើម្បីប្រឆំាងនឹងរដ្ឋអំណាចថ្មីដែលពួកគេចាត់ទុកថា មិនស្របច្បាប់។
ចុះផ្សាយនៅថ្ងៃ៖
ស្តាប់ - ០១:២១
ពេញមួយថ្ងៃម្សិលមិញត្រូវបានគេឲ្យឈ្មោះថា « ពិធីប្រារព្ធថ្ងៃជោគជ័យ »។ កម្មវត្ថុរបស់ក្រុមបាតុករគឺដើម្បីបង្ហាញពីការគំាទ្រយ៉ាងពេញទំហឹងរបស់ពួកចំពោះលោកប្រធានាធិបតីធ្លាក់ពីអំណាចម័រស៊ី។ ក្រុមបាតុករបានរៀបចំក្បួនដង្ហែចេញពីវិហារប្រមាណជា ១០ នៅទូទំាងប្រទេសអេហ្ស៊ីប។ ក៏ប៉ុន្តែ មហាបាតុកម្មបានកើតមានឡើងនៅក្នុងទីក្រុង Alexandrie និងទីក្រុង Caire។ មានសកម្មជនអ្នកគំាទ្រលោកម័រស៊ីរាប់សិបម៉ឺននាក់បាននំាគ្នាដង្ហែក្បួនបាតុកម្មនៅតាមផ្លូវ រហូតធ្វើឲ្យមានការកកស្ទះចរាចរណ៍យ៉ាងណែនតាន់តាប់។
យ៉ាងណាក៏ដោយ ទោះបីជាក្រុម « Frères អ៊ីស្លាម » បានព្យាយាមយកក្បួនបាតុកម្មមកបង្ហាញពីជំហរម៉ឺងម៉ាត់ដែលមិនអាចចរចាបានក៏ដោយ ក៏ការកែនមនុស្សឲ្យចូលរួមនៅក្នុងក្បួនបាតុកម្មនៅមិនទាន់មានចំនួនច្រើនសម្បើមគួរឲ្យកត់សម្គាល់ឡើយ។
អ្វីជាការកត់សម្គាល់ ការព្យាយាមអត់ធ្មត់មិនប្រើអំពើហិង្សាខ្លំាងក្លានាឱកាសពិធីបួស ឬពិធីតមអាហាររបស់អ្នកកាន់សាសនាអ៊ីស្លាមហាក់ដូចជាមានការគោរពពីភាគីជម្លោះម្ខាងៗ។ ក្រុមប៉ូលិសក៏បានចៀសវាងមិនចូលប្រឈមមុខខ្លំាងទល់នឹងក្រុមបាតុករដែរ។ ផ្ទុយទៅវិញ នៅតាមខេត្តឯណោះ ក្បួនបាតុកម្មតូចតាចបានបង្កចេញនូវការប្រទូស្រ្តាយគ្នារវាងក្រុមអ្នកគំាទ្រ និងក្រុមអ្នកប្រឆំាងលោកម័រស៊ី។ សរុបមានមនុស្សរងរបួសជិត ២០នាក់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ