អំពើហិង្សារវាងក្រុមជាតិពន្ធុ Ouzbeks និង Kirghizs ចេះតែបន្តទៅទៀត
អំពើហិង្សាដែលបានកើតមានកាលពីល្ងាចថ្ងៃព្រហស្បតិ៍ទី១០មិថុនានៅ Ochជាទីក្រុងទី២នៃប្រទេស KIRGHIzsTAN និងជាដែនអំណាចរបស់លោកអតីតប្រធានាធិបតី Bakiev បានរីករាលដាលទៅកាន់ទីក្រុងជិតខាង ទោះបីជាមានសភាពអាសន្ននិងបំរាមគោចរប្រកាសដោយរដ្ឋាភិបាលបណ្តោះអាសន្ន KIRGHIzsTAN ក៏ដោយ។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
អាជ្ញាធរបានថ្លែងនៅល្ងាចថ្ងៃសុក្រម្សិលមិញ១១មិថុនាខ្លាចក្រែងតែសភាពការណ៍នៅទីក្រុងOch ខាងត្បូងប្រទេសចុះដុនដាបថែមទៀត។ រីឯលោកស្រីប្រធានាធិបតី ស្តីទី Roza Otounbaïeva បានយល់ឃើញថា ចាំបាច់ត្រូវតែបញ្ជូនគ្រូពេទ្យនិងក្រុមជំនួយបន្ថែមដើម្បីរក្សារបៀបរៀបរយ។
ការប៉ះទង្គិចគ្នាជួនកាលប្រកបដោយការបាញ់តគ្នាផងរវាងក្រុមយុវជន Ouzbeks និង Kirghizs បានកើតមាននៅយប់ថ្ងៃព្រហស្បតិ៍ឆ្លងមកថ្ងៃសុក្រនៅទីក្រុង Och និងរាលដាលទៅកាន់ទីក្រុងជិតខាង។អំពើហិង្សាបានកើតមានបណ្តាលមកពីជម្លោះវាយតប់គ្នារវាងអាណិកជននៃក្រុមជាតិពន្ធុទាំងពីរនេះ។
ទីក្រុង Och ត្រូវបិទដោយពួកទាហាន Kirghizs ហើយអាជ្ញាធរត្រួតពិនិត្យឆែកឆេរនៅតាមផ្លូវរថយន្តផ្ទុកអ្នកដំណើរជាតិ Ouzbeks ។ គេខ្លាចក្រែងតែក្រុមជំនួយបន្ថែមប៉ុនប៉ងមកកាន់ទីក្រុងដើម្បីរួមចំណែកក្នុងការប៉ះទង្គិចគ្នារវាងពួក Ouzbeks និង Kirghizs។ ក្នុងទីក្រុងជិតខាងជាច្រើនរបស់ទីក្រុង Och មានអ្នកស្លាប់អ្នករងគ្រោះដោយអគ្គិភ័យនិងដោយការប្លន់លួចឆក់ក្នុងសង្កាត់ពួក Ouzbeks។
ក៏មានទាំងក្តីព្រួយបារម្ភផងដែរនៅប៉ែកខាងជើងប្រទេសនៅរដ្ឋធានី Bishkek។ ដ្បិតបណ្តាជននៃតំបន់ Och ត្រូវជាប់គាំងដំណើរនៅក្នុងស្ថានីយផ្លូវថ្នល់ ហើយភាពតានតឹងកើនឡើងនាំឲ្យខ្លាចបារម្ភចលាចល រីករាលដាលទូទាំងប្រទេសជាតិនិងបង្ខូចស្ថិរភាពបន្តិចថែមទៀតនៃរដ្ឋាភិបាលបណ្តោះអាសន្ន KIRGHIZSTAN ដ៏ផុយស្រួយ។
លោកអតីតប្រធានាធិបតី Kourmanbek Bakiev ត្រូវបានធ្លាក់ពីតំណែងកាលពី ២ខែមុននៅ Bishkek ដោយការបះបោររបស់ប្រជាជន។ នៅថ្ងៃសៅរ៍នេះ អាជ្ញាធរ Kirghizs អំពាវនាវទាហាននិងប៉ូលិសចូលនិវត្តន៍ ឲ្យទៅកាន់ទីក្រុង Och ដោយខ្លាចក្រែងតែសភាពការណ៍ប្រែក្លាយទៅជាសង្គ្រាមស៊ីវិលពិតប្រាកដ នៅតំបន់ប៉ែកខាងត្បូង KIRGHIZSTAN។
ស្ថិរភាពនៅ KIRGHIZSTAN មានសារៈសំខាន់ណាស់ជាអាទិ៍ សំរាប់ប្រទេសរុស្ស៊ី និងសរអា ដែលមានមូលដ្ឋានទ័ពនៅទីនោះរូមមានមូលដ្ឋានទ័ពដ៏សំខាន់សំរាប់ដាក់ពង្រាយកងទ័ពអាមេរិកាំងឲ្យប្រចាំការនៅ Afghanistan៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ