លោកឌុយទែរតេ៖ ឯកអគ្គរដ្ឋទូតអាមេរិកជាអ្នកស្រលាញ់ភេទដូចគ្នា ជាកូនស្រីពេស្យា
ប្រធានាធិបតីហ្វីលីពីន លោករោឌ្រីហ្កូ ឌុយទែរតេ បានចាត់ទុកឯកអគ្គរដ្ឋទូតអាមេរិកប្រចាំហ្វីលីពីនថា ជាមនុស្សស្រលាញ់ភេទដូចគ្នា និងជាកូនប្រុសរបស់ស្ត្រីពេស្យា។ ក្រសួងការបរទេសអាមេរិកបានប្រតិកម្មភ្លាមៗ។ កាលពីថ្ងៃចន្ទ រដ្ឋាភិបាលអាមេរិកបានកោះហៅមន្ត្រីទូតហ្វីលីពីននៅអាមេរិក មកសួរនាំ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១៤
បញ្ហាកើតមានតាំងពីថ្ងៃសុក្រសប្តាហ៍មុនម្ល៉េះ គឺពេលប្រធានាធិបតីហ្វីលីពីន លោករោឌ្រីហ្កូ ឌុយទែរតេ បានប្រើពាក្យចាត់ទុក លោក ហ្វីលីព ហ្កូលដឺប៊ើរ ជាឯកអគ្គរដ្ឋទូតអាមេរិក ប្រចាំនៅហ្វីលីពីន ថាជាមនុស្សស្រលាញ់ភេទដូចគ្នា នឹងជាកូនចៅរបស់ស្រីលក់ខ្លួន។ លោកឌុយទែរតេបន្ថែមថា លោកហ្កូលដឺប៊ែររូបនេះធ្វើអោយលោកចង់ជុះ។
ប្រធានាធិបតីឌុយទែរតេ ត្រូវគេស្គាល់តាំងពីយូរថា ចូលចិត្តប្រើពាក្យអាសអាភាស បែបជម្លើយ និងបែបកំប្លែង ប៉ុន្តែ មាត់ឆៅរបស់លោកក៏បានទាក់ទាញលោកអោយទទួលប្រជាប្រិយភាពក្នុងប្រទេសផងដែរ។ លោកឌុយទែរតេក៏ធ្លាប់ប្រើពាក្យចាត់ទុកសម្តេចសង្ឃកាតូលិក ប៉ាប ថាជាកូនស្រីពេស្យាដែរ។ អាមេរិកនិងអូស្ត្រាលីបានរិះគន់លោកជាខ្លាំងកន្លងមក ចំពោះពាក្យលេងសើចចំពោះស្ត្រីផ្សព្វផ្សាយសាសនាអូស្ត្រាលីម្នាក់ ដែលត្រូវជនពាលរំលោភរួចសម្លាប់ចោល។ ដោយសារការរិះគន់ លោកឌុយទែរតេធ្លាប់គំរាមផ្តាច់ទំនាក់ទំនងការទូតជាមយយអាមេរិកនិងអូស្ត្រាលី។
ថ្ងៃពុធនេះ ក្រសួងការបរទេសហ្វីលីពីនបានគូសបញ្ជាក់ថា អាមេរិកពិតជាបានសុំអោយមន្ត្រីទូតហ្វីលីពីននៅអាមេរិកបកស្រាយពាក្យពេចន៍លោកឌុយទែរតេមែន។ ទោះយ៉ាងនេះក្តី ក៏ក្រសួងការបរទេសហ្វីលីពីនព្យាយាមអះអាងថា ហ្វីលីពីននិងអាមេរិកនៅតែមានទំនាក់ទំនងល្អនឹងគ្នា។ ហ្វីលីពីនដែលមានជម្លោះដែនទឹកជាមួយចិន ជាដៃគូជិតដិតអាមេរិកនៅអាស៊ីអាគ្នេយ៍៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ