រាជទាយាទបេន សាលម៉ាន៖"ឃាតកម្មលើលោកខាស្ហូហ្ស៊ី ជាឧប្បត្តិហេតុឈឺចាប់ និងជាទង្វើអាក្រក់"
នៅក្នុងប្រទេសអារ៉ាប៊ីសាអូឌីត រាជទាយាទបេន សាលម៉ានបានចាត់ទុកឃាតកម្មសម្លាប់អ្នកកាសែតអារ៉ាប៊ីសាអូឌីតលោកហ្សាម៉ាល់ ខាស្ហូហ្ស៊ីក្នុងប្រទេសតួកគីថា ជាឧប្បត្តិហេតុឈឺចាប់ និងជាទង្វើអាក្រក់។ គួររម្លឹកថា លោកខាស្ហូហ្ស៊ីត្រូវបានគេសម្លាប់នៅក្នុងស្ថានកុងស៊ុលអារ៉ាប៊ីសាអូឌីតប្រចាំទីក្រុងអ៊ីស្តង់ប៊ូល ប្រទេសតួកគីកាលពីថ្ងៃទី២ តុលា បន្ទាប់ពីលោកបានចូលទៅធ្វើក្រដាសស្នាមសម្រាប់រៀបការ។ តែនេះជាលើកទី១ បង្អស់ដែលរាជទាយាទបេន សាលម៉ានបានបញ្ចេញប្រតិកម្មចំពោះរឿងនេះនាឳកាសវេទិកាសេដ្ឋកិច្ច និងវិនិយោគរៀបចំក្នុងទីក្រុងរីយ៉ាដ។ ព្រអង្គបានអះអាងថា អារ៉ាប៊ីសាអូឌីទនឹងចាត់វិធានការគ្រប់បែបយ៉ាងដើម្បីស៊ើបអង្កេត និងអូស ក ក្រុមជនដៃដល់ទៅកាត់ទោស។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០០:៥០
« អ្វីដែលបានកើតមានឡើង គឺជារឿងគួរឲ្យឈឺចាប់ខ្លាំងណាស់សម្រាប់ប្រជារាស្រ្តអារ៉ាប៊ីសាអូឌីតគ្រប់រូប។ ខ្ញុំចាត់ទុកថា រឿងរ៉ាវមួយនេះជារឿងសោកសៅសម្រាប់គ្របគ្នាទាំងអស់ និងជាទង្វើដ៏អាក្រក់។ ប្រទេសរបស់យើងនឹងចាត់វិធានការស្របច្បាប់គ្រប់បែបយ៉ាងដើម្បីធ្វើការស៊ើបអង្កេត និងចូលរួមបំពេញបន្ថែមលើនីតិវិធីដោយសហការណ៍ជាមួយរដ្ឋាភិបាលនៃប្រទេសតួកគី។
ពិតណាស់នៅចុងបញ្ចប់ យើងនឹងអូស ក ក្រុម ឬជនដៃទៅកាត់ទោសនៅតុលា។ វាជាតួនាទីរបស់រដ្ឋាភិបាលទាំងអស់ដែលនឹងមានជាប់ពាក់ព័ន្ធនៅក្នុងស្ថានភាពដ៏ឈឺចាប់មួយនេះ »៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ