សហចៅក្រមស៊ើបអង្កេតអន្តរជាតិផ្តើមស៊ើបអង្កេតលើសំណុំរឿង០០៤
នៅថ្ងៃពុធនេះ ការិយាល័យសហចៅក្រមស៊ើបអង្កេត បានទទួលនូវដីកាសន្និដ្ឋានបញ្ជូនរឿងឲ្យស៊ើបសួរបន្ថែម ទាក់ទងនឹងការស៊ើបសួរបន្ថែម នៅក្នុងសំណុំរឿង ០០៤។ ដីកានោះ ធ្វើឡើង ដោយសហចៅក្រមស៊ើបអង្កេតអន្តរជាតិថ្មី សញ្ជាតិអាមេរិក ដែលទើបតែចូលកាន់តំណែង លោក ម៉ាក ប្រាយអ៊ិន ហាម៉ុន ( Mark Brian Harmon )។
ចុះផ្សាយនៅថ្ងៃ៖
តាមសេចក្តីប្រកាស ចុះថ្ងៃទី១៩ធ្នូ ស្របតាមវិធានផ្ទៃក្នុង ២១(១)(គ) សហចៅក្រមស៊ើបអង្កេតអន្តរជាតិ សូមចេញផ្សាយព័ត៌មាន អំពីទីតាំងឧក្រិដ្ឋកម្មមួយចំនួន ស្ថិតនៅក្រោមការស៊ើបសួរ នៅក្នុងសំណុំរឿង ០០៤ ដែលរួមមាននៅខេត្តបាត់ដំបង ខេត្តពោធិ៍សាត់ ខេត្តតាកែវ ខេត្តកំពង់ធំ និងខេត្តកំពង់ចាម។
សេចក្តីប្រកាស ក៏បានអំពាវនាវដល់សាក្សី ឬជនរងគ្រោះណា ដែលមានព័ត៌មានទាក់ទងនឹងទីតាំងឧក្រិដ្ឋកម្មទាំងនោះ អាចទាក់ទងអង្គភាពគាំពារជនរងគ្រោះ របស់សាលាក្តីខ្មែរក្រហម ដើម្បីទទួលព័ត៌មានបន្ថែមអំពីភ័ស្តុតាង និងលក្ខខណ្ឌ ដែលអាចដាក់ពាក្យ ធ្វើជាដើមបណ្តឹងរដ្ឋប្បវេណី។
ជាការកត់សម្គាល់ សំណុំរឿង០០៤ ក៏ដូចជាសំណុំរឿង០០៣ គឺភាគីជាតិ មិនយល់ស្របឲ្យដំណើរការឡើយ។ តែសហចៅក្រមស៊ើបអង្កេតអន្តរជាតិ ២ រូបមកហើយ បានព្យាយាមគាស់កកាយ ហើយទីបំផុត ចៅក្រមអន្តរជាតិ ដែលមកពីប្រទេសបារាំង និងអាល្លឺម៉ង់ ត្រូវលាលែងពីតំណែង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ