សករាជថ្មីនៃប្រទេសលីប៊ី
ការបាត់បង់ជីវិតយ៉ាងហិង្សារបស់មេដឹកនាំផ្តាច់ការកាដាហ្វ៊ីគឺពិតជាព្រឹត្តិការណ៍ដ៏សំខាន់នៅក្នុងប្រវត្តិសាស្ត្ររបស់ប្រទេសលីប៊ី។ ឥឡូវនេះ ដល់ពេលអ្នកដឹកនាំលីប៊ីនិងប្រជាជនពួតដៃបង្រួបបង្រួមគ្នាកសាងស្ថាបនាប្រទេសឡើងវិញ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១០
ក្រោយពីការបាត់បង់ជីវិតយ៉ាងហិង្សាដោយមេដឹកនាំផ្តាច់ការ មូអាម៉ារ កាដាហ្វ៊ី ប្រទេសលីប៊ីត្រូវបើកទំព័រថ្មីនៃប្រវត្តិសាស្ត្ររបស់ខ្លួន ពោលគឺទំព័រពាក់ព័ន្ធទៅនឹងការសាងសង់ស្ថាបនាប្រទេសឡើងវិញ ទាំងក្នុងវិស័យនយោបាយ វិស័យសេដ្ឋកិច្ច និងវិស័យហេដ្ឋារចនាសម្ព័ន្ធ។
នៅក្នុងវិស័យនយោបាយ អ្នកដឹកនាំប្រទេសលីប៊ីថ្មីត្រូវរៀបចំសើរើមើលឡើងវិញរាល់ស្ថាប័នរដ្ឋ ធ្វើយ៉ាងណាឲ្យប្រទេសលីប៊ីប្រែក្លាយទៅជាប្រទេសមានលក្ខណៈប្រជាធិបតេយ្យ ចេះគោរពសិទ្ធិសេរីភាពរបស់ប្រជាពលរដ្ឋ ចេះគោរពលទ្ធិប្រជាធិបតេយ្យពហុបក្ស។ ដូច្នេះក្រុមប្រឹក្សាជាតិអន្តរកាល CNT បច្ចុប្បន្នពិតជាអ្នកមានជោគវាសនារបស់ប្រទេសលីប៊ីនៅក្នុងដៃរបស់ខ្លួន។
នៅក្នុងវិស័យសេដ្ឋកិច្ចនិងវិស័យហេដ្ឋារចនាសម្ព័ន្ធ ប្រទេសលីប៊ីដែលបានរងគ្រោះនឹងសង្គ្រាមស៊ីវិល ហើយនិងការទម្លាក់គ្រាប់បែកយ៉ាងដំណំរបស់បក្សសម្ព័ន្ធអូតង់ ច្បាស់ជាត្រូវការជំនួយពីសំណាក់ប្រទេសលោកខាងលិចជាមិត្តមកជួយកសាងស្ថាបនាប្រទេសឡើងវិញ។ ថ្វីដ្បិតតែប្រទេសលីប៊ីគ្មានបញ្ហាវិបត្តិហិរញ្ញវត្ថុ ដោយសារតែប្រទេសនេះជាប្រទេសសម្បូណ៌ទៅដោយជង្រុកប្រេងឥន្ធនៈនិងឧស្ម័នដ៏ច្រើនមហិមា ក៏ប៉ុន្តែប្រទេសលីប៊ីនៅត្រូវការជំនួយបច្ចេកទេសរបស់លោកខាងលិច៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ