សាឡាងលិច ៖ម្ចាស់ក្រុមហ៊ុនធ្វើមិនដឹងមិនឮនឹងបញ្ហាលំនឹងរបស់សាឡាង
កាពីទែនរបស់សាឡាងសេវ៉ូល ដែលក្រឡាប់លិច កាលពីពីរសប្តាហ៍មុន បានអះអាងនៅចំពោះមុខអ្នកអង្កេតការណ៍ថា បានធ្លាប់ផ្តល់ព័ត៌មានទៅកាន់ក្រុមហ៊ុនអំពីអស្ថិរភាពរបស់សាឡាងដែរ ប៉ុន្តែគ្មាននរណាម្នាក់ចាប់អារម្មណ៍នឹងចំណាប់អារម្មណ៍របស់លោកឡើយ។
ចុះផ្សាយនៅថ្ងៃ៖
តុល្យការនៃជនរងគ្រោះលិចសាឡាង សម្រាប់ថ្ងៃពុធទី ៣០មេសានេះ បានឡើងដល់ ស្លាប់ ២១០នាក់ និងបាត់ខ្លួន៩២នាក់។ ក្រុមអ្នកមុជទឹកកំពុងបន្តរុលទៅក្នុងសាឡាងដើម្បីស្វែងរកសាកសពជាប់កុននៅខាងក្នុង។ ប្រតិបត្តិការនេះបានជួបការយឺតយ៉ាវនារយៈពេលប៉ុន្មានថ្ងៃចុងក្រោយនេះ ដោយសារតែទឹកហូរខ្លាំងពេក និងមានបំណែកបិទខ្ទប់មិនច្រកចូលកាប៊ីនសាឡាង។
បើតាមរដ្ឋអាជ្ញារ ក្រោយពេលជួបសួរដេញដោលសួរកាពីទែន ដែលអវត្តមានក្នុងពេលកើតហេតុ ភ្នាក់ងារគ្រប់គ្រងសាឡាងរូបនេះ ធ្លាប់បានបញ្ជូនព័ត៌មានទៅឱ្យក្រុមហ៊ុន ប្រាប់អំពីបញ្ហាលំនឹងរបស់សាឡាងដែរ ប៉ុន្តែជាស្វ័យប្រវត្តិ គ្មាននរណាចាប់អារម្មណ៍នឹងរបាយនោះឡើយ។
ក្រុមហ៊ុន ចុងហៃជិន ម៉ារីនកូលីមីតធីត បានទិញបន្តសាឡាងនេះ កាលពីឆ្នាំ២០១២ រួចសាងសង់កាប៊ីនបន្ទប់បន្ថែមនៅជាន់ទីបី បួននិងទីប្រាំ។ សំណង់ដែលបានធ្វើឱ្យសាឡាងដំណើរការ១៨ឆ្នាំរួចមកហើយ បាត់លំនឹង និងកាត់បន្ថយសមត្ថភាពធន់នឹងរលកសមុទ្ទយ៉ាងខ្លាំង។
រហូតមកទល់នឹងពេលនេះ គេនៅមិនទាន់ដឹងច្បាស់អំពីលក្ខខណ្ឌដែលនាំឱ្យសាឡាងក្រឡាប់លិចទេ ប៉ុន្តែអ្នកឯកទេសបានសន្និដ្ឋានថា ការកាច់បង្កូតបត់ខ្លាំង ធ្វើឱ្យបន្ទុកលើនាវារអិលផ្អៀងមកតែម្ខាង។ អ្នកអង្កេតក៏កំពុងស្វែងរកព័ត៌មានផ្អៀងផ្ទាត់ថាសាឡាងពិតជាបានផ្ទុកទម្ងន់ហួសកំរិតអនុញ្ញាតដល់ទៅបីដងមែនឬយ៉ាងណា។
អ្នកអង្កេតក៏បានកោះហៅថៅកែក្រុមហ៊ុនមកសួរចម្លើយរួចហើយនៅថ្ងៃអង្គារម្សិលមិញ។ មានអាយុ ៧១ឆ្នាំ លោក គីមហាក់ស៊ិក ដែលបានសុំទោសក្រុមគ្រួសាររងគ្រោះ ក្រោយពេលសាឡាងលិចភ្លាម អាចនឹងត្រូវជាប់ទោសធ្ងន់ធ្ងរ ពីបទធ្វេសប្រហែល បង្វិលលុយនិងលួចរត់ពន្ធ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ