កិច្ចព្រមព្រៀងផលិតប្រេង ស្លាប់មុនកើត ?!
ភាពតានតឹងរវាងប្រទេសជាគូប្រជែងគ្នាអ៊ីរ៉ង់ និងអារ៉ាប៊ីសាអូឌីត កំពុងក្លាយជាឧបសគ្គរាំងស្ទះមិនឱ្យកិច្ចព្រមព្រៀងបង្កកបរិមាណផលិតប្រេងអាចកើតចេញជារូបរាងបានទេ នាឱកាសជំនួបប្រជុំពិសេស នៅទីក្រុងដូហាថ្ងៃអាទិត្យនេះ។ ក្រុមប្រទេសអ្នកផលិតប្រេង ជាសមាជិក និងមិនមែនជាសមាជិកOPEP បានជួបប្រជុំគ្នាជាលើកទីមួយ គិតចាប់តាំងពី១៥មក ដើម្បីរិះរកមធ្យោបាយទប់តម្លៃប្រេងកុំឱ្យធ្លាក់ថ្លៃពេក។
ចុះផ្សាយនៅថ្ងៃ៖
ស្តាប់ - ០១:៣៤
ប្រទេសទាំង១៨ជាសមាជិកនិងមិនមែនជាសមាជិកអង្គការOPEP និងរុស្ស៊ីផង ត្រូវជួបប្រជុំគ្នានៅព្រឹកថ្ងៃអាទិត្យទី ១៧មេសា ដើម្បីស្វែងរកកិច្ចព្រមព្រៀងបង្កកបរិមាណផលិតប្រេងរហូតដល់ខែតុលា។ ប៉ុន្តែ កិច្ចប្រជុំផ្លូវការត្រូវបានលើកពេលទៅវិញ បន្ទាប់ពីអារ៉ាប៊ីសាអូឌីត ប្រធានOPEP បានបង្ហាញគម្រោងកិច្ចព្រមព្រៀងថ្មី ថាគ្រប់ប្រទេសជាសមាជិកអង្គការទាំងត្រូវផ្តល់សេចក្តីសម្រេចចិត្តលើកិច្ចព្រមព្រៀង។
ការកែប្រែនេះ អាចជាឧសបគ្គយ៉ាងធំ ព្រោះសមាជិកOPEP មួយចំនួនបានសម្រេចចិត្តមិនចូលរួមក្នុងជំនួបប្រជុំថ្ងៃនេះទេ មានជាអាទិ៍អ៊ីរ៉ង់។ អារ៉ាប៊ីសាអូឌីត ពីដំបូងឡើយ បានជំទាស់មិនឱ្យអ៊ីរ៉ង់ដែលក្រោយពីបានរួចពីទណ្ឌកម្មសេដ្ឋកិច្ចអន្តរជាតិ បដិសេធមិនព្រមកាត់បន្ថយការបូមប្រេង ចូលប្រជុំនៅថ្ងៃអាទិត្យនេះទេ។
បើតាមប្រភពOPEP បានប្រកាសថា គេទំនងជាមិនអាចនិយាយអំពី កិច្ចព្រមព្រៀងបង្កកប្ររេងទៀតបានឡើយ។ បញ្ហាដែលត្រូវដោះស្រាយនៅពេលនេះ គឺត្រូវធ្វើយ៉ាងណាដកអ៊ីរ៉ង់ចេញដើម្បីបំពេញចិត្តអារ៉ាប៊ីសាអូឌីត តែកុំឱ្យរុស្ស៊ីខឹងសម្បារ។
គ្មានកិច្ចព្រមព្រៀង ការប្រកួតប្រជែងដណ្តើមទីផ្សារ រវាងក្រុមប្រទេសផលិតនឹងចាប់ផ្តើមឡើងវិញ ដូចជាទប់តម្លៃប្រេងមិនឱ្យឡើងថ្លៃវិញរួច។ សម្រាប់អ្នកវិភាគ ប្រសិនបើគ្មានការបង្កកបរិមាណផលិតប្រេងទេ អារ៉ាប៊ីសាអូឌីត មិនអាចបន្ទោសអ៊ីរ៉ង់បានឡើយ ហើយវានឹងអាចប៉ះពាល់ដោយផ្ទាល់ដល់ផលិតផលប្រេងនៅអាមេរិកខាងជើង។ សម្រាប់អ៊ីរ៉ង់ កាបង្កកបរិមាណផលិតប្រេង មានន័យស្មើនឹងស្ថិតក្នុងទណ្ឌកម្ម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ