អង្គការសុខភាពពិភពលោក អំពាវនាវឲ្យចិនប្រឹងប្រយុទ្ធប្រឆាំង នឹងជម្ងឺអេដស៍
ថ្ងៃចន្ទទី១ធ្នូនេះ ដែលជាទិវាពិភពលោកប្រយុទ្ធប្រឆាំងជំងឺអេដស៍ អង្គការសុខភាពពិភពលោក OMS បានអំពាវនាវឱ្យទីក្រុងប៉េកាំង បញ្ចេញសកម្មភាពឲ្យបានខ្លាំងក្លាថែមទៀត ក្នុងការប្រយុទ្ធប្រឆាំងនឹងជម្ងឺអេដស៍។ បើតាមតួលេខផ្លូវការ នៅប្រទេសចិន មានជនចំនួនកន្លះលាននាក់ ផ្ទុកវីរុសអេដស៍ និងច្រើនដល់ទៅរាប់រយពាន់នាក់ផ្សេងទៀតទំនងជាបានឆ្លងវីរុសអេដស៍ដោយមិនបានដឹងខ្លួន។
ចុះផ្សាយនៅថ្ងៃ៖
ស្តាប់ - ០២:២៤
លោក Bernhard Schwartlander អ្នកតំណាងអង្គការសុខភាពពិភពលោក (OMS) ប្រចាំប្រទេសចិន បានព្រមានថា “ប្រទេសចិនដែលមានប្រជាជនច្រើនជាងគេនៅលើលោក ទោះបីជាអាចកាត់បន្ថយអត្រា prévalence នៃមេរោគអេដស៍បានជោគជ័យនៅក្នុងចំណោមអ្នកសេពគ្រឿងញាន តាមរយៈការចែកចាយម្ចុលចាក់ថ្នាំនិងការបង្កើតមជ្ឈមណ្ឌលព្យាបាល ក្តី ក៏ប្រទេសចិននៅមានកិច្ចការជាច្រើនផ្សេងទៀតដែលត្រូវធ្វើនៅក្នុងការប្រយុទ្ធប្រឆាំងនឹងមេរោគអេដស៍។
ម្យ៉ាងទៀត ការប្រយុទ្ធប្រឆាំងទល់នឹងមេរោគអេដស៍នេះ ជាកិច្ចការដ៏សំខាន់ តែប្រទេសចិនត្រូវតែចាត់វិធានការឲ្យបានម៉ឺងម៉ាត់ដែរ ដើម្បីទប់ស្កាត់ការរើសអើងនៅក្នុងសង្គម។
ការរើសអើងសង្គមដូចជាធ្វើទៅលើជនផ្ទុកមេរោគអេដស៍ឬ ជនស្រឡាញ់ភេទដូចគ្នាដែលមេរោគអេដស៍អាចឆ្លងតាមរយៈការរួមភេទឬទៅលើនារីពេស្យាចារក៏ព្រមទាំងអ្នកសេពគ្រឿងញាន-ជាការអះអាងរបស់លោក Bernhard Schwartlander ដែលត្រូវបានចុះផ្សាយដោយកាសែតChiana Daily នៅឱកាសទិវាពិភពលោកប្រយុទ្ធប្រឆាំងជម្ងឺអេដស៍នៅថ្ងៃចន្ទទី១ធ្នូនេះ។ អ្នកតំណាងអង្គការសុខភាពពិភពលោក បានបន្ថែមទៀតថា៖ទោះបីជាមានការរីកចំរើនក្នុងប៉ុន្មានឆ្នាំចុងក្រោយនេះក្តី ក៏បញ្ហារើសអើងទៅលើជនផ្ទុកមេរោគអេដស៍នៅតែមានចំនួនច្រើនដដែល ដោយលោក បានអំពាវសុំឲ្យអាជ្ញាធរចិន ធ្វើការផ្សព្វផ្សាយឲ្យអ្នកស្រឡាញ់ភេទដូចគ្នា ចេះការពារខ្លួនដោយត្រូវប្រើស្រោមអនាម័យនៅពេលរួមភេទ។
ដោយហេតុថា អ្នកឆ្លងមេរោគអេដស៍កាន់តែកើនចំនួនច្រើនឡើងៗនៅក្នុងចំណោមអ្នកសេពគ្រឿងញាន។ រីឯចំនួនអ្នកកើតមេរោគអេដស៍ដែលជាអ្នកស្រឡាញ់ភេទផ្ទុយគ្នា ក៏ពុំមានស្រកចុះដែរ។
ចាប់តាំងពីជម្ងឺអេដស៍កើតឡើងនៅក្នុងប្រទេសចិនក្នុងឆ្នាំ១៩៨៥មក មេរោគអេដស៍ បានសម្លាប់ជីវិមនុស្សអស់ ១៥ម៉ឹន៤០០០នាក់ នេះបើតាមការអះអាងរបស់គណៈកម្មការសុខាភិបាលជាតិនិងកម្មវិធីគ្រួសារនៃប្រទេសចិន។
គ្រាន់តែឆ្នាំ២០១១ យោងតាមការវាយតម្លៃរបស់អង្គការOnusida ប្រទេសចិន មានអ្នកផ្ទុកមេរោគអេដស៍ចំនួន ៧៨ម៉ឺននាក់។ ហើយសព្វថ្ងៃនេះ ជនផ្ទុកមេរោគអេដស៍ចំនួន ២៥ ម៉ឺននាក់ កំពុងប្រើថ្នាំពន្យាជីវិតដែរ នេះជាការគូសបញ្ជាក់របស់លោកស្រី catherine Sozi នាយិការនៃអង្គការ Onusida សំរាប់ប្រទេសចិន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ