IMF ៖ ប្រទេសកំពុងលូតលាស់ ត្រូវត្រៀមប្រឈមនឹងភាពច្របូកច្របល់សេដ្ឋកិច្ច
ក្រុមប្រទេសមានសេដ្ឋកិច្ចកំពុងលូតលាស់ ត្រូវត្រៀមលក្ខណៈប្រឈមនឹង ដំណាក់កាលច្របូកច្របល់សេដ្ឋកិច្ច។ នេះជាការព្រមានរបស់មូលនិធិរូបិយវត្ថុអន្តរជាតិ ដោយពន្យល់ថា នេះគឺបណ្តាលមកពី មូលហេតុពីរ ៖ ធនាគារកណ្តាលអាមេរិក នឹងដំឡើងអត្រាការប្រាក់របស់ខ្លួន ហើយដោយហេតុកូវីដ និងអូមីក្រុង កំណើនសេដ្ឋកិច្ចពិភពលោកនៅតែប្រឈមនឹងហានិភ័យខ្ពស់ដដែល។
ចុះផ្សាយនៅថ្ងៃ៖
ត្រូវផ្សាយបច្ចុប្បន្នភាពនៃការព្យាករណ៍របស់ខ្លួន នៅថ្ងៃទី ២៥មករា២០២២ អង្គការមូលនិធិរូបិយវត្ថុអន្តរជាតិបានព្រមានថា សម្រាប់ការព្យាករពេលនេះ សេដ្ឋកិច្ចពិភពលោក ត្រូវមានកំណើន នៅឆ្នាំនេះនិងនៅឆ្នាំក្រោយ ប៉ុន្តែជាកំណើនសេដ្ឋកិច្ច យឺតៗ។
តាំងពីពាក់កណ្តាលខែធ្នូ២០២១មក មេរោគកូវីដបំប្លែងខ្លួនអូមីក្រុង បានធ្វើការចម្លងយ៉ាងខ្លាំងលឿនរហ័សខ្លាំងណាស់ នៅលើពិភពលោក ដោយបង្កើនឯតទគ្គកម្មនៃចំនួនអ្នកវិជ្ជមានស្ទើរជារៀងរាល់ថ្ងៃ។ ថ្វីបើអូមីក្រុងមិនកំណាច មិនសម្លាប់មនុស្សច្រើននឹងខ្លាំងដូចកូវីដ១៩ដំបូងនិងមេរោគបំប្លែងខ្លួនមុនៗមែន ប៉ុន្តែរដ្ឋាភិបាលនីមួយៗមិនអាចនៅស្ងៀម មិនចាត់វិធានការទប់ស្កាត់សោះទេ។ វិធានការទប់ស្កាត់អូមីក្រុង ទោះតឹងឬខ្យោយ បានធ្វើមករំខានការកំណើនសេដ្ឋកិច្ច មិនឱ្យលូតលាស់ដោយរលូនបានទេ។
កំណើនសេដ្ឋកិច្ចរងការរំខានហើយ ត្រូវប៉ះជាមួយនឹងសេចក្តីសម្រេចរបស់ធនាគារកណ្តាលអាមេរិក ដែលចង់ដំឡើងអត្រាការប្រាក់ក្នុងឆាប់ៗនេះទៀត។ ដូច្នេះភាពច្របូកច្របល់សេដ្ឋកិច្ចអាចនឹងកើតមាននៅក្នុងបណ្តាប្រទេសកំពុងមានសេដ្ឋកិច្ចលូតលាស់ ព្រោះបើតាមការពន្យល់របស់FMI/IMF ក្រុមប្រទេសកំពុងលូតលាស់ មានបញ្ហាប្រឈមស្រាប់ ច្រើន ដូចជា មានវិបត្តិអតិផរណាខ្ពស់ និងមានបំណុលសាធារណៈដ៏មហិមារទៀត។
ធនាគារកណ្តាលអាមេរិក បានបង្ហាញឆន្ទៈដំឡើងអត្រាការប្រាក់ ក្នុងពេលឆាប់ៗខាងមុខ និងដំឡើងខ្ពស់ខ្លាំងជាងការគ្រោងទុក ដើម្បីទប់ទល់នឹងវិបត្តិអតិផរណា។ វិបត្តិអតិផរណា ជះឥទ្ធិពលខ្លាំងណាស់លើជីវភាព និងលទ្ធភាពចាយរបស់ប្រជាពលរដ្ឋ ពោលគឺប៉ះពាល់ខ្លាំងណាស់ដល់កំណើនសេដ្ឋកិច្ចរបស់សហរដ្ឋអាមេរិក។
ប៉ុន្តែការដំឡើងអត្រាការប្រាក់ នឹងធ្វើឱ្យសងបំណុលជាតិរបស់បណ្តាប្រទេសកំពុងលូតលាស់មួយចំនួនកើនឡើងតាមដែរ និងមិនអាចរត់តាមទាន់បើសេដ្ឋកិច្ចប្រទេសនោះមានកំណើនអូសជើង។ អត្រាការប្រាក់អាមេរិកឡើងលឿននិងខ្លាំងពេក ទីផ្សារហិរញ្ញវត្ថុក៏អាចនឹងជ្រួលច្របល់ ហើយបង្រួមលក្ខខណ្ឌហិរញ្ញវត្ថុកំរិតពិភពលោកទាំងម្តង។ នេះបើតាមការពន្យល់លម្អិតរបស់អ្នកជំនាញសេដ្ឋកិច្ចនៃអង្គការមូលនិធិរូបិយវត្ថុ ដែលអំពាវនាវឱ្យបណ្តាប្រទេសកំពុងលូតលាស់ទាំអអស់ ចាប់ផ្តើមចាត់វិធានការចាប់ពីពេលនេះតែម្តង ដើម្បីកាត់បន្ថយគ្រោះហានិភ័យ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ