សម្តេចប៉ាប Benoît xvi យាងទៅលើកទឹកចិត្តគ្រិស្តបរិស័ទនៅលីបង់
សម្តេចប៉ាប Benoît xvi ប្រមុខដឹកនាំគ្រិស្តសាសនាកាតូលីក បានធ្វើដំណើរយាងទៅដល់ប្រទេសលីបង់នៅថ្ងៃសុក្រ១៤កញ្ញានេះ ដើម្បីបំពេញទស្សនកិច្ច៣ថ្ងៃ។ Benoît xvi បានយាងទៅកាន់តំបន់មួយដែលកំពុងជួបនឹងស្ថានការណ៍វឹកវរនិងមានភាពតានតឹងទាំងខាងនយោបាយ,សាសនា,និងទាំងខាងសហគមន៍។ ទោះបីជាព្រះអង្គយាងមកទីនេះដើម្បីជួយលើកទឹកចិត្តក្រុមបរិស័ទគ្រិស្តសាសនានិងឲ្យដំបូន្មានពួកគេកុំឲ្យចាកចេញពីស្រុកទេសក្តី ក៏សុន្ទរកថាសន្តិភាពរបស់ព្រះអង្គនឹងត្រូវបានគេរង់ចាំជាខ្លាំងជាអាទិ៍ពីសំណាក់សហគមន៍សាសនាអ៊ីស្លាមលីបង់៕ទន្ទឹងរង់ចាំយ៉ាងខ្លាំងដែរ៕
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៣៩
នៅពេញមួយរដូវក្តៅនេះ គេបានចោទសួរគ្នាថា តើសម្តេចប៉ាប Benoît xvi បោះបង់ចោលឬក៏អត់ ???ដំណើរទស្សនកិច្ច របស់ទ្រង់ដែលស្ថិតនៅក្បែរបង្កើយនឹងប្រទេសស៊ីរី។ ស៊ីរី ដែលកំពុង ធ្លាក់ក្នុងសង្គ្រាមស៊ីវិលដ៏ធ្ងន់ធ្ងរ។ ដូចនេះ ការយាងរបស់សម្តេចប៉ាបមកកាន់តំបន់ដែលកំពុងវឹកវរចលាចលនាពេលនេះ គឺពិតជានិមិត្តរូបមួយ។
ខុសពីដំណើរទស្សនកិច្ចរបស់សម្តេច ប៉ាប Jean-Paulទី២នៅលីបង់កាលពី១៥ឆ្នាំមុនគឺនៅឆ្នាំ១៩៩៧ សម្តេចប៉ាប Benoît ទី xvi បានយាងមកកាន់ប្រទេសលីបង់ នៅក្នុងបរិបទមួយដែលនយោបាយនិងសាសនា ខុសប្លែកពីគ្នាយ៉ាងខ្លាំង។ លីបង់ ជាប្រទេសប្រកបដោយសហគមន៍សាសនាចំរុះគ្នា និងមានអ្នកកាន់សាសនាគ្រិស្តប្រមាណ ៣០% នៅក្នុងប្រទេស ក៏ប៉ុន្តែលីបង់សព្វថ្ងៃនេះ ក៏មានការបែងចែកគ្នាគួរឲ្យកត់សំគាល់។
នៅថ្ងៃសុក្រនេះ កងកម្លាំងការពារសន្តិសុខលីបង់ទាំងអស់ បានកេណ្ឌគ្នាដើម្បីការពារសុវត្តិភាពរបស់សម្តេចប៉ាប Benoît xvi។ សម្តេចនឹងថ្លែងសុន្ទរកថាលើកទឹកចិត្តដល់គ្រិស្តបរិស័ទនៅដើមបូព៌ា ដែលជាញឹកញាប់ មានការព្រួយបារម្ភយ៉ាងខ្លាំងប្រឈមមុខនឹងការកើនឡើងជាលំដាប់នៃពួកអ៊ីស្លាមជ្រុលនិយម។
អាចចាត់ទុកជាដំណើរទស្សនកិច្ចមួយដែលការប្រុងប្រយ័ត្នដ៏ខ្ពស់បំផុត ទាំងពាក្យទាំងសំដី។ ដូចនេះ ដើម្បីការពារ នៅចំពោះមុខនៃការគំរាមគ្រប់បែបនោះ នៅតាមផ្លូវថ្នល់ ដែលសម្តេចប៉ាបត្រូវឆ្លងកាត់ អាជ្ញាធរលីបង់ បានបិទមិនឲ្យមានដំណើរការ។ រីឯកងទ័ព បានដាក់បំរាម មិនឲ្យយន្តហោះ ចរាចរនៅម្តុំតំបន់និវេសនដ្ឋានរបស់សម្តេចប៉ាប នៅ Harissa ដែរ។មិនតែប៉ុណ្ណោះ កងទ័ព បានលើកផ្អាកដែរ រាល់លិខិតដែលអនុញ្ញាតឲ្យកាន់កាប់អាវុធជាប់ខ្លួននៅទូទាំងប្រទេស លើកលែងតែក្រុមអង្គរក្សតែប៉ុណ្ណោះ-នេះបើយោងតាមប្រសាសន៍របស់ លោក Marwan Charbel រដ្ឋមន្ត្រីក្រសួងមហាផ្ទៃលីបង់។
យ៉ាងណាមិញ ដំណើរទស្សនកិច្ចរបស់សម្តេចប៉ាបBenoît xviត្រូវបានប្រព្រឹត្តទៅនៅខណៈពេលដែលប្រទេសស៊ីរីជាប់របងជាមួយលីបង់ កាន់តែធ្លាក់ចុះដុនដាបក្នុងសង្គ្រាម វាយប្រយុទ្ធគ្នាដោយគ្មានលស់ថ្ងៃរវាងកងទ័ពនិងចលនាប្រឆាំងស៊ីរីដែលបានសម្លាប់ជីវិតមនុស្សប្រមាណជា២ម៉ឺន ៧០០០នាក់ហើយ។
សូមបញ្ជាក់ថា នៅឱកាសដំណើរទស្សនកិច្ចនេះ សម្តេចប៉ាប Benoît xvi នឹងអំពាវនាវជាថ្មីទៀត សុំឲ្យមានសុខសន្តិភាពនៅក្នុងប្រទេសស៊ីរី និងសុំឲ្យ ឈប់ផ្តល់សព្វាវុធនិងហិរញ្ញវត្ថុដល់ គូបដិបក្សដែលកំពុងច្បាំងគ្នានៅក្នុងប្រទេស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ