រដ្ឋាភិបាលហ្វីលីពីននិងក្រុមឧទ្ទាមកុម្មុយនិស្តព្រមព្រៀងបន្តបទឈប់បាញ់គ្មានកំណត់ដើម្បីចរចារកសន្តិភាព
រដ្ឋាភិបាលនិងក្រុមឧទ្ទាមកុម្មុយនិស្តហ្វីលីពីន បានព្រមព្រៀងគ្នាក្នុងការបន្តបទឈប់បាញ់ដោយគ្មានកំណត់ ដើម្បីងាកមករកការចរចាសន្តិភាពព្រមទាំងបញ្ចប់ជម្លោះដ៏រាំរៃមួយជិតកន្លះសត្សវត្តន៍មកហើយនៅក្នុងប្រទេសហ្វីលីពីន-នេះជាសេចក្តីជូនដំណឹងរបស់ប្រទេសន័រវេសនៅថ្ងៃសុក្រ២៦សីហា។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៤៧
តំណាងរដ្ឋាភិបាលហ្វីលីពីននិងចលនាឧទ្ទាមកុម្មុយនិស្តឈ្មោះ”រណៈសិរ្សប្រជាធិតេយ្យជាតិ” ត្រូវចុះហត្ថលេខានៅថ្ងៃសុក្រ ២៦សីហានេះ លើសេចក្តីប្រកាសរួមមួយគ្នាមួយ ដែលនៅក្នុងនោះ ភាគីទាំងពីរ បានសន្យា ផ្អាកការប្រយុទ្ធដោយគ្មានកំណពេល-នេះជាសេចក្តីជូនដំណឹងមួយរបស់ការទូតន័រវេសដែលជាអ្នកដើរតួនាទីជាអន្តរការីនៅក្នុងអធិករណ៍នេះ។
សូមបញ្ជាក់ថា រដ្ឋាភិបាលនិងចលនាឧទ្ទាមកុម្មុយនិស្តហ្វីលីពីន បានបន្តការរចាជាមួយគ្នាតាំងពីថ្ងៃចន្ទមុននៅទីក្រុងអួស្លូប្រទេសន័រវេសដើម្បីបិទបញ្ចប់ក្រុមឧទ្ទាមដ៏ចំណាស់ជាងគេមួយនៅតំបន់អាស៊ី។ គួររំលឹកថា នាពេលបន្តកិច្ចចរចា ភាគីទាំងពីរបានសម្រេចការផ្អាកប្រយុទ្ធគ្នាជាឯកតោភាគី។ ប៉ុន្តែបទឈប់បាញ់របស់ពួកឧទ្ទាមកុម្មុយនិស្ត បានផុតរលត់តាំងពីថ្ងៃសៅរ៍មុន។
គួររំលឹកថា ក្រោយពីលោក Rodrigo Duterte បានឈ្នះឆ្នោតឡើងជាប្រធានាធិតីប្រប្រទេសហ្វីលីពីននៅខែឧសភាមក លោក Duterte បានផ្តល់អាទិភាពមុនគេទៅលើការបន្តកិច្ចចរចារសន្តិភាពជាមួយក្រុមឧទ្ទាមកុម្មុយនិស្ត។ ហើយយោងតាម ទីក្រុងម៉ានីល គូភាគីទាំងពីរ បានកំណត់គោលដៅមួយ គឺធ្វើយ៉ាងណាសម្រេចឲ្យបាននូវកិច្ចព្រមព្រៀងសន្តិភាពមួយចាប់ពីអំណេះទៅរហូតដល់មួយឆ្នាំ។
ដើម្បីពន្លឿនដំណើរការចរចាសន្តិភាព រដ្ឋាភិបាលហ្វីលីពីននិងក្រុមឧទ្ទាមកុម្មុយនិស្ត បានសម្រេចជ្រើសព្រមគ្នាជំពូកនៅសេសសល់ផ្សេងៗទៀតដែលភាគីទាំងពីរនៅពុំទាន់បានចរចា ដួចជានៅលើ ការធ្វើកំណែទម្រង់សង្គម-សេដ្ឋកិច្ច កំណែទម្រង់នយោបាយ កំណែទម្រង់រដ្ឋធម្មនុញ្ញនិងការបញ្ចប់អារិភាពនានានៅក្នុងប្រទេសហ្វីលីពីន
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ