ជ័យជំនះរបស់លោក Donald Trump បង្កជាបាតុកម្មទូទាំងសហរដ្ឋអាមេរិក
ជ័យជំនះរបស់លោក Donald Trump បង្កឱ្យមានជាបាតុកម្មទូទាំងសហរដ្ឋអាមេរិក។ ក្រុមអ្នកតវ៉ារាប់ពាន់បានប្រមូលផ្តុំគ្នានៅទូទាំងសហរដ្ឋអាមេរិកនៅថ្ងៃព្រហស្បតិ៍នេះ។ ជាបាតុកម្ម ដែលបង្ហាញក្តីរន្ធត់ និងហួសចិត្តជាពន់ពេក ខណៈដែលលោក ដូណាល់ ត្រំា បានឈ្នះឆ្នោតកា្លយជាប្រជាធានាធិបតីទី ៤៥របស់អាមេរិក។ បាតុករលើកឡើងថា ទស្សនៈដែលធ្វើឱ្យលោកត្រាំឈ្នះឆ្នោតនេះ គឺជាការបែកចែក និងរើសអើងជាតិសាសន៍យ៉ាងពិតប្រាកដ។ ពួកគេប្រឆាំងជាដាច់ខាត ចំពោះទស្សនៈនេះ!
ចុះផ្សាយនៅថ្ងៃ៖ កែប្រែថ្ងៃទី៖
នៅក្នុងទីក្រុង Washington ក្រុមអ្នកតវ៉ារាប់រយនាក់បានប្រមូលផ្តុំគ្នានៅមុខសេតវិមានអាមេរិក រិះគន់ទៅលើលោក ត្រាំថាជាមនុស្សរើសអើង និងបែកចែកជាតិសាសន៍។ ពួកគេលើកបដាដោយសសេរថា៖ យើងមានសម្លេងមួយ! និងការអប់រំសម្រាប់ទាំងអស់គ្នា!
លោក Ben Wikler - មនុស្សម្នាក់ក្នុងចំណោមអ្នករៀបចំបាតុកម្ម និងជានាយកអង្កការតស៊ូមតិ ដើម្បីសេរីភាពនៅក្រុងវ៉ាស៊ីនតោន បានប្រាប់ថា ក្រុមមនុស្សដែលចូលរួមបាតុកម្មនេះ មិនមែនរស់នៅទីក្រុងនេះទាំងអស់ទេ តែក៏មានចូលរួមបីសហគមន៍រាប់រយទៀតនៅសហរដ្ឋអាមេរិក។
ចំណែកនៅទីក្រុង Austin, រដ្ឋTexas បាតុករជាច្រើនពាន់នាក់ បានបិទផ្លូវហាយវេ ហើយសិស្សប្រមាណជា ១៥០០នាក់ នាំគ្នាដុតទង់ជាតិ នៅមុខសាកលវិទ្យាល័យសហរដ្ឋ អាមេរិក ។ មានសិស្សខ្លះ មិនចូលរៀន ក្រោយដឹងថា លោក ត្រំា បានឈ្នះឆ្នោត។
ពីទីក្រុង Boston ទៅទីក្រុង Los Angeles វិញឯណោះ បាតុករនាំគ្នាស្រែកថា “នេះមិនមែនជាប្រធានាធិបតីរបស់ខ្ញុំនោះទេ, ហើយក៏មិនមែនថ្ងៃនេះដែរ”។
ក្រលេកទៅមើល នៅរដ្ឋOregon ក្រុមបាតុករដែលមានគ្នាប្រមាណ ៣០០នាក់ បានបិទចរាចរណ៍នៅក្នុងទីក្រុង Portland, ដែលបានបង្ខំឱ្យពន្យាពេលរថភ្លើងពីរខែ្សត្រូវពន្យាពេល។ ក្នុងចំណោមពួកគេ អ្នកខ្លះអង្គុយនៅ កណ្តាលផ្លូវ ដើម្បីរារាំងចរាចរណ៍ និងអ្នកខ្លះទៀតបន្តដុតទង់ជាតិរអាមេរិក។
សារពត៌មានក្នុងស្រុក បានរាយការណ៍ថា បាតុកម្មធ្វើឡើងមិនតិចជាង ៧ទីក្រុង នោះទេ នៅសហរដ្ឋអាមេរិក។ ហើយការតវ៉ានេះ ត្រូវបានធ្វើឡើងនៅទីក្រុង ផ្សេងៗគ្នាដូចជា ទីក្រុង Chicago, Philadelphia, Portland, Oregon, Seattle, Denver, Portland និងក្រុងផ្សេងទៀតក្នុងសហរដ្ឋអាមេរិក។
ជាការពិតណាស់ ជោគជ័យរបស់លោកដូណាល់ ត្រាំបានធ្វើឲ្យគ្រប់គ្នាភ្ញាក់ផ្អើល និងបញ្ចេញប្រតិកម្មជាហូរហែ។ ហើយទោះបីជា អ្នកស្រី Hilary Clinton និង លោក Barak Obama ព្រមទទួលស្គាល់នូវ លទ្ធផលនៃការបោះឆ្នោត។ យ៉ាងណាក្តី ក៏គេនៅតែសង្គេតឃើញថា ប្រជាពលរដ្ឋអាមេរិក ក៏ដូចជាមនុស្ស នៅក្នុងពិភពលោក នាំគ្នាបង្ហាញពីការមិនពេញចិត្ត។ ពួកគេព្រួយបារម្ភ ពីជោគវាសនា និងអនាគត របស់សហរដ្ឋអាមេរិក ដែលមានរូបលោក Donald Trump ធ្វើជាប្រធានាធិបតី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ