សហរដ្ឋអាមេរិករុះរើមន្ត្រីសំខាន់ៗក្នុងទីភ្នាក់ងារចារកម្ម
ទីភ្នាក់ងារចារកម្មសហរដ្ឋអាមេរិករុះរើក្រុមការងារដឹកនាំរបស់ខ្លួន បន្ទាប់ពីរឿងអាស្រូវកាលពីប៉ុន្មានខែចុងក្រោយនេះ។ មន្ត្រីសំខាន់ៗទទួលបន្ទុកខាងការពារគ្រួសារលោកប្រធានាធិបតីអូបាម៉ា ត្រូវបានដកចេញពីតំណែងដោយលោកចូសេហ្វ ខ្លែនស៊ី (Joseph Clancy)ដែលជានាយកស្តីទី។ លោកចូសេហ្វ ខ្លែនស៊ី បានចូលមកគ្រប់គ្រងទីភ្នាក់ងារចារកម្មអាមេរិក បន្ទាប់ពីការលាលែងពីតំណែងរបស់អ្នកស្រី ជូលា ព្យែសុន (Julia Pierson) កាលពីសរទរដូវឆ្នាំមុន។
ចុះផ្សាយនៅថ្ងៃ៖
ស្តាប់ - ០១:១៥
កាលពីខែកញ្ញាឆ្នាំមុន បុរសវង្វេងស្មារតីម្នាក់ជាទាហានជើងចាស់ក្នុងសង្គ្រាមវៀតណាម បានចូលទៅក្នុងសេតវិមាន បន្ទាប់ពីបានរត់ដោយគ្មានខ្លាចលើសួនស្មៅនៅខាងមុខនិវេសនដ្ឋានប្រធានាធិបតី ដែលតាមទ្រឹស្តីជាកន្លែងមានសុវត្ថិភាពជាងគេ។
ឧប្បត្តិហេតុនេះ មិនយូរប៉ុន្មាន បានលាតត្រដាងដំណើរមិនប្រក្រតីខ្លាំងនៅក្នុងជួរកងអង្គរក្សដែលទទួលបន្ទុកការពារសុវត្ថិភាពរបស់គ្រួសារលោកប្រធានាធិបតីអូបាម៉ា។ ក្នុងចំណោមបញ្ហាទាំងនោះមានដូចជា៖ ការធ្វេសប្រហែសទាំងឡាយដែលប្រធានាធិបតីមិនបានពិនិត្យហ្មត់ចត់ វប្បធម៌និទណ្ឌភាពសម្រាប់មន្ត្រីជាន់ខ្ពស់ដែលមិនយកចិត្តទុកដាក់នឹងការផ្តល់សញ្ញាអាសន្នដោយមន្ត្រីក្រោមឱវាទរបស់ខ្លួន។ល។
កាលពីប៉ុន្មានខែមុន គេបានរកឃើញថា អំឡុងពេលដែលមានការបាញ់កាំភ្លើងទៅលើអាគារប្រធានាធិបតី ភ្នាក់ងារទទួលបន្ទុកការពារកូនៗរបស់លោកអូបាម៉ា ពុំត្រូវបានគេយកត្រចៀកស្តាប់ឡើយ ខណៈដែលពួកគេបានផ្តល់សញ្ញាអាសន្នឱ្យមេកើយនានារបស់ខ្លួន។
លទ្ធផលនៃសវនកម្មឯករាជ្យ ដែលស្នើឡើងដោយលោកនាយកស្តីទីឈ្មោះ ចូសេហ្វ ខ្លែនស៊ី (Joseph Clancy) គឺច្បាស់ណាស់ថា មន្ត្រីជាន់ខ្ពស់ទាំងនោះមិនដល់កម្រិត។ ពួកគេត្រូវបានស្នើឱ្យលាលែងពីតំណែង ឬនឹងត្រូវបណ្ដេញចេញពីការងារ។ ការរុះរើគណៈគ្រប់គ្រងដ៏ធំមួយនឹងត្រូវគេស្នើឡើង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ