អង្គការ UNICEF ស្វែងរកថវិកា ២,៥ ប៊ីលានដុល្លារដើម្បីជួយកុមាររងគ្រោះនៅមជ្ឈិមបូព៌ា
អង្គការយូនីសេហ្វ (UNICEF) ដែលជាទីភ្នាក់ងារកុមាររបស់អង្គការសហប្រជាជាតិ នៅថ្ងៃចន្ទ ទី ៧ធ្នូនេះ បានអំពាវនាវស្វែងរកប្រាក់ចំនួនប្រមាណ ២ ៥០០ លានដុលារ នៅក្នុងគម្រោងថវិកាថ្មីមួយសម្រាប់ជួយកុមារប្រមាណ ៣៩ លាននាក់។ កុមារទាំងនោះ រស់នៅក្នុងតំបន់មជ្ឈិមបូព៌ា និងអាហ្វ្រិកខាងជើង ជាទីដែលកំពុងរងគ្រោះខ្លាំងពីសង្គ្រាម ភាពក្រីក្រ និងជំងឺរាតត្បាតកូវីដ១៩។
ចុះផ្សាយនៅថ្ងៃ៖
បើតាមនាយកគ្រប់គ្រងទូទៅប្រចាំតំបន់របស់ UNICEF កុមារទាំង ៣៩ លាននាក់ កំពុងត្រូវការជំនួយខ្លាំងបំផុត ហើយថវិកាដែលត្រូវបានស្នើសុំ គឺដើម្បីយកទៅជួយទ្រទ្រង់កុមារទាំងនោះ លើផ្នែកសិក្សា។ ចំណែកថវិកាផ្សេងទៀតនឹងយកទៅជួយពួកគេដើម្បីអាចទទួលបានទឹកស្អាតប្រើប្រាស់ សេវាថែទាំសុខភាព-អនាម័យ ចំណីអាហារ និងការគាំពារផ្នែកសុខភាព។
កុមារដែលកំពុងត្រូវការជំនួយខ្លាំងបំផុតជាងគេ គឺនៅយេម៉ែន ស៊ីរី និងស៊ូដង់។ នៅយេម៉ែន មានកុមារប្រមាណ ១២ លាននាក់ ឬក៏ស្ទើរតែទាំងអស់ទៅហើយ ត្រូវការជំនួយ បន្ទាប់ពីរងគ្រោះដោយសារសង្គ្រាមរយៈពេល៥ ឆ្នាំ។ នេះបើតាមទីភ្នាក់ងារកុមាររបស់អង្គការសហប្រជាជាតិ។
រីឯនៅស៊ីរីវិញ មានកុមារ ៤លាន ៨សែន ត្រូវការជំនួយ បន្ទាប់ពីសង្គ្រាមស៊ីវិលបានសម្លាប់មនុស្សជាង ៣៨ ម៉ឺននាក់ ធ្វើឲ្យមនុស្សរាប់លាននាក់បាត់បង់ទីជម្រក និងបំផ្លិចបំផ្លាញសេដ្ឋកិច្ចប្រទេសអាស៊ីខាងលិចមួយនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ