លោក ពូទីន ចូលរួមរំលែក“ក្តីឈឺចាប់” នៃម្តាយទាហានរុស្ស៊ីស្លាប់នៅអ៊ុយក្រែន
ប្រធានាធិបតីរុស្ស៊ី វ៉្លាឌីមៀរ ពូទីន បានបញ្ជាក់ថ្ងៃសុក្រពីការចែករំលែក” ក្តីឈឺចាប់” នៃបណ្តាម្តាយទាហារុស្ស៊ីស្លាប់នៅអ៊ុយក្រែន ។ ការអំពាវនាវបែបនេះ អស់រាប់សប្តាហ៍មក ហើយ បង្ហោះពាសពេញនៅតាមបណ្តាញអ៊ិនធ័រនែតជាភាសារុស្ស៊ី ដើម្បីដាស់តឿន វិមានក្រេមឡាំង ឲ្យគោរពពាក្យសន្យារបស់ខ្លួន។
ចុះផ្សាយនៅថ្ងៃ៖
ស្តាប់ - ០២:៤៩
“ ខ្ញុំចង់ឲ្យអ្នកគ្រប់គ្នាដឹងថា រូបខ្ញុំផ្ទាល់ និង អ្នកដឹកនាំទាំងអស់នៃប្រទេស សុទ្ធតែចែករំលែក ការឈឺចាប់នេះ។ យើងដឹងថាគ្មានអ្វីអាច ប៉ះប៉ូវបានឡើយ ការបាត់បង់ទៅនៃកូនប្រុស “ - សេចក្តីនេះ ថ្លែងដោយ លោក ពូទីន ក្នុងសុន្ទរកថាដ៏ខ្លី ផ្សាយតាមទូរទស្សន៍ នាកិច្ចប្រជុំជាមួយបណ្តាមាតានៃទាហាន និង យោធាកំណែន ដែលស្លាប់ទៅ។
ទន្ទឹមនេះ លោក ពូទីន បានអំពាវនាវកុំឲ្យជឿ “ ព័ត៌មានបោកបញ្ឆោត " ផ្សាយតាមទូរទស្សន៍ និង តាម អ៊ិនធ័រនែត ស្តីពីការវាយលុករបស់រុស្ស៊ីនៅអ៊ុយក្រែន ខណៈដែលនាប៉ុន្មានខែចុងក្រោយ ម៉ូស្គូ បានរងការខាតបង់កាន់តែច្រើនឡើង ក្រោមការវាយបកវិញពីខាងកងទ័ពក្រុងកៀវ។
នេះជាជំនួបផ្ទាល់ជាលើកដំបូង រវាង លោក វ៉្លាឌីមៀរ ពូទីន និង បណ្តាម្តាយពួកយោធាដែលបញ្ជូនទៅ អ៊ុយក្រែន ប៉ុន្តែ មានទៅហើយសំឡងទិតៀន ដែលបរិហារការជួបជុំដែលរៀបចំជាមុនស្រេចបែបនេះ ដោយគ្មានការពិភាក្សាស៊ីជម្រៅឡើយ។
កាលពីខែកញ្ញា វិមានក្រេមឡាំង បានបញ្ជាឲ្យកេណ្ឌពួកយោធា និងបានអះអាងថា យោធា ជ្រើសរើសរាប់សែននាក់ បានរងការហ្វឹកហាត់គួរឲ្យទុកចិត្ត បានទទួលបរិក្ខារយោធាដ៏ល្អ។ ផ្ទុយទៅវិញ គឺមានករណីធ្លាក់ខ្លួនស្លាប់នៅសមរភូមិមុខនៃយោធាកំណែន ការកេណ្ឌមនុស្សដែលគ្មានសម្បទា បែបយ៉ាងឪពុកនៃគ្រួសារដែលមានកូនច្រើនក្នុងបន្ទុក ឬ ដែលចំណាស់ វ័យជ្រុល និង អវត្តមាននៃបរិក្ខារយោធាសមស្រប ។
កំណែននេះ ខ្វះរបៀបរៀបរយ គឺបានបង្កជា ក្តីព្រួយបារម្ភ ក្នុងចំណោមសាច់ញាតិរបស់ទាហានដែលបញ្ជូនទៅអ៊ុយក្រែន។ រដ្ឋអំណាច ក៏ទទួលស្គាល់ “ កំហុសថ្លោះធ្លោយ“។
បណ្តាម្តាយនិងប្រពន្ធទាហានរុស្ស៊ី កើតក្តីព្រួយបារម្ភ និង រអ៊ូរទាំ ហើយបណ្តាលឲ្យកើតមានមន្ទិលសង្ស័យចំពោះ ប្រតិបត្តិការវាយលុករបស់ររុស្ស៊ី នៅអ៊ុយក្រែន។ ការចាប់ពួកគេដាក់គុក នឹងបណ្តាលឲ្យ លេចចេញមកពុំខានជា បរិយាកាសស្រឡាំងកាំង នៅរុស្ស៊ី។
សង្គមវិទូ Alexei Levinson នៃ មជ្ឈមណ្ឌលសង្គមសាស្ត្រឯករាជ Levada-Center បានកត់សម្គាល់ថា ក្នុងសង្គមរុស្ស៊ី “ចង់ឬមិនចង់ សណ្ឋិតនៅ គឺ មនោសញ្ចេតនាដែលថា ស្ត្រីមានសិទ្ធិ “ទារសំណងពីអាជ្ញាធរ។
បច្ចុប្បន្ន ចលនាស្ត្រីបែបនេះ នៅរាត់រាយនៅឡើយ។ សេចក្តីអំពាវនាវ របស់សាច់ញាតិទាហានដែលគ្មានរំពឹង បង្ហោះតែតាមបណ្តាញសង្គម ឬ ផ្សព្វផ្សាយតែក្នុងសមូហភាពក្រៅផ្លូវការ ប៉ុណ្ណោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ