រង្វាន់ណូបែលសន្តិភាពឆ្នំា ២០១៤ បានប្រគល់ឲ្យជនជាតិប៉ាគីស្ថាន និងឥណ្ឌា
នៅថ្ងៃសុក្រ ទី១០ តុលានេះ គណៈកម្មាធិការរង្វាន់ណូបែលក្នុងទីក្រុងអូស្លូ ប្រទេសន័រវែសបានប្រកាសប្រគល់រង្វាន់ណូបែលសន្តិភាពសម្រាប់ឆ្នំា ២០១៤ ឲ្យទៅមនុស្សពីរនាក់ គឺជនជាតិប៉ាគីស្ថានម្នាក់ និងជនជាតិឥណ្ឌាម្នាក់។ ជនជាតិប៉ាគីស្ថានបានទៅកញ្ញាម៉ាឡាឡា យូហ្សាសាយមានអាយុ ១៧ឆ្នំា និងជនជាតិឥណ្ឌាបានទៅលោកកៃឡាស្ហ សត្យាធី មានអាយុ ៦០ឆ្នំា។ ជ័យលាភីរង្វាន់ណូបែលសន្តិភាពឆ្នំា ២០១៤ ទំាងពីរនាក់សុទ្ធតែបានតស៊ូប្រយុទ្ធដើម្បីបុព្វហេតុដូចគ្នា គឺការពារសិទ្ធិរបស់កុមារ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៧
នៅទីបំផុត និងខុសពីការទន្ទឹងរង់ចំា រង្វាន់ណូបែលសន្តិភាពសម្រាប់ឆ្នំា ២០១៤ ត្រូវបានប្រកាសផ្តល់ឲ្យមនុស្សចំនួនពីរនាក់នៅក្នុងទ្វីបអាស៊ីដូចគ្នា និងដែលបានតស៊ូប្រយុទ្ធក្នុងបុព្វហេតុតែមួយដូចគ្នា នោះគឺការ ការពារសិទ្ធិរបស់កុមារទូទៅ។ សិទ្ធិរបស់កុមារដែលពិភពលោកត្រូវតែគោរពឲ្យខានតែបាន និងដែលកុមារទំាងអស់ត្រូវតែទៅសាលារៀន ដោយមិនត្រូវបានគេកេងប្រវ័ញ្ចកម្លំាងកាយដើម្បីលុយកាក់នោះទេ នេះជាការបញ្ជាក់របស់គណៈកម្មាធិការណូបែលនៅព្រឹកមិញក្នុងឱកាសប្រកាសផ្តល់រង្វាន់ណូបែលសន្តិភាព។
មានអាយុ ១៧ឆ្នំា កញ្ញាម៉ាឡាឡា យូហ្សាសាយបានក្លាយជាជ័យលាភីរង្វាន់ណូបែលដែលមានវ័យក្មេងជាងគេនៅក្នុងប្រវត្តិណូបែលរយៈពេល ១១៤ឆ្នំាកន្លងទៅ។ កន្លងមក ជ័យលាភីរង្វាន់ណូបែលវ័យក្មេងជាងគេ គឺមានអាយុ ២៥ឆ្នំា ជាជនជាតិអង់គ្លេសដើមកំណើតអូស្រា្តលីដែលបានទទួលរង្វាន់ណូបែលរូបវិទ្យាជាមួយឱពុកក្នុងឆ្នំា ១៩១៥។ ស្នាដៃរបស់កញ្ញាម៉ាឡាឡាបានលេចធ្លោខ្លំាងក្នុងឆ្នំា ២០១២ បន្ទាប់ពីកញ្ញាបានរងរបួសចំក្បាលនៅក្នុងការប៉ុនប៉ងសម្លាប់ពីពួកឧទ្ទាមតាលីបង់ដោយសារតែកញ្ញាចេញមុខទាមទារឲ្យក្មេងស្រីបាគីស្ថានទៅសាលារៀន។ បច្ចុប្បន្នរស់នៅក្នុងប្រទេសអង់គ្លេសដើម្បីព្យាបាលរបួស កញ្ញាបានបង្កើតសមាគមមួយដាក់ឈ្មោះខ្លួនឯងដើម្បីទាមទារឲ្យកុមារគ្រប់រូបទៅសាលារៀន ពិសេសនៅក្នុងប្រទេសប៉ាគីស្ថាន នីហ្សេរីយា ហ្ស័កដានី ស៊ីរី និងកេនយ៉ា។
ជ័យលាភីរង្វាន់ណូបែលសន្តិភាពម្នាក់ទៀត គឺលោកកៃឡាស្ហ សត្យាធី ជាជនជាតិឥណ្ឌាមានអាយុ ៦០ឆ្នំា និងដែលមិនសូវមានអ្នកណាស្គាល់ទេ។ គឺរូបលោកសត្យាទីនេះហើយដែលបានដឹកនំាក្បួនបាតុកម្មតាមគ្រប់រូបភាព និងដោយសន្តិវិធីដើម្បីប្រឆំាងនឹងការធ្វើអាជីវកម្មលើកុមារ និងការកេងប្រវ័ញ្ចលើកម្លំាងកុមារដើម្បីលុយកាក់។ ក្រៅពីមានជនជាតិខុសគ្នា ជ័យលាភីរង្វាន់ណូបែលទំាងពីររូបក៏មានសាសនាខុសគ្នាដែរ កញ្ញាម៉ាឡាឡា ជាអ្នកកាន់សាសនាអ៊ីស្លាម រីឯលោកសត្យាទី ជាអ្នកកាន់សាសនាហិណ្ឌូ។ គេត្រូវរង់ចំាដល់ថ្ងៃទី១០ ធ្នូទើបគណៈកម្មាធិការណូបែលប្រគល់រង្វាន់ណូបែលសន្តិភាពឲ្យ។ បន្ទាប់មក មានរង្វាន់ជាប្រាក់ចំនួន ៨៧០ ០០០អឺរ៉ូដែលជ័យលាភីរង្វាន់ណូបែលសន្តិភាពទំាងពីរនាក់ត្រូវចែកគ្នា ដោយទទួលបានម្នាក់ៗចំនួន ៤៣៥ ០០០អឺរ៉ូ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ