ប្រធានាធិបតីយេម៉ែនបានចុះហត្ថលេខាលើកិច្ចព្រមព្រៀងសាងផ្ទេរអំណាច
ប្រធានាធិបតីយេម៉ែន Ali Abdallah Saleh បានចុះហត្ថលេខានៅថ្ងៃពុធទី២៣វិច្ឆិកាឆ្នាំ២០១១នៅទីក្រុងRyad លើកិច្ចព្រមព្រៀងសាងផ្ទេរអំណាច។ ហើយអ្នកតំណាងនៃគណបក្សកាន់អំណាចនិងបក្សប្រឆាំងក៏បានគ្រោងផងដែរឲ្យឲ្យប្រធានាធិបតីយេម៉ែន Ali Abdallah Saleh ចាកចេញពីមុខតំណែងក្នុងរយៈកាលបីខែ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៩
នៅទីបំផុត រដ្ឋមន្ត្រីក្រសួងការបរទេស៦ប្រទេសនៃតំបន់ឈូងសមុទ្រពែសសម្រេចបានដូចបំណងនូវកិច្ចព្រមព្រៀងសាងផ្ទេរអំណាច ក្រោយពីមានការប្តូរប្រែជំហរជាច្រើនលើកច្រើនសារដោយប្រធានាធិបតីយេម៉ែន Ali Abdallah Saleh ។
គួរកត់សម្គាល់ថា នៅក្នុងកិច្ចព្រមព្រៀងសាងផ្ទេរអំណាចនោះ មានចែងពីការទទួលបានអភ័យឯកសិទ្ធិដោយប្រធានាធិបតីយេម៉ែន Ali Abdallah Saleh និងគ្រួសារ។ ហើយក៏មានគ្រោងផងដែរថា Ali Abdallah Saleh នឹងកាន់តំណែងជាប្រធានាធិបតីកិត្តិយសសម្រាប់រយៈកាលបីខែ។
ដូច្នេះ អំណាចបណ្តោះអាសន្នត្រូវធ្លាក់ទៅក្នុងដៃរបស់លោក Mansour Hadi អនុប្រធានាធិបតីយេម៉ែនដែលបានកាន់កាប់អំណាចអស់រយៈពេល១៧ឆ្នាំមកហើយ។ លោក Mansour Hadi ត្រូវរៀបចំឲ្យមាន រដ្ឋាភិបាលរួបរូមជាតិមួយ ហើយនិងរៀបចំឲ្យមានការបោះឆ្នោតជ្រើសតាំងប្រធានាធីបតីក្នុងរយៈពេលបីខែខាងមុខនេះ។
ទាំងនេះបានសេចក្តីថា Ali Abdallah Saleh ទើបនឹង បានបិទបញ្ចប់ការកាន់កាប់អំណាចតែម្នាក់ឯងអស់រយៈកាល៣៣ឆ្នាំ ហើយនិងការងើបបះបោរដ៏ហិង្សាដែលមានរយៈពេលដប់ខែ។ ក៏ប៉ុន្តែយុវបាតុករយេម៉ែនដែលបានធ្វើបាតុកម្មនៅទីក្រុងសាណាដប់ខែមកហើយនោះ ពុំព្រមទទួលយកកិច្ចព្រមព្រៀងសាងផ្ទេរអំណាចដែលបានចុះហត្ថលេខានៅទីក្រុងរីយ៉ាដឡើយ ពូកគេទាមទារឲ្យ Ali Abdallah Saleh ចាកចេញពីអំណាចដោយគ្មានបង្អង់ ហើយពួកគេបានអំពាវនាវឲ្យធ្វើបាតុកម្មមួយនៅថ្ងៃព្រហស្បតិ៍ទី២៤វិច្ឆកាឆ្នាំ២០១១នេះទៀត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ