បក្សប្រឆាំងដ៏ភាគច្រើនបដិសេធមិនចូលរួមក្នុងការបោះឆ្នោតប្រជាមតិថ្ងៃ១៥ធ្នូខាងមុខ
រណសិរ្សសង្គ្រោះជាតិប្រមូលផ្តុំដោយបក្សសំខាន់ៗនិងចរន្តបក្សប្រឆាំងអេហ្ស៊ីប បានសម្រេចចិត្តច្រានចោលការរៀបចំការបោះឆ្នោតប្រជាមតិស្តីពីគម្រោងវិសោធនកម្មធម្មនុញ្ញ។ រណសិរ្ស បានអំពាវនាវឲ្យធ្វើបាតុកម្មនៅថ្ងៃអង្គារ១១ធ្នូស្អែក ដើម្បីប្រឆាំងនឹងការរៀបចំការបោះឆ្នោតប្រជាមតិនៅថ្ងៃ១៥ធ្នូខាងមុខនិងរាល់អ្វីៗដែលពួកគេចាត់ទុកថាជាការគំរាមប៉ះពាល់ដល់សិទ្ធិសេរីភាពរបស់ពួកគេ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៨
រណសិរ្សសង្គ្រោះជាតិ ដែលរួមប្រជុំដោយបក្សសំខាន់ៗនិងចរន្តនៃចលនាប្រឆាំង បានសម្រចចិត្តច្រានចោលការរៀបចំការបោះឆ្នោតប្រជាមតិស្តីពីគំរោងវិធិសោធនកម្មធម្មនុញ្ញគ្រោងធ្វើនៅថ្ងៃ១៥ធ្នូខាងមុខ។ យោងតាមរណសិស្សសង្គ្រោះជាតិ គំរោងនេះ ធ្វើឲ្យប៉ះពាល់ដល់សិទ្ធិពលរដ្ឋទាំងក្នុងផ្នែកសង្គមនិងទាំងនៅលើផ្នែកនយោបាយជាមូលដ្ឋានក៏ព្រមទាំងបើកផ្លូវដល់របបផ្តាច់ការ។
មូលហេតុនៃការច្រានចោលមួយទៀត ដែលរណៈសិរ្សសង្គ្រោះជាតិហៅថា” ការរីករាលដាលយ៉ាងខ្លាំងនៃអំពើហិង្សានិងអំពើភេរវនិយម បង្កឡើងដោយពួកកងអាសាស្ម័គ្រ អ៊ីស្លាមនិយមជ្រុល” ប្រឆាំងនឹងស្ថាប័ណសំខាន់ៗ ដូចជាតុលាការនិងមធ្យោបាយឃោសនាមហាជនជាដើម។ បុរី នៃមធ្យោបាយឃោសនាមហាជនអេហ្ស៊ីប ដែលរួមប្រជុំដោយបណ្តាញទូរទស្សន៍ឯកជន ត្រូវបានពួកអ៊ីស្លាមនិយមជ្រុល រាប់ពាន់នាក់នាំគ្នាធ្វើការឡោមព័ទ្ធជុំជិតអស់តាំងពី៣ថ្ងៃកន្លងមកហើយទំាងច្រកចូលនិងទាំងច្រកចេញ។
រណសិរស្សសង្គ្រោះជាតិ បានគូសបញ្ជាក់ទៀតថា “ក្រសួងមហាផ្ទៃអេហ្សើបខ្លួនឯងហ្នឹងក៏ត្រូវស្ថិតនៅក្រោមសម្ពាធបស់ពួកអ៊ីស្លាមនិយមជ្រុលដែរដែលបង្ខំឲ្យក្រសួងមហាផ្ទៃធ្វើការបង្រ្កាបយ៉ាងហិង្សាទៅលើចលនាបាតុកម្មរបស់ពួកបាតុករ”។
មិនតែប៉ុណ្ណោះ រណសិរ្សសង្គ្រោះជាតិ ថែមទាំងបានអំពាវនាវដល់ប្រជាជនអេហ្ស៊ីបទាំងអស់ដែលត្រូវសង្កត់សង្កិនដោយការយកពន្ធថ្មីៗថែមទៀតនិងការតម្លើងតម្លៃទំនិញនោះឲ្យកែណ្ឌគ្នីគ្នាមកចូលរួមនៅក្នុងមហាបាតុកម្មមួយ ដែលគ្រោងធ្វើនៅថ្ងៃអង្គារទី១១ធ្នូស្អែកនេះ។ ថ្ងៃអង្គារស្អែក ដែលអាចនឹងអូសទាញស្ថានការណ៍នៅក្នុងប្រទេសអេហ្ស៊ីបឲ្យធ្លាក់ចុះនៅក្នុងអំពើហិង្សាដ៏ធ្ងន់ធ្ងរមួយ ប្រសិនបើពួកអ៊ីស្លាមនិយមជ្រុល ធ្វើការអនុវត្តន៍ការគំរាមរបស់ពួកគេ ដើម្បីការរៀបចំបាតុកម្មប្រឆាំងតបតវិញនៅថ្ងៃស្អែកនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ