ចេញពីជប៉ុន លោករដ្ឋមន្រ្តីការពារជាតិអាមេរិកឆាក់ ហាហ្គែលបន្តទស្សនកិច្ចនៅចិន
នៅថ្ងៃចន្ទ ទី៧ មេសានេះ លោករដ្ឋមន្រ្តីក្រសួងការពារជាតិអាមេរិកឆាក់ ហាហ្គែលបានទៅដល់ទីក្រុងប៉េកំាង ប្រទេសចិនដើម្បីបំពេញទស្សនកិច្ចរយៈពេល ៣ថ្ងៃ។ យន្តហោះរបស់លោកឆាក់ ហាហ្គែលបានហោះចេញពីប្រទេសជប៉ុនទៅចុះចតនៅក្នុងស្រុកគីងដាវប៉ែកខាងកើតដែលជាមូលដ្ឋានទ័ពជើងទឹករបស់ចិន។ នៅទីនោះ លោកឆាក់ ហាហ្គែលបានបានទៅទស្សនានាវាដឹកយន្តហោះចិនទី១។
ចុះផ្សាយនៅថ្ងៃ៖
ស្តាប់ - ០១:៤០
តំាងពីចិនបានដាក់ឲ្យដំណើរការនូវនាវាដឹកយន្តហោះលើកទី១ របស់ខ្លួនក្នុងខែកញ្ញា ឆ្នំា ២០១២ មក នេះជាលើកទីមួយបង្អស់ដែលមានអ្នកទទួលខុសត្រូវបរទេសម្នាក់បានដាក់ជើងជាន់លើនាវាដឹកយន្តហោះរបស់ចិននោះ។ ថ្នាក់ដឹកនំាជាន់ខ្ពស់យោធាអាមេរិកំាងម្នាក់បានវាយតម្លៃថា ការទៅទស្សនានាវាដឹកយន្តហោះរបស់ចិននោះបានបង្កប់ដោយអត្ថន័យយ៉ាងជ្រាលជ្រៅបំផុត ចំពេលដែលទីក្រុងវ៉ាស៊ីតោនបាន និងកំពុងព្យាយាមជួយកាត់បន្ថយភាពតានតឹងនៅក្នុងតំបន់ និងជម្រុញឲ្យមានតម្លាភាពបន្ថែមទៀតនៅក្នុងវិស័យការពារ។
តាមពិតទៅ គឺខាងភាគីអាមេរិកំាងទេដែលបានសុំចិនទៅមើលនាវាដឹកយន្តហោះរបស់ចិនឈ្មោះ Liaoning។ Liaoning ដែលជានាវាដឹកយន្តហោះសល់ពីជំនាន់សហភាពសូវៀត តែត្រូវបានចិនទិញក្នុងតម្លែថោកយកមកជួសជុលឡើងវិញ ដោយបានបំពាក់នូវបច្ចេកវិជ្ជាទំនើបៗ។ Liaoning ជានាវាដឹកយន្តហោះទី១ ដែលចិនមាន តែវាជានិមត្តិរូបដែលបង្ហាញពីមហិច្ឆតាយោធាជើងទឹករបស់ចិន។ តែយ៉ាងណាក៏ដោយ មហិច្ឆតាយោធាជើងទឹករបស់ចិនមិនបានផ្តល់ក្តីបារម្ភដល់ប្រទេសជប៉ុន ឬមួយក៏ប្រទេសអាស៊ីផ្សេងទៀតដែលកំពុងមានជម្លោះទឹកដីជាមួយចិនទេ។
នៅក្នុងប្រទេសជប៉ុន លោករដ្ឋមន្រ្តីការពារជាតិអាមេរិកបានបញ្ជាក់ជាថ្មីម្តងទៀតពីការជួយការពារជប៉ុនដោយសន្យាបញ្ជូនឲ្យជប៉ុននូវនាវាចម្បំាងចំនួនពីរគ្រឿងបន្ថែមទៀតដែលបំពាក់ដោយប្រព័ន្ធប្រឆំាងមីស៊ីលនៅឆ្នំា ២០១៧ សម្រាប់ប្រឆំាងទប់នឹងការគំរាមកំហែងរបស់កូរ៉េខាងជើង។ ទន្ទឹមគ្នានេះ លោកឆាក់ ហាហ្គែលក៏បានព្រមានចិនពីការប៉ុនប៉ងប្រើកម្លំាងបាយក្នុងការដោះស្រាយជម្លោះទឹកដីជាមួយប្រទេសជិតខាងដែរ។ សម្រាប់លោកឆាក់ ហាហ្គែល ប្រទេសទំាងអស់ត្រូវតែមានសិទ្ធិទទួលបានការគោរព ទោះបីជាប្រទេសទំាងនោះ តូច ធំ ឬខ្លំាង ខ្សោយក៏ដោយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ