Human Right Watch ជំរុញឲ្យអេហ្ស៊ីបការពារក្រុមអ្នកកាន់សាសនាគ្រិស្ត
ក្រុមអ្នកឃ្លាំមើលសិទ្ធមនុស្ស Human Right Watch នៅថ្ងៃព្រហស្បតិ៏ទី ២២ ខែសីហា នេះ បានជំរុញឲ្យមានការការពារចំពោះការវាយប្រហារណាមួយដែលអាចនឹងកើតមានចំពោះក្រុមអ្នកកាន់សាសនាគ្រឹស្តនៅក្នុងប្រទេសអេហ្ស៊ីប។ ជាមួយគ្នានោះពូកគេក៏បានស្នើរសុំឲ្យអ្នកកាន់សាសនាអ៊ីស្លាមនៅក្នុងក្រុមភារតឥស្លាមបញ្ឃប់ការញុះញង់ ការប្រើប្រាស់អំពើហិង្សា។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣៣
ក្រុមអ្នកឃ្លាំមើលសិទ្ធមនុស្ស Human Right Watch បាននិយាយថា ប្រទេសអេហ្ស៊ីបមិនបានការពារក្រុមអ្នកកាន់សាសនាដទៃនៅក្នុងប្រទេសនេះឡើយ បន្ទាប់ពីជម្លោះរវាងក្រុមភាតរឥស្លាម បានផ្ទុះឡើងជាមួយក្រុមយោធាកន្លងមក។ ក្រុមនេះបាននិយាយថា ពួកគេបានទទួលឯកសារថា មានវិហាគ្រិស្តចំនួន៤២ ត្រូវបានរងការវាយប្រហារ និងមានអ្នកកាន់សាសនាគ្រិស្ត១២នាក់នៅក្នុងទីនោះផងដែរ។ ពួកគេបានបន្តថាមានផ្ទះ សាលារៀននិងស្ថាប័នអ្នកកាន់សាសនាគ្រិស្តមួយចំនួននៅក្នុងប្រទេសអេហ្ស៊ីបត្រូវបានទទួលការគម្រាមកំហែងផងដែរ។
ជាមួយគ្នានោះ ពូកគេក៏បាន បញ្ជាក់ថា មានអ្នកកាន់សាសនាចំម្រុះ៤នាក់ត្រូវបានសម្លាប់ ដោយ៣នាក់ជាអ្នកកាន់សាសនាគ្រិស្ត និងម្នាក់ជាអ្នកកាន់សាសនាម៉ូស្លីម។
ក្រុមអ្នកឃ្លាំមើលសិទ្ធមនុស្សនិយាយទៀតថា អាជ្ញាធរមិនបានការពារគ្រិស្តសានិកឡើយ ដូច្នេះទើបធ្វើឲ្យមានចំនួនអ្នកស្លាប់ដូចនេះ។ ពួកគេក៏បាននិយាយថាក្រុមភាតរឥស្លាម ដែលរួមមានទាំង មហាម៉ាត់ ម័រស៊ី ផងនោះ មិនបានធ្វើខ្លួនត្រឹមត្រូវសម្រាប់ការពារអំពើហិង្សានេះទេ។
គួរបញ្ជាក់ថា នៅក្នុងប្រទេសអេហ្ស៊ីប មិនមែនមានត្រឹមតែអ្នកកាន់សាសនាអ៊ីស្លាម និងគ្រិស្តប៉ុណ្ណោះទេ គឺមានទាំងអ្នកកាន់សាសនាផ្សេងៗជាច្រើនផងដែរ ហើយពួកគេក៏កំពុងតែរងទុក្ខវេទនាជាមួយនឹងអំពើហិង្សាក្នុងប្រទេសនេះទៀតផង។
ស្ថានការណ៏នៅក្នុងប្រទេសអេហ្ស៊ីប បានចាប់ផ្តើមមានភាពធ្ងន់ធ្ងរចាប់ពីថ្ងៃទី៣ខែកក្កដា ហើយការធ្ងន់ធ្ងររហូរដល់មានអ្នកកាន់សាសនាមួយចំនួនបានស្លាប់នេះ គឺបានចាប់ផ្តើមធ្ងន់ធ្ងរតាំងពីថ្ងៃទី១៤ខែសីហានេះ។ មកដល់ពេលនេះ ចំនួនអ្នកស្លាប់ក្នុងការតវ៉ានឹងក្រុមយោធាបច្ចុប្បន្ន មានចំនួនកាន់តែច្រើនឡើងៗ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ